ព័ត៌មានជាតិ
ប្រធានមន្ទីរអប់រំភ្នំពេញណែនាំឱ្យគ្រឹះស្ថានសិក្សាពង្រឹងវិន័យបន្ថែមទៀតទប់ស្កាត់ទង្វើអសកម្មរបស់សិស្សក្នុងសាលា
លោក ហែម ស៊ីណារ៉េត ប្រធានមន្ទីរអប់រំយុវជននិងកីឡារាជធានីភ្នំពេញបានណែនាំដល់គ្រប់គ្រឹះស្ថានសិក្សាទាំងអស់បន្តពង្រឹងនូវវិន័យឱ្យបានខ្ជាប់ខ្ជួនបន្ថែមទៀតដើម្បីទប់ស្កាត់រាល់សកម្មភាពឬទង្វើមិនសមរម្យឬអសកម្មរបស់សិស្សានុសិស្សមួយចំនួនតូចនៅក្នុងសាលាដែលធ្វើឱ្យប៉ះពាល់ដល់ប្រព័ន្ធអប់រំជាតិទាំងមូល។
ការជំរុញឱ្យគ្រប់គ្រឹះស្ថានសិក្សាទាំងអស់បន្តពង្រឹងនូវវិន័យបន្ថែមនេះបន្ទាប់ពីមានការចែករំលែកវីដេអូខ្លីបន្តគ្នាលើបណ្ដាញសង្គម Facebook TikTok អំពីករណី នាយកវិទ្យាល័យ សេរីភាព ក្រុងតាខ្មៅ ខេត្តកណ្ដាល វាយសិស្សស្រី ក្នុងសាលា ហាក់ដូចជាពេលសិស្សតម្រង់ជួរគោរពទង់ជាតិ ឬកំឡុងពេល សាលាផ្ដល់ព័ត៌មានអ្វីមួយដល់សិស្សានុសិស្សដែលបណ្តាលមកពីសិស្សមួយចំនួនបានយកអាវរបស់ខ្លួនសរសេរអក្សរឬដាក់បាតដៃលើអាវជាអនុស្សាវរីយ៍។
ថ្លែងប្រាប់កម្ពុជាថ្មីនៅល្ងាចថ្ងៃទី១៦កញ្ញានេះ លោកប្រធានមន្ទីរបានមានប្រសាសន៍ថា « ខ្ញុំមានការសោកស្តាយពេលឃើញសកម្មភាពនៅក្នុងបណ្តាញសង្គមដែលមានក្មួយៗមួយចំនួនតូចបានប្រព្រឹត្តិទង្វើមិនគប្បីដែលពួកគាត់យល់ថា ជាសិទ្ធិសេរីភាពរបស់គាត់តាមពិតពួកគាត់មានការយល់ច្រឡំខ្លាំងណាស់»។
លោកប្រធានមន្ទីរអប់រំបានបន្តទៀតថា « ប្រសិនបើគាត់គិតថា ទង្វើនេះជាសិទ្ធិសេរីភាពក្នុងការបញ្ចប់ការឆ្នាំសិក្សាគាត់គួរតែធ្វើអ្វីផ្សេងឱ្យបានល្អប្រសើរជាងនេះដូចជាមានសៀវភៅកម្រងអនុស្សាវរីយ៍ដែលគាត់អាចសរសេរពាក្យពេជ មានបិតរូបថតនិងថ្លែងអំណរគុណនិងចុះហត្ថលេខាទើបប្រសើរជាងទង្វើដែលគាត់បានធ្វើនាំឱ្យប៉ះពាល់ដល់មជ្ឈដ្ឋានខាងក្រៅវាយតម្លៃទៅលើការគ្រប់គ្រងរបស់នាយកសាលាលោកគ្រូអ្នកគ្រូនិងប្រព័ន្ធអប់រំទាំងមូលតែម្តង ព្រមទាំងធ្វើឱ្យបាត់បង់ទំនុកចិត្តពីសំណាក់អាណាព្យាបាលនិងមជ្ឈដ្ឋានជុំវិញ»។
លោកប្រធានមន្ទីរបានស្នើឱ្យគ្រឹះស្ថានអប់រំទាំងអស់ បន្តពង្រឹងវិន័យបន្ថែមទៀតដើម្បីកុំឱ្យទង្វើអសកម្មទាំងនេះកាន់តែរីកធំថែមទៀត ព្រោះថាទាំងគណៈនាយកនិងលោកគ្រូអ្នកគ្រូក៏ដូចជាក្រសួងបានខិតខំប្រឹងប្រែងអប់រំនិងមានគោលនយោបាយអប់រំដើម្បីឱ្យសិស្សក្លាយជាសិស្សល្អកូនល្អនិងជាពលរដ្ឋល្អក្នុងសង្គម។
លោកប្រធានមន្ទីរបានបន្ថែមថា ក្នុងនោះមានដូចជាទី១ការអប់រំឱ្យមានចំណេះដឹង ទី២ ការអប់រំឱ្យមានបំណិនទី៣ការអប់រំឱ្យមានសីលធម៌ល្អទី៤ការអប់រំឱ្យមានឥរិយាបថល្អនិងទី៥ការអប់រំឱ្យចេះរស់នៅក្នុងសង្គម។
លោកប្រធានមន្ទីរបានបញ្ជាក់ថា ទង្វើរបស់សិស្សានុសិស្សដែលបានចែកចាយនៅក្នុងសង្គមហ្វេប៊ុកនោះមិនមែនជាសិស្សមានសីលធម៌ល្អនិងឥរិយាបថល្អធ្វើជាគំរូល្អចំពោះសិស្សទូទៅនោះទេ។
ដូចនេះសូមលោកគ្រូអ្នកគ្រូនិងគណៈនាយកតាមគ្រឹះស្ថានសិក្សាជួយពង្រឹងវិន័យដល់សិស្សបន្ថែមទៀតដើម្បីការពារសេចក្តីថ្លៃថ្នូរនិងកិត្តិយសសាលានិងសិស្សានុសិស្សឱ្យបានល្អប្រសើរ។
លោកប្រធានមន្ទីរបានអំពាវនាវដល់គ្រឹះស្ថានសិក្សាទាំងអស់ត្រូវបញ្ចៀសឱ្យបានជាដាច់ខាតនិងជាអតិបរមាការប្រើអំពើហិង្សាលើសិស្ស ព្រោះថាទម្រង់អំពើហិង្សាលើរាងកាយជាបទល្មើសពោលគឺត្រូវធ្វើយ៉ាងណាហៅគាត់មកអប់រំណែនាំទើបជាការប្រសើរ៕
ដោយ ៖ សំអឿន
សេចក្ដីជូនដំណឹង ស្ដីពី ការអញ្ជើញចូលរួមដេញថ្លៃ គម្រោងជួសជុល និងស្ដារឡើងវិញជាបឋមនូវបណ្ដាញខ្សែកាបអុបទិកឆ្អឹងខ្នង (Backbone) នៅតាមបណ្ដោយផ្លូវជាតិលេខ២, ២២, ៣, ៣២, ៣៣, ៤ និងលេខ៧២
ក្រសួងការងារ ជូនដំណឹងដល់កម្មករនៅរោងចក្រ អ.ជី ហ្វ៊ូតវែរ ទៅបើកប្រាក់ឈ្នួល និងប្រាក់បំណាច់ផ្សេងៗ នៅថ្ងៃទី ៣០ ខែមីនា
គិតត្រឹមឆ្នាំ ២០២១ កម្ពុជាចុះកិច្ចព្រមព្រៀងពាណិជ្ជកម្មសេរីក្រោមក្របខណ្ឌអាស៊ាន និងអាស៊ានបូកដៃគូសរុបចំនួន ០៧
សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១៣ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)