ព័ត៌មានជាតិ
ជាងជួសជុលរថយន្តម្នាក់ ឆក់ស្លាប់ភ្លាមៗ ពេលកំពុងជួសជុលរថយន្តឆ្លងចរន្តភ្លើងសាកអាគុយ
ជាងជួសជុលរថយន្តម្នាក់ស្លាប់ភ្លាមៗ ពេលដែលកំពុងជួសជុលរថយន្ត បណ្តាលឲ្យឆ្លងចរន្តឆក់ នៅវេលាម៉ោង៣និង៣០នាទី កាលពីរសៀលថ្ងៃទី២៧ ខែធ្នូ ឆ្នាំ២០២០ នៅភូមិព្រហូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ត្រី ឈឹម វុទ្ធី នាយប៉ុស្តិ៍រដ្ឋបាល សង្កាត់អូរអំបិល បានឲ្យដឹងថា ជនរងគ្រោះជាជាងជួសជុលរថយន្ត ឈ្មោះ ឃុត ចាន់បូរ៉ា ភេទប្រុស អាយុ៤១ឆ្នាំរស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។ លោកនាយប៉ុស្តិ៍រដ្ឋបាលសង្កាត់អូរអំបិល បានបញ្ជាក់ឲ្យដឹងបន្តថា នៅមុនពេលកើតហេតុ ឈ្មោះ ខៀវ គីណាល់ បានហៅជាងជួសជុលរថយន្តមួយនាក់ទៅផ្ទះស្រប ពេលនោះអាគុយរថយន្តកំពុងតខ្សែភ្លើងចូលអាំងវិជទ័រ ដើម្បីសាកអាគុយនៅលើរថយន្តចំនួន២គ្រឿង ជាងជួសជុលនិងម្ចាស់រថយន្ត បានចូលទៅក្រោមរថយន្តទាំង២នាក់ ដើម្បីចាប់ដាក់គ្រឿងបន្លាស់រថយន្ត នៅពេលកំពុងចាប់គ្រឿងបន្លាស់ចូលនោះ ស្រាប់តែចរន្តបណ្តាលឲ្យឆ្លងឆក់ជនរងគ្រោះឈ្មោះ ឃុត ចាន់រ៉ា ម្ចាស់រថយន្តបានព្យាយាមដឹកទៅជួយសង្គ្រោះនៅមន្ទីរពេទ្យដែរ ប៉ុន្តែជាអកុសលជនរងគ្រោះ បានដាច់ខ្យល់ស្លាប់បាត់ទៅហើយ។
លោកនាយប៉ុស្តិ៍បានបញ្ជាក់បន្ថែមថា នៅកន្លែងកើតហេតុ ពិនិត្យឃើញមានខ្សែភ្លើងតភ្ជាប់អាំងវិចទ័រទៅសាកអាគុយ ចំនួន២គ្រឿងជាប់នឹងរថយន្ត។ តាមការត្រួតពិនិត្យលើដងខ្លួនជនរងគ្រោះ ពុំមានស្លាកស្នាមអ្វីទាក់ទងនឹងករណីឃាតកម្មនោះទេ ការស្លាប់នេះ សង្ស័យបណ្តាលមកពីឆ្លងចរន្តអគ្គីតសាកអាគុយទៅតួរថយន្ត។ សពក្រោយពីសមត្ថកិច្ចធ្វើការសន្និដ្ឋានរួចបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ៖ វ៉ាន់ ណាង
សូមចុចអាន៖ ខឹងកូនបង្កើតថា ខ្លួនមិនមែនជាឪពុក ចាំរំលោភបាន២ដង ត្រូវសមត្ថកិច្ចឃាត់ខ្លួន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?