ព័ត៌មានជាតិ
ជំនន់ទឹកភ្លៀងបង្កផលប៉ះពាល់ដីស្រែស្រូវប្រជាពលរដ្ឋ ជាង៨ពាន់ហិកតានៅក្នុងខេត្តតាកែវ
តាកែវ ៖ លោក ញិប ស្រ៊ន ប្រធានមន្ទីរកសិកម្មរុក្ខាប្រមាញ់និងនេសាទខេត្តតាកែវ បានថ្លែងប្រាប់ប្រតិភូក្រសួងកសិកម្ម រុក្ខាប្រមាញ់ និងនេសាទ ដែលចុះមកសិក្សាវាយតម្លៃផលដំណាំរងផលប៉ះពាល់ ដោយទឹកជំនន់ និងជំនន់ទឹកភ្លៀង នៅខេត្តតាកែវនាព្រឹកថ្ងៃ ទី១២ ខែតុលា ឆ្នាំ២០២២ ថា ទូទាំងខេត្តតាកែវទាំងមូលមានផ្ទៃដីដំណាំស្រូវប្រមាណជាង៨ពាន់ហិកតា បានរងផលប៉ះពាល់ដោយសារទឹកជំនន់ភ្លៀង។
ប្រធានមន្ទីរកសិកម្មរុក្ខាប្រមាញ់និងនេសាទខេត្តតាកែវបានបន្តថា ផ្ទៃដីប៉ះពាល់ដោយសារទឹកជំនន់ សរុបចំនួន ៨២៨៣ហិកតា មាននៅក្នុងស្រុកត្រាំកក់ ស្រុកសំរោង និងស្រុកអង្គរបូរី ដែលរងផលប៉ះពាល់ដោយសារជំនន់ទឹកភ្លៀង នៅដើមរដូវវស្សា ៧៩៩៨ហិកតា (សង្គ្រោះបាន ១០០%) និងចុងរដូវវស្សា មានចំនួន ២៦ហិកតា សង្គ្រោះបាន ៧ហិកតា នៅស្រុកគិរីវង់ និង ១៩ហិកតា នៅស្រុកត្រាំកក់ រីឯខូចខាតទាំងស្រុង មានចំនួន ៨ហិកតា ដែលត្រូវការពូជស្រូវផ្ដល់ជូនពលរដ្ឋ ៨០០គីឡូក្រាម។
ដោយឡែកចំពោះការការពារ និងសង្គ្រោះសត្វពាហនៈ ខាងមន្ត្រីជំនាញបានត្រៀមទីទួលសុវត្ថិភាព នៅក្នុងស្រុកមួយចំនួនដើម្បីជួយសង្គ្រោះផងដែរ។
ថ្លែងនៅក្នុងឱកាសនោះ លោក អ៊ូច ភា អភិបាលខេត្តតាកែវ និងលោកជំទាវ ចាន់ ផលលឿន អនុរដ្ឋលេខាធិការក្រសួងកសិកម្មរុក្ខាប្រមាញ់និងនេសាទ ក៏បានធ្វើការណែនាំ ដល់អាជ្ញាធរមូលដ្ឋានគ្រប់លំដាប់ថ្នាក់ជាពិសេសមន្ត្រីពាក់ព័ន្ធ ត្រូវចុះសិក្សាវាយតម្លៃពីផលប៉ះពាល់ដំណាំស្រូវរបស់បងប្អូនប្រជាពលរដ្ឋដែលរងផលប៉ះពាល់ដោយទឹកជំនន់ភ្លៀងឲ្យបានច្បាស់លាស់និងត្រូវត្រៀមលក្ខណៈចុះជួយដោះស្រាយ និងសង្គ្រោះ ប្រជាពលរដ្ឋរងគ្រោះដោយទឹកជំនន់ទឹកភ្លៀងឱ្យបានទាន់ពេលវេលា និងបានជំរុញឲ្យអាជ្ញាធរពាក់ព័ន្ធត្រៀមផ្តល់ពូជស្រូវដល់ប្រជាពលរដ្ឋ ដើម្បីស្តារ និងសង្គ្រោះឡើងវិញឲ្យទាន់ពេលវេលា ពិសេសស្រុកដែលរងគ្រោះខ្លាំងជាងគេ។
ដោយឡែក បើយោងតាមលោក ប្រាក់ ឃាង មេភូមិស្លា ឃុំលាយបូ ស្រុកត្រាំកក់បានថ្លែងឲ្យដឹងថា នៅក្នុងភូមិរបស់លោកមានប្រជាកសិករប្រមាណជាង៦០គ្រូសារ ដែលមានផ្ទៃដីស្រែបានរងផលប៉ះពាល់ដោយសារជំនន់ភ្លៀងចំនួន១៩ហិកតា ហើយបានខូចខាតទាំងស្រុងចំនួន៨ហិកតា៕
ដោយ ៖ វីរៈ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ