ព័ត៌មានជាតិ
តើក្រសួងអប់រំអាចបើកបវេសន កាលឆ្នាំសិក្សាថ្មីនៅថ្ងៃទី១១មករាបានទេ?
មាតាបិតា និងអ្នកអាណាព្យាបាលសិស្សដែលមានកូនគ្រប់អាយុចូលរៀនកំពុងទន្ទឹងរង់ចាំការបើកបវេសនកាលឆ្នាំសិក្សាថ្មី២០២០ ២០២១ដើម្បីបញ្ជូនកូនចៅរបស់ពួកគេទៅសាលារៀន។
ប៉ុន្តែអ្វីដែលនៅតែជាបញ្ហានោះគឺជំងឺកូវីដ១៩នៅមិនទាន់បានផុតរលត់ពីកម្ពុជា តំបន់និងពិភពលោក យើងនៅឡើយទេ។
តាមគម្រោងរបស់ក្រសួងអប់រំយុវជននិងកីឡាដែលបានកំណត់យកថ្ងៃទី១១ ខែមករាឆ្នាំ២០២១សម្រាប់បើកបវេសនកាលឆ្នាំសិក្សាថ្មីនៅមិនទាន់ប្រាកដប្រជានៅឡើយ ខណៈនៅសប្តាហ៍ក្រោយនឹងឈានដល់ចូលឆ្នាំថ្មី២០២១ហើយ។
បើតាមការពិនិត្យជាក់ស្តែង ការបើកបវេសនកាលឆ្នាំសិក្សាថ្មីប្រហែលជានឹងត្រូវពន្យាពេលជាបន្តទៀតហើយដោយសារតែ ព្រឹត្តិការណ៍សហគមន៍២៨វិច្ឆិកា នៅមិនទាន់បានបញ្ចប់នៅឡើយ។
បើតាមសម្តេចតេជោ ហ៊ុន សែន ប្រមុខរដ្ឋាភិបាលកម្ពុជាបានប្រកាសរួចហើយថា ព្រឹត្តិការណ៍សហគមន៍២៨វិច្ឆិកា អាចនឹងបិទបញ្ចប់យ៉ាងហោចណាស់នៅថ្ងៃទី២០ ខែមករាឆ្នាំ២០២១ខាងមុខ។
ចំណែកអ្នកនាំពាក្យក្រសួងអប់រំ បានបញ្ជាក់ហើយថា ក្រសួងនឹងជូនដំណឹងការបរិច្ឆេទការបើកបវេសនកាលឆ្នាំថ្មី នៅពេលដែលព្រឹត្តិការណ៍២៨វិច្ឆិកាបានបិទបញ្ចប់។ មានន័យថាក្រសួងអប់រំនឹងត្រូវលើកពេលបើកបវេសនាកាលហើយ ព្រោះការបើកបវេសនកាលឆ្នាំថ្មីតាមក្រសួងកំណត់នឹងត្រូវធ្វើនៅថ្ងៃទី១១មករាឆ្នាំ២០២១។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី២៦ធ្នូនេះថា ក្រសួងអប់រំនឹងបញ្ជាក់ជូនអំពីកាលបរិច្ឆេទ បើកបវេសនកាលឆ្នាំសិក្សា២០២០-២០២១ នាពេលខាងមុខនេះ ខណៈការសិក្សារៀនក្នុងថ្នាក់ខ្លះ និងរៀនតាមអនឡាញខ្លះ។
លោក រស់ សុវាចា បានបន្តថា «ក្នុងពេលខាងមុខនេះ ក្រសួងអប់រំ យុវជននិងកីឡា នឹងបញ្ជាក់ជូនអំពីកាលបរិច្ឆេទ បើកបវេសនកាលឆ្នាំសិក្សា២០២០-២០២១ ដោយយកចិត្តទុកដាក់លើការ ប្រកាសបិទបញ្ចប់ព្រឹត្តិការណ៍២៨ វិច្ឆិកា»។
លោកបានបន្តថា សម្រាប់ឆ្នាំសិក្សា២០២០-២០២១ ក្រសួងអប់រំ យុវជននិងកីឡា នឹងបន្តអនុវត្តការរៀន និងបង្រៀនតាមវិធីសាស្ត្រចម្រុះ គឺរៀនក្នុងថ្នាក់ខ្លះរៀនតាមអនឡាញខ្លះ អមដោយក្រដាសកិច្ចការជំនួយនិងសៀវភៅសិក្សាគោល តាមតម្រូវការសិក្សាជាក់ស្តែង ។
លោកសូមអំពាវនាវដល់បុគ្គលិកអប់រំ គ្រប់លំដាប់ថ្នាក់គណៈគ្រប់គ្រងគ្រឹះស្ថានសិក្សាសាធារណៈ និងឯកជន លោកគ្រូ អ្នកគ្រូ សិស្សានុសិស្ស និងគ្រប់ភាគីពាក់ព័ន្ធ សូមបន្តអនុវត្តគោលការណ៍ប្រតិបត្តិស្ដង់ដាររបស់ក្រសួងអប់រំ ចុះថ្ងៃទី០៤ ខែសីហា ឆ្នាំ២០២០ និងតាមការណែនាំរបស់ក្រសួងសុខាភិបាល ឲ្យមានប្រសិទ្ធភាពខ្ពស់បំផុត៕
អត្ថបទ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ