ព័ត៌មានជាតិ
ការដេញថ្លៃភាស៊ីគ្រប់ប្រភេទអាជីវកម្ម សម្រាប់ឆ្នាំ២០២១ បានធ្វើឡើងតែពិបាករកអ្នកចូលរួម
ដំណើរការនីតិវិធីនៃការដេញថ្លៃភាស៊ីគ្រប់ប្រភេទអាជីវកម្ម សម្រាប់ឆ្នាំ២០២១ បានធ្វើឡើងជាប្រក្រតីដូចរាល់ឆ្នាំ តែពិបាករកអ្នកចូលរួមដេញថ្លៃលើភាស៊ីផ្សាររបស់រដ្ឋ ព្រោះចំនួនទឹកប្រាក់មានតិចតួច នេះបើយោងកិច្ចប្រជុំដេញថ្លៃភាស៊ីគ្រប់ប្រភេទអាជីវកម្មសម្រាប់ឆ្នាំ២០២១ កាលពីថ្ងៃទី២៨ ខែធ្នូ ឆ្នាំ២០២០ នៅសាលប្រជុំមន្ទីរសេដ្ឋកិច្ចនិងហិរញ្ញវត្ថុខេត្តបន្ទាយមានជ័យ។
ក្នុងកិច្ចប្រជុំនេះផងដែរ ក្រោមការដឹកនាំពី លោក បឹង គឹមសឹង្ហ ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត តំណាងលោក អ៊ុំ រាត្រី អភិបាលខេត្តនិងជាប្រធានគណៈកម្មការដេញថ្លៃភាស៊ីគ្រប់ប្រភេទអាជីវកម្មខេត្ត លោក ខេង សួ តំណាងក្រសួងហិរញ្ញវត្ថុ លោក យុត ស្វីនី ប្រធានរតនាគារខេត្តមន្ត្រីមកពីទីចាត់ការហិរញ្ញវត្ថុរដ្ឋបាលខេត្តអភិបាលរងស្រុក ក្រុង និងអាជីវករដេញថ្លៃ។ លោក បឹង គឹមសឹង្ហ បានឲ្យដឹងថា ការដែលមន្ទីរនៅតែដាក់ឲ្យដេញថ្លៃភាស៊ីគ្រប់ប្រភេទអាជីវកម្មសម្រាប់ឆ្នាំ២០២១ នៅខេត្តបន្ទាយមានជ័យ ពិសេសលើផ្សារនិងទីតាំងអាជីវកម្មនៅសេសសល់ខ្លះនោះ គឺដើម្បីកុំឲ្យបាត់មូលដ្ឋានអាជីវកម្ម ដែលគ្រប់គ្រង់ផ្ទាល់ដោយរដ្ឋ ជាងនេះទៅទៀត គឺដើម្បីរក្សាសន្តិសុខ សណ្តាប់ធ្នាប់ សោភ័ណភាព សម្អាតបរិស្ថាន អនាម័យផ្សារទាំងនោះ កុំឲ្យខូចមុខមាត់ស្រុកក្រុងផងដែរ។ លោកបានបញ្ជាក់ថា មូលដ្ឋានអាជីវកម្ម ដែលជារបស់រដ្ឋនិងគ្រប់គ្រងការប្រមូលភាស៊ីដោយរដ្ឋនោះ នៅមានសេសសល់តិចតួច ហើយទំហំទឹកប្រាក់ក៏តិចតួចដែរ ប៉ុន្តែពិបាករកអ្នកចូលរួមដេញថ្លៃណាស់ មូលដ្ឋានអាជីវកម្មសេសសល់ មានដូចជា ផ្សារនៅស្រុកភ្នំស្រុក ស្រុកស្វាយចេក ស្រុកថ្មពួក សួនកុមារនិងផ្សារចម្ការគក្រុងសិរីសោភ័ណជាដើម ក្រៅពីរាប់សិបកន្លែង ត្រូវបានប្រគល់ឲ្យឯកជនវិនិយោគនោះ។
ក្នុងចំណោមផ្សារទាំងនោះ មិនមានអ្នកចូលរួមដេញថ្លៃប្រមូលភាស៊ីឡើយលើកលែងផ្សារចម្ការគ មានអាជីវករម្នាក់បានដេញថ្លៃ។ លោកអ៊ុំ រាត្រី អភិបាលខេត្តនិងជាប្រធានគណៈកម្មការដេញថ្លៃភាស៊ីគ្រប់ប្រភេទអាជីវកម្ម ខេត្តបានណែនាំឲ្យមន្ទីរសេដ្ឋកិច្ចនិងហិរញ្ញវត្ថុ ខេត្តត្រូវពន្យារការដេញថ្លៃលើកទី២ គឺទុករយៈពេល១សប្តាហ៍ទៀតសិន គឺត្រូវចេញលិខិតជូនដំណឹងដាក់ឲ្យដេញថ្លៃប្រមូលភាស៊ីផ្សារចម្ការគ ពីថ្ងៃទី២៩ ខែធ្នូ ឆ្នាំ២០២០ ទៅដល់ថ្ងៃទី៤ ខែមករា ឆ្នាំ២០២១ ហើយគណៈកម្មការនឹងបើកកញ្ចប់ដេញថ្លៃនៅម៉ោង៨និង៣០នាទីព្រឹកថ្ងៃទី ខែមករា ឆ្នាំ២០២១ ខាងមុខ ពោលគឺឋិតិវិធីនេះ ស្របតាមការណែនាំរបស់ក្រសួងសេដ្ឋកិច្ចនិងហិរញ្ញវត្ថនិងសេចក្តីជូនដំណឹងស្តីពីការដាក់ឲ្យដេញថ្លៃរបស់រដ្ឋបាលខេត្ត៕
អត្ថបទ៖ វ៉ាន់ ណាង
សូមចុចអាន៖ ពលរដ្ឋនៅខណ្ឌឬស្សីកែវសូមឲ្យអាជ្ញាធរ ជួយលុបបំបាត់គ្រឿងញៀន ក្មេងទំនើង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?