ព័ត៌មានជាតិ
មន្រ្តី ៖ សកម្មភាពផ្ដល់ចំណី និងថតវីដេអូ ធ្វើឱ្យស្វាកាច
អាជ្ញាធរជាតិអប្សរា បានអះអាងថា ករណីស្វាកាច គឺបង្កឡើងដោយសារសកម្មភាពផ្ដល់ចំណី និងថតវីដេអូ ជាហេតុធ្វើឱ្យសត្វស្វាបានផ្លាស់ប្ដូរទម្លាប់។
នៅក្នុងសេចក្តីប្រកាសព័ត៌មាន នាថ្ងៃទី៣១ ខែធ្នូ ឆ្នាំ២០២០នេះ អាជ្ញាធរជាតិអប្សរា បានលើកឡើងថា ចំនួនសត្វស្វានៅតំបន់ឧទ្យានអង្គរ មានការកើនឡើងជាបន្តបន្ទាប់ពីមួយឆ្នាំទៅមួយឆ្នាំ ខណៈមួយរយៈចុងក្រោយនេះ មានបុគ្គលមួយចំនួនតូចចាប់ផ្ដើមផ្ដល់ចំណីរហូតសត្វស្វាផ្លាស់ប្តូរទម្លាប់ និងបានថតវីដេអូសកម្មភាពសត្វស្វាទាំងនោះបង្ហោះក្នុងបណ្ដាញសង្គម ដើម្បីស្វែងរកប្រាក់ចំណេញផ្ទាល់ខ្លួន។អាជ្ញាធរជាតិអប្សរា បានហៅសកម្មភាពទាំងនេះថា ធ្វើឱ្យសត្វស្វាមួយចំនួនប្តូរនូវធម្មជាតិរបស់ខ្លួន ក្លាយជាសត្វកាច បង្ករបួសស្នាមដល់ភ្ញៀវទេសចរជាតិ អន្តរជាតិ និងធ្វើឱ្យជ្រុះថ្មប្រាសាទជាយថាហេតុទៀតផង។
ជាមួយគ្នានេះ អាជ្ញាធរជាតិអប្សរា បានអះអាងថា សកម្មភាពចាប់ស្វាកាច បានធ្វើឡើងជាមួយដៃគូសហការ មកពីក្រសួងកសិកម្ម រុក្ខាប្រមាញ់ និងនេសាទ ហើយបានកំណត់អត្តសញ្ញាណសត្វស្វាកាច ដើម្បីចាប់ចេញពីតំបន់អង្គរ យកទៅព្រលែងឱ្យរស់នៅតាមបែបធម្មជាតិ នៅក្រៅតំបន់អង្គរ។
អាជ្ញាធរជាតិអប្សរា បានអះអាងថា នៅក្នុងប្រតិបត្តិការចាប់សត្វស្វាកាច កាលពីថ្ងៃទី២៩ ខែធ្នូ ឆ្នាំ២០២០ គឺចាប់បានចំនួន១៦ក្បាលប៉ុណ្ណោះ ហើយក៏ពុំបណ្ដាលឱ្យមានសត្វស្វា ចំនួនពីរក្បាលស្លាប់ ដូចការលើកឡើងក្នុងបណ្ដាញសង្គមឡើយ ហើយការបង្ហាញក្នុងបណ្ដាញសង្គមថ្មីៗនេះ គឺជារូបចាស់ប៉ុណ្ណោះ។
គួរកត់សម្គាល់ថា ករណីចាប់ស្វាកាច ពីសំណាក់មន្រ្តីអាជ្ញាធរជាតិអប្សរា នាថ្ងៃទី២៩ ខែធ្នូ បានបង្កប្រតិកម្មយ៉ាងខ្លាំងពីមហាជន ប៉ុន្តែមន្រ្តីនៅតែអះអាងថា សកម្មភាពនេះ គឺដើម្បីកុំឱ្យអ៊ុកឡុកភ្ញៀវទេសចរ និងបញ្ចៀសការខូចខាត ដល់ថ្មប្រាសាទប៉ុណ្ណោះ៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ