ព័ត៌មានជាតិ
ធនាគារជាតិជ្រើសរើសនិស្សិតចូលរៀនថ្នាក់ប្រកាសនីយបត្រជាន់ខ្ពស់បច្ចេកទេសធនាគារចំនួន១០០នាក់
ភ្នំពេញ ៖ ធនាគារជាតិនៃកម្ពុជា បានប្រកាសជ្រើសរើសនិស្សិតចូលរៀនថ្នាក់ប្រកាសនីយបត្រជាន់ខ្ពស់បច្ចេកទេសធនាគារជំនាន់ទី៣០ សម្រាប់ឆ្នាំសិក្សា២០២០ ២០២១ចំនួន១០០នាក់ដើម្បីសិក្សានៅមណ្ឌលសិក្សាបច្ចេកទេសធនាគារ។
តាមសេចក្តីជូនដំណឹងរបស់ធនាគារជាតិនៃកម្ពុជា ចុះថ្ងៃទី៣០ធ្នូនេះបានឲ្យដឹងថា ដើម្បីរួមចំណែកកសាងធនធានមនុស្សប្រកបដោយសក្តានុពលមានសមត្ថភាពជំនាញនិងវិជ្ជាជីវៈស្របតាមយុទ្ធសាស្ត្រចតុកោណរបស់រាជរដ្ឋាភិបាលសម្រាប់គាំទ្រការអភិវឌ្ឍន៍វិស័យធនាគារនិងហិរញ្ញវត្ថុឲ្យកាន់តែរីកចម្រើនឲ្យកាន់តែមានបរិយាប័ន្ននិងសមាហរណកម្មជាមួយប្រទេសក្នុងតំបន់ក្នុងបរិបទសេដ្ឋកិច្ចឌីជីថលមជ្ឈមណ្ឌលសិក្សាបច្ចេកទេសធនាគារនឹងប្រឡងជ្រើសរើសសិស្សនិស្សិតនិងបុគ្គលិកធនាគារសរុបចំនួន១០០នាក់ ចូលរៀនថ្នាក់ប្រកាសនីយបត្រជាន់ខ្ពស់បច្ចេកទេសធនាគារសម្រាប់កម្មវិធីសិក្សារយៈពេល២ឆ្នាំក្នុងឆ្នាំសិក្សា ២០២១ ដល់ឆ្នាំ២០២៣។
បើតាមធនាគារជាតិចំពោះលក្ខខណ្ឌចុះឈ្មោះប្រឡងមន្ត្រីបុគ្គលិកធនាគារជាតិនៃកម្ពុជាត្រូវមានបទពិសោធន៍ការងាររយៈពេល២ឆ្នាំនិងបេក្ខជនជាសិស្សនិងនិស្សិតត្រូវមានសញ្ញាបត្រមធ្យម សិក្សាទុតិយភូមិឬសញ្ញាបត្រមានតម្លៃស្មើ។
ចំពោះការបរិច្ឆេទប្រលងនឹងត្រូវធ្វើថ្ងៃទី២៧ ខែកុម្ភៈឆ្នាំ២០២១ហើយ វិញ្ញាសាប្រឡងរួមមានចំណេះដឹងទូទៅគណិតវិទ្យានិងភាសាអង់គ្លេស។
រីឯកាលបរិច្ឆេទលក់ពាក្យនិងទទួលពាក្យប្រឡងចាប់ផ្ដើមលក់ពាក្យពីថ្ងៃទី៣០ខែធ្នូឆ្នាំ២០២០នេះតទៅនិងឈប់ទទួលពាក្យនិងបិទឈ្មោះនៅរសៀលថ្ងៃទី២៥ ខែកុម្ភៈ ឆ្នាំ២០២១និង បិទបញ្ជីឈ្មោះបេក្ខជនប្រឡងថ្ងៃទី២៦ ខែកុម្ភៈ ឆ្នាំ២០២១។
ចំពោះការសិក្សាមានរយៈពេល២ឆ្នាំនិងបេក្ខជនត្រូវថ្លៃចុះឈ្មោះសិក្សាសរុបក្នុង៤ឆមាសមានចំនួន២លានរៀល៕
ដោយ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»