Connect with us

ព័ត៌មានជាតិ

លោក គឹម សន្តិភាព​ ៖ ការដែល​កម្ពុជា​អនុវត្ត​ច្បាប់​របស់ខ្លួន​ចំពោះ​ជន​ប្រព្រឹត្ត​ល្មើសច្បាប់ ពុំមាន​អ្វី​ចម្លែក​នោះទេ

បានផុស

នៅ

លោក គឹម សន្តិភាព រដ្ឋលេខាធិការ និង​ជា​អ្នកនាំពាក្យ​ក្រសួងយុត្តិធម៌​បានបញ្ជាក់​នៅថ្ងៃនេះ​ថា អាជ្ញា​ធរមាន​សមត្ថកិច្ច នៅក្នុង​ប្រទេស​ណាក៏ដោយ គឺ​មាន​កាតព្វកិច្ច​អនុវត្ត​នូវ​មុខការ​របស់ខ្លួន ក្នុងការ​បង្ក្រាប​បទល្មើស និង​អនុវត្ត​រាល់​សេចក្តីសម្រេច​របស់​តុលាការ ដើម្បី​ធានា​នូវ​សន្តិសុខ សណ្តាប់ធ្នាប់​សាធារណៈ និង​ភាព​សុខសាន្ត​របស់​ប្រជាពលរដ្ឋ ដូច្នេះ​ការដែល​កម្ពុជា​អនុវត្ត​ច្បាប់​របស់ខ្លួន​ចំពោះ​ជន ដែល​ប្រព្រឹត្ត​ល្មើសច្បាប់ ក៏​ពុំមាន​អ្វី​ចម្លែក​នោះទេ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការ​លើក​ឡើង​របស់​អ្នកនាំពាក្យ​ក្រសួងយុត្តិធម៌ លោក គឹម សន្តិភាព នៅ​ព្រឹក​ថ្ងៃទី​២៦ ខែធ្នូ នេះ និង​បន្ទាប់ពី​រដ្ឋមន្ត្រីក្រសួង​យុត្តិធម៌​ចេញ​អធិបញ្ជា​ឲ្យ​ព្រះរាជអាជ្ញា​ចាត់វិធានការ​ចំពោះ សម រង្ស៊ី ដែល​បាន​ប្រមាថ​ព្រះមហាក្សត្រ​ថា “​ស្ដេច​ទីងមោង​”​។

​នៅក្នុង​លិខិត​លោក កើត រិ​ទ្ធ ដែល​បាន​ដាក់ជូន​ព្រះរាជអាជ្ញា​អម​សាលាដំបូង​រាជធានី​ភ្នំពេញ​បាន​បញ្ជាក់ថា ឈ្មោះ សម រង្ស៊ី បាន​បង្ហោះ​សារ​តាមរយៈ​គណនី Facebook របស់ខ្លួន​កាលពី​ថ្ងៃទី ២០-១២-២០២០ ដែលមាន​ខ្លឹមសារ​ថា “​ឥឡូវនេះ ហ៊ុន សែន ស្ងាត់​ជ្រាប​ក្នុង​រឿងនេះ ហើយ​គាត់​ត្រៀម​សងលុយ​សប្បុរសជន ដែល​ចាញ់បោក​គាត់ មាន​ទាំង​ស្ដេច​ទីងមោង​ផងដែរ​”​។

​បើ​លោក កើត រិ​ទ្ធ ខ្លឹមសារ​ដែល​ឈ្មោះ សម រង្ស៊ី បាននឹងកំពុង​ផ្សព្វផ្សាយ​ជា​សាធារណៈ តាមរយៈ​បណ្តាញ​សង្គម​នេះ គឺជា​ការប្រមាថ​ចំពោះ​អង្គ​ព្រះមហាក្សត្រ ដោយបាន​ធ្វើ​ឲ្យ​ប៉ះពាល់​យ៉ាងធ្ងន់ធ្ងរ ដល់​សេចក្តីថ្លៃថ្នូរ និង​ព្រះកិត្តិនាម​របស់​ព្រះមហាក្សត្រ នៃ​ព្រះរាជាណាចក្រ​កម្ពុជា ជាទីគោរព​សក្ការៈ​ដ៏​ខ្ពង់ខ្ពស់​បំផុត របស់​ប្រជារាស្ត្រ​ខ្មែរ​ទូទាំងប្រទេស​។ លោក​ថា ទង្វើ​នេះ​គឺជា​ការរំលោភបំពាន​លើ​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា និង​ត្រូវ​បានកំណត់​ជា​បទល្មើស​ព្រហ្មទណ្ឌ ដែលមាន​ចែង និង​ផ្តន្ទាទោស​តាម​បញ្ញត្តិ នៃ​មាត្រា​៤៣៧ ស្ទួន នៃ​ក្រមព្រហ្មទណ្ឌ​។

​សូម​បញ្ជាក់​ថា សំណើ​ចាត់វិធានការ​ផ្លូវច្បាប់​ជាបន្ទាន់ និង​តឹងរឹង​បំផុត​លើ​ឈ្មោះ សម រង្ស៊ី ដោយយោង​មាត្រា​៧ នៃ​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​, មាត្រា​៤៣៧ ស្ទួន នៃ​ក្រមព្រហ្មទណ្ឌ​នៃ​ព្រះរាជាណាចក្រ​កម្ពុជា និង​មាត្រា​២៩ នៃ​ក្រមនីតិវិធី​ព្រហ្មទណ្ឌ​នៃ​ព្រះរាជាណាចក្រ​កម្ពុជា​។

មាត្រា​៤៣៧ ស្ទួន (​បទ​ប្រមាថ​ចំពោះ​អង្គ​ព្រះមហាក្សត្រ​) នៃ​ក្រមព្រហ្មទណ្ឌ​នៃ​ព្រះរាជាណាចក្រ​កម្ពុជា​បាន​ចែងថា “​ការប្រមាថ គឺជា​វាចារ កាយវិការ សំណេរ គំនូរ ឬ​វត្ថុ​ដែល​ប៉ះពាល់​ដល់​សេចក្តីថ្លៃថ្នូរ​នៃ​បុគ្គល​។ ការប្រមាថ​ចំពោះ​អង្គ​ព្រះមហាក្សត្រ ត្រូវ​ផ្តន្ទាទោស​ដាក់ពន្ធនាគារ​ពី​១ (​មួយ​) ឆ្នាំទៅ​៥ (​ប្រាំ​) ឆ្នាំ និង​ពិន័យ​ជា​ប្រាក់​ពី​២.០០០.០០០ ទៅ​១០.០០០.០០០ (​ដប់​លាន​) រៀល​៕
ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤៥ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៤៩ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ១ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ១ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម