ព័ត៌មានជាតិ
កម្ពុជាកំពុងពិចារណាឱ្យក្រុមហ៊ុនវិនិយោគកែច្នៃសំរាមទៅជាថាមពលអគ្គិសនី
កម្ពុជាកំពុងសិក្សាពិចារណាលទ្ធភាពឱ្យក្រុមហ៊ុនវិនិយោគបរទេសកែច្នៃសំរាមទៅជាថាមពលអគ្គិសនី ខណៈក្រុមហ៊ុនវិនិយោគបរទេសជាច្រើនបានដាក់ស្នើសុំការវិនិយោគមកកម្ពុជា។
លោក ហេង ណារ៉េត អនុរដ្ឋលេខាធិការ ក្រសួងបរិស្ថានបានថ្លែងឱ្យដឹងនៅថ្ងៃទី ៣០ ខែសីហានេះថា គណៈកម្មាធិការសេដ្ឋកិច្ចហិរញ្ញវត្ថុបានបង្កើតក្រុមការងារទទួលបន្ទុក ដែលខាងក្រសួងបរិស្ថាន ជាពិសេសគឺខាងគណៈកម្មាធិការគ្រប់គ្រងសំណល់រឹងគឺដោះស្រាយបញ្ហាថ្លៃសេវា។
ចំណែកឯក្រសួងរ៉ែ និងថាមពលគឺបង្កើតក្រុមការងារជាប្រធានដើម្បីសិក្សាអំពីលទ្ធភាពនៃការបំប្លែងសំរាមទៅជាថាមពលអគ្គិសនី។ តើប្រសិទ្ធភាពណាមួយជាជំរើសដែលយើងអាចទទួលយកបានសមស្របមិនត្រូវការឧបត្ថម្ភធនពីរាជរដ្ឋាភិបាលខ្ពស់។
លោក ហេង ណារ៉េតបន្តថា កន្លងមកក្រសួងបរិស្ថាន បានប្រកាសរកក្រុមហ៊ុនដែលមានចំណាប់អារម្មណ៍ចូលរួមសិក្សាគម្រោងបំប្លែងពីសំរាមទៅជាថាមពលពេលនោះយើងទទួលបានរហូតទៅដល់ ៥១ ក្រុមហ៊ុន ដែលមានជាង ១០ ប្រទេស បានដាក់ពាក្យសុំវិនិយោគ មានអឺរ៉ុប អូស្ត្រាលី ឥណ្ឌា អាមេរិកជាដើម ដែលសុទ្ធតែជាក្រុមហ៊ុនធំៗ។
បើតាមមន្ត្រីបរិស្ថានរូបនេះ ឥឡូវនេះ ដល់ដំណាក់កាលជ្រើសរើសហើយ ដំណាក់កាលទី២ ជ្រើសរើសក្រុមហ៊ុនបានចំនួន ២១ ហើយបន្តជ្រើសរើសនៅដំណាក់កាលបន្ទាប់ទៀតទៅតាមប្រភេទនៃគម្រោង។
លោក ហេង ណារ៉េត «ឧទាហរណ៍ថា បើយើងប្រើឡដុតក្នុង១ តោន យើងត្រូវវិនិយោគអស់ ១០ ម៉ឺនដុល្លារ ចឹងក្នុង ៣ ពាន់តោនជាង ២០០ លានដុល្លារសម្រាប់វិនិយោគទៅលើឡដុតសំរាម ហើយយើងត្រូវការទិញភ្លើងត្រឡប់មកវិញលើសពី១០ សេន»។
ម្យ៉ាងទៀតសំរាមដែលដឹកទៅឱ្យរោងចក្រគេតម្រូវឱ្យយើងបង់ថ្លៃដុត ២០ ដុល្លារ ក្នុង១ តោនបន្ថែមទៀត។ ចឹង! បូកទាំងថ្លៃដុត បូកថ្លៃទិញភ្លើងខ្ពស់ណាស់ ដែលបច្ចុប្បន្នយើងប្រមូលថ្លៃសេវាពីប្រជាជនពីអ្នកប្រើប្រាស់ហើយយើងជួលឱ្យក្រុមហ៊ុនចំនួន ៣ ដែលក្រសួងទើបធ្វើការកំណែទម្រង់ ដោយបង់ជាមធ្យមត្រឹមតែ ១២ ដុល្លារ។
លោក ហេង ណារ៉េតសង្កត់ធ្ងន់ថា ការប្រមូលដឹកជញ្ជូនទាំងសំអាតផ្លូវតម្លៃតែ ១២ ដុល្លារទេ តែបើយើងហ៊ានធ្វើល្អត្រូវបង់ថ្លៃដឹក ២០ ដុល្លារ ហើយទិញភ្លើងត្រឡប់មកវិញលើសពីតម្លៃភ្លើងដែលបង្កើតឡើងដោយវារីអគ្គិសនី នេះជាបញ្ហាដែលយើងមិនទាន់ដល់ទេ។
ទោះជាយ៉ាងណា លោក ហេង ណារ៉េត បញ្ជាក់ថា អាចមានជម្រើសផ្សេងទៀត ព្រោះវាស្ថិតនៅក្នុងគម្រោងបំប្លែងពីសំរាមពីថាមពល បើយើងសិក្សាទៅមានតម្លៃទាប នោះយើងនឹងជ្រើសរើស ប៉ុន្តែជម្រើសដុតពីឥឡូវរហូតដល់ឆ្នាំ ២០២៥ មិនមែនជាជម្រើសអាទិភាព៕
អត្ថបទ៖ ឡេង ដេត
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល