ព័ត៌មានជាតិ
លោកជំទាវ ម៉ែន សំអន និងមន្ត្រីក្រសួងទំនាក់ទំនងចូលរួមសាទរចំពោះតំណក់ប្រេងលើកដំបូងនៅកម្ពុជា
លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី ក្នុងនាមជាថ្នាក់ដឹកនាំនិងមន្ត្រីក្រោមឱវាទទាំងអស់ នៃក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ចចូលរួមអបអរសាទរអស់ពីបេះដូងក្រោយពីទទួលបានព័ត៌មានដ៏ប្រពៃថ្លៃថ្លាបំផុត សម្រាប់ប្រជាជនកម្ពុជាទូទាំងប្រទេសចំពោះតំណក់ប្រេងលើកដំបូងនៅកម្ពុជា។ សមិទ្ធផលជាប្រវត្តិសាស្ត្រនេះបានមកពីនយោបាយឈ្នះឈ្នះសម្តេចតេជោ ហ៊ុន សែន យ៉ាងប្រាកដ។
សារលិខិតជូនពរនិងអបអរសាទររបស់ក្រសួងទំនាក់ទំនងជាមួយរដ្ឋសភាព្រឹទ្ធសភានិងអធិការកិច្ចសម្តែងនូវការត្រេកអរនិងអបអរសាទរអស់ពីបេះដូង ដែលមានខ្លឹមសារថា ក្នុងនាមថ្នាក់ដឹកនាំក្រសួងក៏ដូចមន្ត្រីក្រោមឱវាទទាំងអស់សូមចូលរួមអបអរសាទរ នូវសមិទ្ធផលប្រវត្តិសាស្ត្រថ្មី ដែលទទួលបានដំណក់ប្រេងលើកដំបូង នៅក្នុងថ្ងៃតែមួយជាមួយខួបអនុស្សាវរីយ៍លើកទី២២ នៃការអនុវត្តជោគជ័យនយោបាយឈ្នះ ឈ្នះ របស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលនាំមកនូវសន្តិភាព និងការឯកភាពជាតិពេញលេញ។
អត្ថន័យនៃការលិខិតអបអរសាទររបស់ក្រសួងដដែលបានបញ្ជាក់ថា ការទទួលបានដំណក់ប្រេងលើកដំបូងនេះ ជាការចាប់ផ្តើមបើកទំព័រប្រវត្តិសាស្ត្រថ្មី សម្រាប់ប្រទេសកម្ពុជា ក្នុងការអភិវឌ្ឍលើវិស័យឧស្សាហកម្មប្រេងកាត ជាសក្ដានុភាពមួយ ដែលនាំឲ្យប្រទេសកម្ពុជា កាន់តែរីកចម្រើន សុខដុមរមនា ទោះបីនៅក្នុងដំណាក់កាលវិបត្តិជំងឺឆ្លងកូវីដ១៩ ក៏ដោយ។
លោកជំទាវកិត្តិសង្គហបណ្ឌិត ម៉ែន សំអន និងមន្ត្រីក្រោមឱវាទទាំងអស់សូមគាំទ្រទាំងស្រុងចំពោះការដឹកនាំដ៏ឈ្លាសវៃ និងប្រសាសន៍ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានថ្លែងសារពិសេសជូនជនរួមជាតិ នាព្រឹកថ្ងៃទី២៩ ខែធ្នូ ឆ្នាំ២០២០ ថ្មីៗនេះអំពីចំណូលថវិកាដែលទទួលបានមកពីដំណក់ប្រេងនេះ បានរួមចំណែកយ៉ាងសំខាន់ ក្នុងការបម្រើលើវិស័យ អប់រំ និងលើវិស័យសុខាភិបាល។
លោកជំទាវកិត្តិសង្គហបណ្ឌិត ម៉ែន សំអន និងមន្ត្រីក្រោមឱវាទទាំងអស់លំអោនកសយសូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្ដិសិទ្ធិទាំង ឡាយ ក្នុងលោក ទេវតាថែរក្សាទឹកដី នៃព្រះរាជាណាចក្រកម្ពុជា សូមជួយប្រសិទ្ធពរជ័យបវរសួស្ដី សិរីមង្គល វិបុលសុខ មហាប្រសើរគ្រប់ប្រការជូន សម្តេចតេជោ នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារជាទីស្រលាញ់ សូមបានសមប្រកបនូវសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ។ ក្នុងឱកាសឆ្នាំចាស់ នឹងផ្លាស់ចូលឆ្នាំថ្មី ឆ្នាំ២០២១ យើងខ្ញុំសូមគោរពជូនពរ សូមទទួលបាន នូវ ពុទ្ធពរ ពរទាំង៥ ប្រការ គឺ អាយុ វណ្ណៈ សុខៈ ពលៈ បដិ ភាណៈ កុំបីឃ្លៀងឃ្លាតឡើយ៕
អត្ថបទ៖ វិមាន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ