ស្ថាប័ន​កងកម្លាំងប្រដាប់អាវុធ​ចំនួន​ពីរ​រួមគ្នា​សង់​ស្តូប​កម្ពស់​ជាង​៩​ម៉ែត្រ​នៅ​បរិវេណ​វិ​មា​ន​ឈ្នះ​ឈ្នះ​
Connect with us
Helistar Cambodia - Helicopter Charter Services

ព័ត៌មានជាតិ

ស្ថាប័ន​កងកម្លាំងប្រដាប់អាវុធ​ចំនួន​ពីរ​រួមគ្នា​សង់​ស្តូប​កម្ពស់​ជាង​៩​ម៉ែត្រ​នៅ​បរិវេណ​វិ​មា​ន​ឈ្នះ​ឈ្នះ​

Published

on

​​ស្ថាប័ន​កងកម្លាំងប្រដាប់អាវុធ​ចំនួន​ពីរ​រួមមាន​អគ្គស្នងការដ្ឋាន​នគរ​បាល​ជាតិ​ និង​កងរាជអាវុធហត្ថ​លើ​ផ្ទៃ​ប្រទេស​បានរួម​គ្នា​សង់​ស្តូប​នៅ​បរិវេណ​វិមាន​ឈ្នះ​ឈ្នះ​ស្ថិត​នៅ​សង្កាត់​ព្រែក​តាសេក ខណ្ឌ​ជ្រោយចង្វា រាជធានី​ភ្នំពេញ ។​

​លោក​ឧ​ត្ត​ម​សេនីយ៍​ឯក ឆាយ គឹម​ខឿន ​អគ្គ​ស្នងការរង​នគរបាលជាតិ​ បាន​ឲ្យ​ដឹងថា​ការសាងសង់​ស្តូប​សមិទ្ធផល​សន្តិសុខ សណ្តាប់ធ្នាប់​សាធារណៈ​និង​សុវត្ថិភាព​សង្គម​ គឺ​ចង់បង្ហាញ​ឲ្យ​ឃើញ​ពី​ការ សហការ​គ្នា​រវាង​ក​ង​កម្លាំង​នគរបាលជាតិ​ និង​កងកម្លាំង​រាជ​អាវុធហត្ថ ក្នុងការ​ការពារ​សុវត្ថិភាព សន្តិ សុខ​ និង​សណ្តា​ប់ធា្ន​ប់​សាធារណៈ ក្នុងនោះ​កងកម្លាំង​នគរបាលជាតិ​ជា​ស្នូល​ រីឯ​កម្លាំងកងរាជអាវុធ ហត្ថ ជា​កម្លាំង​អន្តរាគមន៍​មួយ​ដែល​មិនអាច​ខ្វះ​បាន​ ទើប​ធ្វើអោយ​ទទួលជោគជ័យ​។​

​លោក​ឧ​ត្ត​ម​សេនីយ៍​ឯកបាន​បន្តថា​ ស្តូប​នេះ​តំណាង​ឲ្យ​សន្តិសុខ​ សុវត្ថិភាព​សង្គម ដែលមានកង កម្លាំង​ទាំងពីរ​ជា​ស្នូល​ និង​ជា​ប្រតិបត្តិ​ករ​ដ៏​ពិសិដ្ឋ​របស់​រាជរដ្ឋាភិបាល តំណាង​ឲ្យ​ការពារ​រដ្ឋធម្មនុញ្ញ​

​ការពារ​ព្រះមហាក្សត្រ និង​ការពារ​រាជរដ្ឋាភិបាល ដែល​មិន​អាចមាន​បុគ្គល​ណា​ឬ​ក្រុម​ណា​មក​បំផ្លិច បំផ្លាញ​សន្តិភាព​បានទេ​ ពិសេស​ស្តូប​នេះ​ជា​សក្ខីភាព​តំណាង​ឲ្យ​ សា​ម​គ្គី​ភាព ការចែករំលែក និង​ការទទួលខុសត្រូវ នៃ​កងកម្លាំង​អនុវត្ត​ច្បាប់​ ដែល​មោះមុត​ការពារ​រាជរដ្ឋាភិបាល គ្មាន​កម្លាំង​ណា​

​គ្មាន​បុគ្គ​ណា​មក​ដណ្តើម​សន្តិភាព​ពី​យើង​បាន​នោះទេ​។​

​ក្រោម​គោលនយោបាយ​ឈ្នះ​ឈ្នះ របស់​សម្តេច​អគ្គមហាសេនាបតី​តេ​ជោ ហ៊ុន​ សែន នាយករដ្ឋ មន្ត្រី នៃ​ព្រះរាជាណាចក្រ​កម្ពុជា​ បានធ្វើ​ឲ្យ​កម្ពុ​ជាមាន​សុខសន្តិភាព​ពេញលេញ រួច​ផុតពី​សង្គ្រាម​

ប្រជាពលរដ្ឋ​រស់នៅ​ប្រកបដោយ​សុខដុមរមនា​ទទួលបាន​ការ​អភិវឌ្ឍន៍​លើ​គ្រប់​វិស័យ​។​

​ស្តូប​វិមាន​ឈ្នះ​ឈ្នះ ក៏ដូចជា​ស្តូប​សមិទ្ធផល សន្តិសុខ សណ្តាប់ធ្នាប់​សាធារណៈ​ និង​សុវត្ថិភាព​សង្គម គឺជា​សក្ខីភាព​សម្រាប់​អ្នកជំនាន់ក្រោយ​ស្តាប់​ និង​យក​គំរូ​សម្រាប់​អនុវត្ត​បន្ត​។​

​គួរបញ្ជាក់​ថា​ តួ​ស្តូប​មាន​បាត​ទំហំ១០១,០០៥​ម៉ែត្រការ៉េ , មាន​កម្ពស់​សរុប៩,៤៥​ម៉ែត្រ ដែលមាន​សំ ណង់​លើ​ផ្ទៃ​បាត​សរុប៤៤៤ម៉ែត្រការ៉េ សង់​នៅលើ​ផ្ទៃដី​សរុប​៦៩៨,៨១ ម៉ែត្រការ៉េ​។​ខឿន​តួ​ស្តូប​ទាំង មូល​មាន​រា​ង្គ​បួន​ជ្រុង​ទំហំ៤៦,២៥​ម៉ែត្រការ៉េ មាន​កម្ពស់​០,៩០​ម៉ែត្រ មាន​ជណ្តើរ​ឡើង​ចំនួន​បួនដែល​ជណ្តើរ​នី​មួយៗ ទំហំ២,៥ម៉ែត្រ​ និង​មាន​ចំនួន​៧​កាំ តំណាង​ឲ្យ​ថ្ងៃ៧​មករា​។​

​ក្រៅពីនេះ​មាន​ស្តូប​ចំ​កណ្តាល​មាន​កម្ពស់៨,៥៥​ម៉ែត្រ ទំហំ​បាត ១០,២៤​ម៉ែត្រ​ពីក្រោម​ដល់​លើ​បែង​ចែកចេញជា​៣​ថ្នាក់​។​ នៅក្នុង​ខឿន​សួនច្បារ​មាន​ដាំ​ដើមឈើ​ចំនួន​២០​ដើម និង​ដាំ​ដើម​ទ្រយឹងតំ ណាង​ឲ្យ​ «​ថ្ងៃទី​២០» ដែលជា​ថ្ងៃ​សម្តេច​តេ​ជោ​យកអាយុ​ជីវិត​ធ្វើជា​ដើមទុន​និង​មាន​បង្គោល​ធ្វើ​ពី​ថ្ម ភក់​កម្ពស់១,៥​ម៉ែត្រ សរុប​ចំនួន​១២​បង្គោល​ ព័ទ្ធជុំវិញ​តំណាង​ឲ្យ «១២​ខែ​ក្នុង​១​ឆ្នាំ​» ដែល​ស្ថាប័ន​ទាំង​២​បំពេញ​កិច្ចការងារ​មិន​ថា​យប់​ថ្ងៃ​ ទោះបី​កាលៈទេសៈ​ណាក៏ដោយ​ខិតខំ​ប្រឹងប្រែង​ពុះពារ​គ្រប់​ឧប សគ្គ​នានា​ លះបង់​កម្លាំងកាយ កម្លាំងចិត្ត ទាំង​អាយុជីវិត ដើម្បី​សម្រេចបាន​នូវ​តួនាទី​ ភារកិច្ចរបស់ ខ្លួន ក្នុង​គោលដៅ​បម្រើ​ការពារ​សង្គ្រោះ​ប្រជាពលរដ្ឋ​ និង​ប្រទេសជាតិ​៕

អត្ថបទ ៖ ​សំអឿន​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

ក្រសួង​សុខាភិបាល​ផ្អាក​ការ​ចាក់​វ៉ាក់សាំង AstraZeneca​ ជូន​ពលរដ្ឋ​អាយុ៦០ឆ្នាំ​បណ្តោះអាសន្ន​ ដើម្បី​សម្រួល​មក​ចាក់​តាម​ថ្ងៃ​វិញ

ព័ត៌មានជាតិ7 hours ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ7 hours ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ7 hours ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ8 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services