ព័ត៌មានជាតិ
ការបោះតង់នៅតំបន់អេកូទេសចរណ៍ ក្នុងខេត្តបាត់ដំបង កំពុងពេញនិយម
ខេត្តបាត់ដំបងកំពុងទទួលបានការចាប់អារម្មណ៍ជាពីអ្នកទេសចរ ក្នុងដំណើរកម្សាន្តបោះតង់ស្រូបយកខ្យល់អាកាសបរិសុទ្ធ ទស្សនាសម្រស់ធម្មជាតិតាមជ្រោះជ្រង ជ្រលងដងអូរ។ កញ្ញា កេសី ជានិសិ្សតរស់នៅក្នុងស្រុកសង្កែខេត្តបាត់ដំបង ក្នុងចំណោមអ្នកទេសចរណ៍ជាច្រើនទៀត ដែលបានបោះតង់សម្រាកយប់ក្នុងតំបន់អេកូទេសចរណ៍បានរៀបរាប់ឱ្យដឹងថា នាងជាមួយមិត្តភក្តិមានគ្នាទាំងអស់ចំនួន០៨នាក់ក្នុងចំណោមភ្ញៀវផ្សេងទៀតបាននាំគ្នាផ្លាស់ប្តូរបរិយាកាសពិសេសពេលរាត្រីនៅជ្រលងភ្នំនិងមានទឹកថ្លាឆ្វេងហូរគួចត្របាញ់យ៉ាងត្រជាក់ដែលធ្វើឲ្យគ្រប់គ្នាមានអារម្មណ៍សប្បាយរីករាយនិងស្រស់ស្រាយជាទីបំផុត។ដោយក្រុមនាងបានជ្រើសរើសគោលដៅតំបន់ទឹកធ្លាក់អូរជាំឋិតក្នុងស្រុកសំឡូតខេត្តបាត់ដំបងក្នុងការដើរលេងបន្ធូរអារម្មណ៍នេះដោយសារសម្លឹងឃើញថានៅទីនេះជាតំបន់ធម្មជាតិព៌ណប៉ៃតងនៅពទ្ធជុំវិញមានឮសំឡេងសត្វស្រែកយុំទ្រហឹងអឺងកងស្នូរសំឡេងទឹកហូររងំនិងម៉្យាងទៀតវាជាការបំពេញសេចក្តីប្រាថ្នារបស់ពួកនាងដែលប៉ងតាំងពីយូរមកផងដែរ។
លោកម៉េង ជាំងអ្នកគ្រប់គ្រងសហគមន៍អេកូទេសចរណ៍ទឹកធ្លាក់អូរជាំបានបញ្ជាក់ឲ្យដឹងដែរថាតំបន់អេកូទេសចរណ៍ទឹកធ្លាក់អូរជាំមានទីតាំងឋិតនៅក្នុងភូមិអូរជាំឃុំកំពង់ល្ពៅស្រុកសំឡូតខេត្តបាត់ដំបងដែលបានចាប់ផ្តើមស្វាគមន៍ទទួលភ្ញៀវឲ្យចូលលេងតាំងពីឆ្នាំ២០១៣មក ។លោកថាក្នុងស្ថានភាពដែលប្រទេសរងការប៉ះពាល់ដោយជម្ងឺឆ្លងកូវីដ១៩លើកដំបូងភ្ញៀវបានថយចុះយ៉ាងច្រើនប៉ុន្តែរយះពេលចុងក្រោយនេះភ្ញៀវទេសចរណ៍បានហក់ឡើងខ្ពស់ជាបន្តបន្ទាប់ឡើងវិញជាបន្តបន្ទាប់ភាគច្រើនភ្ញៀវចូលមកសម្រាកដោយបោះតង់នៅពេលយប់ដែលសហគមន៍បានរៀបចំត្រៀមទុកក្នុងនោះក៏បានអនុវត្តតាមការណែនាំរបស់ក្រសួងសុខាភិបាលផង។
លោកម៉េង.ជាំងបន្ថែមថាតំបន់ទេសចរណ៍ទឹកធ្លាក់អូរជាំមានការការពារសុវត្ថិភាពយ៉ាងល្អប្រសើរមានកម្លាំងសមាជិកសហគមន៍រួមទាំងកម្លាំងប្រជាការពារមួយចំនួនទៀតផងដែរយាមប្រចាំការដើម្បីធានាសន្តិសុខជូនដល់ភ្ញៀវដែលចូលលេងកម្សានៅទីនេះ។ខណះតំបន់នេះកាលពីមុនមានភ្ញៀវចូលលេងត្រឹមតែថ្ងៃបុណ្យទានប៉ុណ្ណោះប៉ុន្តែបច្ចុប្បន្ននេះមានភ្ញៀវបែបជាលក្ខណ:គ្រួសារជាលក្ខណ:មិត្តភក្តិឬក្រុមការងារផងបាននាំគ្នាចូលលេងលំហែរកាយជារៀងរាល់ពេលមិនដែលខាន១ថ្ងៃណាឡើយ។
ចំពោះភ្ញៀវភាគច្រើនជាភ្ញៀវនៅក្នុងស្រុកមានមកពីខេត្តជាច្រើនមានដូចជា ខេត្តបាត់ដំបងភ្នំពេញខេត្តសៀមរាបប៉ៃលិននិងខេត្តបន្ទាយមានជ័យជាដើម។ ដោយក្នុងរយះពេល១០ខែចុងក្រោយក្នុងដើមឆ្នាំ២០២០នេះមានភ្ញៀវទេសចរណ៍ដែលចូលមកលេងក្នុងខេត្តបាត់ដំបងមានសរុបចំនួន៤៤៨,២១៩នាក់ក្នុងនោះភ្ញៀវជាតិមានចំនួន៤១៦,០៦២នាក់និងភ្ញៀវអន្តរជាតិមានចំនួន៣២,១៥៧នាក់៕
សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង