ព័ត៌មានជាតិ
ខេត្តចំនួន២២ រងផលប៉ះពាល់ដោយជំនន់ទឹកភ្លៀងក្នុងរយៈពេល៥ខែនេះ
ក្នុងរយៈពេលជាង៥ខែនេះ ជំនន់ទឹកភ្លៀងបណ្តាលឱ្យប៉ះពាល់ដល់ខេត្តចំនួន២២ មានប្រជាពលរដ្ឋរងគ្រោះជាង៧ម៉ឺនគ្រួសារ និងដំណាំកសិកម្មជាង១៤ម៉ឺនហិកតា និងស្លាប់មនុស្ស១៤នាក់។
លោក សុទ្ធ គឹមកុលមុន្នី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី០៥តុលានេះថា ចាប់ពីខែឧសភារហូតមកដល់ថ្ងៃទី០៣ ខែតុលា ឆ្នាំ២០២២នេះ ជំនន់ទឹភភ្លៀងបានបង្កផលប៉ះពាល់ដល់ខេត្តចំនួន២២ ស្មើនឹង៩៣ក្រុង ស្រុក ខណ្ឌ និង៣៣៣ឃុំសង្កាត់ ក្នុងនោះមានខេត្តចំនួន៦រងគ្រោះធ្ងន់ធ្ងរជាងគេ រួមមានខេត្តកំពង់ធំ សៀមរាប បន្ទាយមានជ័យ ឧត្តរមានជ័យ បាត់ដំបង និងខេត្តពោធិ៍សាត់។
លោកបានបន្តថា ជំនន់ទឹកភ្លៀងនេះបានបណ្តាលឱ្យប៉ះពាល់ដល់ប្រជាជនចំនួន៧៦៦៩៦គ្រួសារ ក្នុងនោះបានជម្លៀសទៅរកទីទួលសុវត្តិភាពចំនួន១៩៤៧គ្រួសារ លិចផ្ទះប្រជាជនចំនួន៣៩៣៣១ខ្នង ខូចខាតចំនួន១៨៧ខ្នង លិចសាលារៀន២៤០កន្លែង វត្តអារាម៦២កន្លែង លិចស្រូវ១៣១៤៤៣ហិកតា ខូចខាត២៤៦៩០ហិកតា លិចដំណាំរួមផ្សំ១១៨៤៨ហិកតា និងលិចផ្លូវលំប្រវែង៥៨៩គីឡូម៉ែត្រ ព្រមទាំងបណ្តាលឱ្យមនុស្សស្លាប់ចំនួន១៤នាក់ ដោយសារលង់ទឹក។
យ៉ាងណាក៏ដោយ លោកបានបញ្ជាក់ថា មកទល់ពេលនេះស្ថានភាពជំនន់ទឹកភ្លៀងមិនទាន់បង្កភាពធ្ងន់ធ្ងរនៅឡើយទេ ខណៈប្រជាជនដែលរងផលប៉ះពាល់ចំនួន២២ខេត្តត្រូវបានជម្លៀសទៅទីទួលសុវត្ថិភាព ដូចជាផ្តល់កន្លែងស្នាក់នៅ ស្បៀងអាហារ និងសម្ភារផ្សេងៗផងដែរ។
ក្រសួងធនធានទឹកនិងឧតុនិយម បានប្រកាសឱ្យពលរដ្ឋមានការប្រុងប្រយ័ត្នចំពោះបាតុភូតភ្លៀងផ្គររន្ទះ និងខ្យល់កន្ត្រាក់ចាប់ពីថ្ងៃទី ៥ ដល់ថ្ងៃទី១១ ខែតុលា ឆ្នាំ២០២២នេះ ដោយសារប្រព័ន្ធសម្ពាធទាបបន្តអូសបន្លាយកាត់លើកម្ពុជាជាមួយនឹងខ្យល់មូសុងនិរតី។ បាតុភូតនេះ នឹងធ្វើឲ្យតំបន់ទាំង៣ រួមមានតំបន់ទំនាបកណ្ដាល ខ្ពង់រាប និងមាត់សមុទ្រ មានភ្លៀងធ្លាក់ពីតិចទៅច្រើនលាយឡំដោយផ្គរ រន្ទះ និងខ្យល់កន្ត្រាក់ ហើយផ្នែកខ្លះនៃបណ្ដាខេត្តនៃភាគពាយព្យ និងភាគខាងជើងជាប់ប្រទេសវៀតណាម ភ្លៀងអាចធ្លាក់ច្រើនដោយអន្លើ៕
អត្ថបទ៖ សំអឿន
-
ចរាចរណ៍៣ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ២ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៣ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១៨ ម៉ោង ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
សន្តិសុខសង្គម២ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ១ សប្តាហ៍ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?
-
ព័ត៌មានអន្ដរជាតិ៦ ថ្ងៃ ago
យប់មិញ អ៉ីរ៉ង់សងសឹកអ៉ីស្រាអែលដោយមីស៊ីល-យន្តហោះគ្មានមនុស្សជាង២០០គ្រាប់
-
ព័ត៌មានជាតិ៣ ថ្ងៃ ago
រយៈពេល៣ថ្ងៃសង្ក្រាន្តបាត់ដំបងទទួលបានភ្ញៀវទេសចរជាង១លាននាក់