ព័ត៌មានជាតិ
លោក ហេង វ៉ាន់ដា៖ សូមកុំឲ្យគ្រឹះស្ថានសិក្សាឯកជនក្លាយជាទីជម្រកនៃជំងឺកូវីដឲ្យសោះ
ខណៈពេលដែលក្រសួងអប់រំយុវជននិងកីឡាអនុញ្ញាតឲ្យគ្រឹះស្ថានសិក្សាឯកជន បើកដំណើរការសាលាឡើងវិញនោះ ប្រធានក្រុមប្រឹក្សាភិបាលសមាគមគ្រឹះស្ថានសិក្សាកម្ពុជា បានណែនាំដល់គ្រឹះស្ថានសិក្សាឯកជនទាំងអស់ត្រូវគោរពទៅតាមស្តង់ដាអនាម័យរបស់ក្រសួងអប់រំយុវជននិងកីឡា និងធ្វើយ៉ាងណាកុំឲ្យគ្រឹះស្ថានសិក្សាឯកជនក្លាយជាទីជម្រកនៃជំងឺកូវីដ១៩។
លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានសិក្សាកម្ពុជាបានមានប្រសាសន៍នៅព្រឹកថ្ងៃទី២៩ ធ្នូនេះដោយបានស្នើឲ្យគ្រឹះស្ថានសិក្សាឯកជនទាំងអស់ ចាប់ពីមតេយ្យសិក្សារហូត
ដល់ឧត្តមសិក្សា បើកសាលាឡើងវិញទៅតាមកាលបរិច្ឆេទស្របតាមការអនុញ្ញាតរបស់ក្រសួងអប់រំចាប់ពីពេលនេះតទៅ។
លោកបានបន្តថា ប៉ុន្តែត្រូវតែគោរពទៅតាមស្តង់ដាអនាម័យរបស់ក្រសួងអប់រំយុវជននិងកីឡា ពិសេសអនុសាសន៍របស់សម្តេច៣ការពារ និង៣កុំ។
លោកបានបន្ថែមថា វិធានការណ៍៣ការពារ រួមមាន ពាក់ម៉ាស់ លាងដៃឲ្យបានញឹកញាប់ និងគម្លាតសុវត្ថិភាពសង្គម និងគម្លាតសុវត្ថិភាពបុគ្គល ដោយចាប់ពី១ម៉ែត្រកន្លះឡើងទៅឱ្យបានគ្រប់គ្នានិងនៅគ្រប់ទីកន្លែង។ ចំពោះ៣កុំវិញរួមមាន កុំចូលទៅកន្លែងបិទជិតគ្មានខ្យល់ចេញចូលនិងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូលល្អ កុំទៅកន្លែងមនុស្សច្រើនកុះករនិងកុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នានៅពេលជួបគ្នា។
លោកបានណែនាំទៀតថា «លៃយ៉ាណាកុំឲ្យគ្រឹះស្ថានសិក្សាឯកជនរបស់យើង ក្លាយជាទីជម្រកឬផ្ទុកនៃជំងឺកូវីដឲ្យសោះ ទាំងអស់គ្នាយើងត្រូវចូលរួមទាំងអស់អស់គ្នា»។
ក្រសួងអប់រំ យុវជន និងកីឡា នៅព្រឹកថ្ងៃទី២៩ ខែធ្នូ ឆ្នាំ២០២០នេះ បានចេញសេចក្តីណែនាំមួយដោយអនុញ្ញាតឲ្យគ្រឹះស្ថានសិក្សាឯកជនបើកដំណើរការឡើងវិញ នៅចាប់ពីថ្ងៃនេះតទៅបន្ទាប់ពីបិទបញ្ចប់ព្រឹត្តិការណ៍«សហគមន៍២៨វិច្ឆិកា»។ ប៉ុន្តែក្រសួងអប់រំតម្រូវជាចាំបាច់ ឲ្យគ្រឹះស្ថានសិក្សាទាំងអស់ ត្រូវបន្តអនុវត្តគោលការណ៍ប្រតិបត្តិស្តង់ដា (SOP) សម្រាប់ដំណើរការសាលារៀនឡើងវិញ ក្នុងបរិបទកូវីដ១៩ និងរក្សាគម្លាតសុវត្ថិភាពសង្គម និងបុគ្គល។ ក្នុងករណីចាំបាច់ត្រូវពាក់ម៉ាសការពារនៅក្នុងបរិវេណរបស់គ្រឹះស្ថានសិក្សា។
លោកបណ្ឌិតសភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានឲ្យដឹងថា នៅទូទាំងប្រទេសមានគ្រឹះស្ថានសិក្សាឯកជនទាំងអស់ចំនួន៦៦៦សាលា ក្នុងនោះនៅរាជធានីភ្នំពេញមានចំនួន៤០០សាលានិងតាមខេត្តចំនួ២៦៦សាលា។
លោក ហេង វ៉ាន់ដា បានបញ្ជាក់ថាបច្ចុប្បន្នសមាគមមានគ្រឹះស្ថានសិក្សាឯកជនជាសមាជិកចំនួន១០៥សាលា ក្នុងនោះមានសាលាកម្រិតចំណេះទូទៅមានចំនួន៦០សាលាមានសិស្ស៣០ម៉ឺននាក់និងកម្រិតឧត្តមសិក្សាចំនួន៤៥សាលា មាននិស្សិតប្រមាណ២៥ម៉ឺននាក់៕
អត្ថបទ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត