ព័ត៌មានជាតិ
រដ្ឋមន្ត្រីក្រសួងសាធារណការ ត្រៀមប្រើម៉ាស៊ីនទំនើប ដែលអាចជំនួសមនុស្ស ក្នុងការចូលលូ លើកដំបូងក្នុងប្រទេសកម្ពុជា
សៀមរាប ៖ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិង ដឹកជញ្ជូន បានត្រៀមប្រើម៉ាស៊ីនទំនើប ដែលអាចជំនួសមនុស្សក្នុងការចូលលូ លើកដំបូងក្នុងប្រទេសកម្ពុជា នេះបើតាមប្រសាសន៍ឲ្យដឹង ខណៈពេលកំពុងដឹកនាំក្រុមការងារចុះពិនិត្យការបាក់ច្រាំងស្ទឹងសៀមរាប និងពិនិត្យមើលលូទឹកភ្លៀង លូទឹកស្អុយ នៅថ្ងៃទី១៣ ខែកញ្ញា ឆ្នាំ២០២២។
លោកទេសរដ្ឋមន្ត្រីបានមានប្រសាសន៍ថា ម៉ាស៊ីនទំនើបដែលអាចជំនួសមនុស្សបានក្នុងការចូលលូនេះ គឺដើម្បីត្រួតពិនិត្យមើល រកកន្លែងស្ទះ នៅក្នុងលូដែលលូទាំង២ប្រភេទ ត្រូវបានម្ចាស់ភោជនីយដ្ឋានខ្លះចាក់កាកសំណល់ជាតិខ្លាញ់ចូលក្នុងលូ និងមានប្រជាពលរដ្ឋខ្លះទៀតលួចចោះលូដាក់ទុយយោចូល។
លោកទេសរដ្ឋមន្ត្រីក៏បានបន្ថែមទៀតថា ម៉ាស៊ីនត្រួតពិនិត្យកាកសំណល់កខ្វក់ក្នុងលូដ៏ទំនើបនេះ អាចបញ្ជាបានប្រវែង២០០ម៉ែត្រចូលក្នុងលូ ដោយលូទឹកភ្លៀងដាក់កង់ធំ ហើយលូទឹកកខ្វក់ប្រើកង់តូច។ ក្រោយពេលដាក់ម៉ាស៊ីនចូលក្នុងលូហើយ ម៉ាស៊ីននោះវាបានបង្ហាញសញ្ញាកាកសំណល់នៅក្នុងលូ ព្រមទាំងមើលឃើញកន្លែងអ្នកលួចចោះលូផងដែរ រួចហើយបង្ហាញឱ្យឃើញតាមរយៈនៅលើអេក្រង់អាយផេត។
លោកបានបន្ដថា ឧបករណ៍ម៉ាស៊ីនទំនើបនេះ មានប្រើលើកដំបូងនៅក្នុងប្រទេសកម្ពុជា មានអត្ថប្រយោជន៍ជាច្រើន សម្រាប់ការពិនិត្យមើលក្នុងលូ ដែលបានជំនួសកម្លាំងមនុស្សចូលក្នុងលូបានល្អប្រសើរ។
ជាមួយគ្នានោះដែរ លោកទេសរដ្ឋមន្ត្រី រដ្ឋមន្ដ្រីក្រសួងសាធារណការ និងដឹកជញ្ជូន ក៏បានចុះពិនិត្យមើល ការបាក់ច្រាំងស្ទឹងសៀមរាបដោយសារមានភ្លៀងធ្លាក់ជោកជាំរយៈពេលប៉ុន្មានថ្ងៃមុននេះ ដែលស្ថិតនៅចំណុចស្ពាននាគ ក្នុងសង្កាត់ស្លក្រាម ក្រុងសៀមរាប ដើម្បីជួសជុលនិងកែលំអឡើងវិញផងដែរ។ ឯកឧត្ដម ក៏បានអំពាវនាវដល់ប្រជាពលរដ្ឋឱ្យចូលរួមថែរក្សាសោភ័ណ្ឌភាពគម្រោងផ្លូវ៣៨ខ្សែ ដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា៕
ដោយ ៖ គឿនវេត
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល