ព័ត៌មានជាតិ
សារពិសេសសម្តេចតេជោ ៖ បញ្ឈប់ការដឹកពលករខ្មែរចូលមកក្នុងប្រទេស ជាបណ្តោះអាសន្ន
ក្រោយពីរកឃើញអ្នកឆ្លង Covid-19 ក្នុងចំណោមពលករ បានកើនឡើងជាបន្តបន្ទាប់ នៅល្ងាចថ្ងៃទី៣១ ខែធ្នូ ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសារពិសេសមួយ ដោយបញ្ជាឲ្យកងទ័ពបញ្ឈប់ការដឹកពលករខ្មែរចូលមកផ្ទៃក្នុងប្រទេសជាបណ្តោះអាសន្ន ក្រោយពីរកឃើញអ្នកឆ្លង Covid-19 ក្នុងចំណោមពលករ ដែលត្រឡប់ពីប្រទេសថៃបានកើនឡើងជាបន្តបន្ទាប់ ជាមួយគ្នានោះសម្តេចក៏បានបញ្ជាក់ឲ្យក្រសួងសុខាភិបាល ក៏ដូចជាអាជ្ញាធរពាក់ព័ន្ធ ធ្វើសកម្មភាពជាបន្ទាន់ផងដែរ ដើម្បីទប់ស្កាត់ការរីករាលដាលជំងឺនេះចូលសហគមន៍ជាថ្មី។
សម្តេចអគ្គមហាសេនាបតីតេជោ ហ៊ុន សែន បានថ្លែងថា សភាពការណ៍រយៈពេលពីរថ្ងៃនេះនៅតាមព្រំដែនកម្ពុជា-ថៃ មានការរកឃើញអ្នកឆ្លង Covid-19 ជាបន្តបន្ទាប់ ដែលមកដល់ល្ងាចថ្ងៃនេះ មានអ្នកឆ្លងចំនួន៦ នាក់ ហើយបើតាមការបញ្ជាក់ពីវិទ្យាស្ថានប៉ាស្ទ័រ មានការសង្ស័យជាច្រើនទៀត ដែលអាចកើនលើស១០នាក់។ សម្ដេចបានបានបន្តថា នៅក្នុងស្ថានភាពបែបនេះ យើងត្រូវតែខិតខំ ដើម្បីរួមចំណែកជាមួយប្រទេសថៃក្នុងការគ្រប់គ្រងសភាពការណ៍។ នៅប្រទេសថៃកាលពីម្សិលមិញ មានអ្នកឆ្លងរហូតដល់២៥០នាក់ ហើយនៅថ្ងៃនេះមានជាង១០០នាក់។
បើតាមសម្ដេចតេជោ ហ៊ុន សែន អ្នកដែលចូលមកពីប្រទេសថៃ ត្រូវបានឃើញវិជ្ជមានជាបន្តបន្ទាប់ ក្នុងស្ថានភាពបែបនេះ សម្ដេចបានចេញបទបញ្ជាឱ្យកម្លាំងនៅតាមព្រំដែនទាំងអស់ធ្វើការគ្រប់គ្រងឱ្យបានហ្មត់ចត់ជាទីបំផុតចំពោះអ្នកឆ្លងដែនតាមច្រក ដែលមានការគ្រប់គ្រង និងច្រករបៀង ដាច់ខាត គឺមិនអោយមានការលួចឆ្លងចូលមកក្នុងផ្ទៃប្រទេស ដោយមិនបានធ្វើការត្រួតពិនិត្យ មិនបានយកសំណាក និងមិនបានធ្វើចត្តាឡីស័កនោះឡើយ។
សម្តេចបានបញ្ជាទៅកងកម្លាំងប្រដាប់អាវុធ កងយោធពលខេមរភូមិន្ទ ដែលមានមធ្យោបាយដឹកជញ្ជូន ផ្អាកការដឹកជញ្ជូនបងប្អូនទាំងនេះ ចូលមកក្នុងផ្ទៃប្រទេស ដែលធ្លាប់ដឹករំលែកទៅតាមខេត្តនាពេលកន្លងមក យើងសុខចិត្តធ្វើចត្តាឡីស័កនៅតាមបណ្ដាខេត្ត នៅតាមព្រំដែន ល្អជាងដឹកបងប្អូនយកមកពង្រាយនៅផ្ទៃក្នុងប្រទេស ដែលនាំឱ្យឆ្លងដល់សហគមន៍ជាថ្មីម្ដងទៀត។ ដូច្នេះត្រូវយកចិត្តទុកដាក់គ្រប់គ្រងបងប្អូនទាំងនេះ ឲ្យបានហ្មត់ចត់ និងត្រូវពង្រឹងសមត្ថភាពក្នុងការធ្វើចត្តាឡីស័ក នៅតាមច្រកព្រំដែន ដែលបានកំណត់ទីតាំង ហើយត្រូវយកសំណាកនៅទីនោះ និងធ្វើចត្តាឡីស័កនៅទីនោះក្នុងរយៈពេល១៤ថ្ងៃ។
ជាមួយគ្នានោះ សម្តេចបានបញ្ជាឲ្យក្រសួងសុខាភិបាល ត្រូវផ្គត់ផ្គង់សម្ភារៈ ថវិកា ដើម្បីធ្វើចត្តាឡីស័ក និងការយកសំណាក ដើម្បីធ្វើតេស្ត ដោយបន្ថែមក្រុមគ្រូពេទ្យទៅកាន់ទីនោះប្រសិនបើមានការចាំបាច់។ ដូច្នេះខេត្តនៅតាមបណ្ដាព្រំដែន ក៏ដូចជាកម្លាំងនៅតាមព្រំដែនទាំងអស់ ត្រូវយកចិត្តទុកដាក់គ្រប់គ្រងឲ្យបានហ្មត់ចត់ជាមួយពលករ ពលការិនីកម្ពុជា ដែលបានធ្វើដំណើរត្រឡប់ពីប្រទេសថៃមកកាន់កម្ពុជាវិញ ដែលមកដល់ពេលនេះ តាមការប៉ាន់ស្មាន នឹងមានការកើនឡើងជាបន្តបន្ទាប់ ហើយមន្ទីរពេទ្យខេត្តបាត់ដំបង អាចរ៉ាប់រងនៅក្នុងការព្យាបាលនេះ។ សម្តេចបានប្រាប់ឲ្យពិនិត្យសមត្ថភាពក្នុងការព្យាបាល ពង្រឹងសមត្ថភាពមន្ទីពេទ្យនៅតាមខេត្ត។
សម្តេចតេជោ ហ៊ុន សែន បានប្រាប់ឲ្យក្រសួងសុខាភិបាលត្រូវធ្វើសកម្មភាពជាបន្ទាន់ ដើម្បីបន្ថែមសម្ភារៈ និងថវិកា សម្រាប់ការធ្វើចត្តាឡីស័ក ក៏ដូចជាការធ្វើតេស្តយកសំណាក និងបង្កើនល្បឿន នៃការធ្វើតេស្ត ដោយវិទ្យាស្ថានប៉ាស្ទ័រ។ បញ្ហាសំខាន់ គឺការដឹកជញ្ជូនសំណាក់ពីរខេត្តមកកាន់វិទ្យាស្ថានប៉ាស្ទ័រ។
សម្តេចបញ្ជាក់ទៀតថា “ខ្ញុំសូមដាក់បញ្ជាឱ្យបណ្ដាខេត្តនៅខាងក្រោយទាំងអស់ ធ្វើការត្រួតពិនិត្យ នៅតាមមូលដ្ឋាន ថាតើមានបងប្អូនមកពីប្រទេសថៃចូលមកដល់ប៉ុន្មាននាក់ ? ហើយត្រូវគ្រប់គ្រងឲ្យបានហ្មត់ចត់ ហើយអ្នកដែលបានដឹកជញ្ជូនទៅកាន់បណ្ដាខេត្តរួចហើយ គាត់ត្រូវតែគ្រប់គ្រងឱ្យបានល្អ។ ចំណែកអ្នកដែលលួចចូលមកស្ងាត់ៗ ដែលមិនបានយកសំណាក់ មិនបានធ្វើចត្តាឡីស័ក គឺត្រូវយកសំណាកធ្វើចត្តាឡីស័កឲ្យបានត្រឹមត្រូវ ដើម្បីចៀសវាងនូវការពង្រាយជំងឺទៅកាន់គ្រួសារ និងសហគមន៍ ដែលខ្លួនកំពុងរស់នៅ។
សម្ដេចអគ្គមហាសេនាបតីតេជោ ហ៊ុន សែន បញ្ជាក់ទៀតថា ការលើកឡើងដល់ពេលនេះ មិនទាក់ទងទៅដល់ការបើកឡើងវិញសាលារៀន ការបើកឲ្យមានការជួបជុំផ្សេងៗនោះទេ។ ជាមួយគ្នានោះ សម្ដេចតេជោ ហ៊ុន សែន បានអង្វរករដល់ពលករ ពលការិនីខ្មែរ ដែលកំពុងធ្វើការនៅប្រទេសថៃ សូមបន្តស្នាក់នៅទីនោះជាបន្តទៀត ដើម្បីឲ្យអាជ្ញាធរថៃ ជួយដល់បងប្អូនក្នុងការពិនិត្យ និងព្យាបាលនៅទីនោះ ប្រសើរជាងការនាំជំងឺចូលមកប្រទេស ហើយនាំទៅដល់ការបាត់បង់ការងារធ្វើ។ សង្ឃឹមថា បងប្អូននឹងយល់ចំពោះផលវិបាក ដល់ក្រុមគ្រួសារដល់ខ្លួនឯង និងសម្រាប់ប្រទេសជាតិខ្លួនឯងផង៕
ដោយ ៖ កោះកែវ
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»