ព័ត៌មានជាតិ
លោក ហ៊ុន ម៉ាណែត ជូនពរឲ្យក្រុមការងារបក្សនៅក្រៅប្រទេស ជៀសផុតពីជំងឺកូវីដ-១៩
ការលើកឡើងរបស់លោក ហ៊ុន ម៉ាណែត បានធ្វើឡើងនៅក្នុងលិខិតជូនចំពោះសមាជិក សមាជិកា និងថ្នាក់ដឹកនាំគណៈកម្មាធិការ និងសាខាគណៈកម្មាធិការគណបក្សប្រជាជនកម្ពុជា និងក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា ព្រមទាំងក្រុមការងារយុវជនគណបក្សនៅក្រៅប្រទេស។
លោក ហ៊ុន ម៉ាណែត ប្រធានយុវជនគណបក្សប្រជាជនកម្ពុជាថ្នាក់កណ្តាលលើកឡើងយ៉ាងនេះថា “តាងនាមយុវជនគណបក្សប្រជាជនកម្ពុជាថ្នាក់កណ្តាល និងក្រុមការងាររៀបចំអង្គការចាត់តាំងយុវជន គណបក្សប្រជាជនកម្ពុជានៅក្រៅប្រទេស និងក្នុងនាមខ្លួនខ្ញុំផ្ទាល់ ខ្ញុំពិតជាមានសេចក្តីសោមនស្សរីករាយក្រៃលែង និងសូមចូលរួមអបអរសាទរទទួលស្វាគមន៍ឆ្នាំថ្មី ឆ្នាំសកល ២០២១ នាពេលខាងមុខនេះ ជាមួយបងប្អូន លោកពូ អ្នកមីង លោកយាយ លោកតា ជាថ្នាក់ដឹកនាំគណៈកម្មាធិការគណបក្ស និងសាខាគណៈកម្មាធិការគណបក្សប្រជាជនកម្ពុជានៅក្រៅប្រទេស ក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា នៅក្រៅប្រទេស ក្រុមការងារយុវជនគណបក្សប្រជាជនកម្ពុជានៅក្រៅប្រទេស ព្រមទាំងបងប្អូនជាសមាជិក សមាជិកា គណបក្សប្រជាជនកម្ពុជានៅតាមតំបន់ និងបណ្តាប្រទេសនានា ដែលកំពុងរស់នៅ និងស្នាក់នៅក្រៅប្រទេសទាំងអស់”។
ជាមួយនឹងការលើកឡើងខាងលើនេះ លោក ហ៊ុន ម៉ាណែត បាននាំមកនូវការផ្តាំផ្ញើសាកសួរសុខទុក្ខ ពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជូនពរប្រកបដោយសុខភាពល្អបរិបូរសុភមង្គល វិបុលសុខ អាយុយឺនយូរ ថាមពលខ្លាំងក្លា ប្រាជ្ញាវាងវៃ និងជៀសផុត និងរួចផុតពីជំងឺកូវីដ-១៩ ដើម្បីបន្តចូលរួមចំណែកពង្រឹង និងពង្រីកសកម្មភាពរបស់គណបក្សប្រជាជនកម្ពុជាទាំងក្នុង និងក្រៅប្រទេស។
ជាមួយគ្នានោះ លោកបានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង និងការប្តេជ្ញាចិត្តរបស់សមាជិក សមាជិកា ក្នុងការបំពេញភារកិច្ចប្រកបដោយ ស្មារតីទទួលខុសត្រូវខ្ពស់ក្នុងបេសកកម្មបម្រើជាតិ ប្រជាជន និងគណបក្សប្រជាជនកម្ពុជាទោះក្នុងកាលៈទេសៈ ដ៏លំបាកនៃបរិបទជំងឺកូវីដ-១៩ ដោយអនុវត្តសកម្មភាពធម្មតាតាមបែបគន្លងថ្មី ដែលបាននាំមកនូវសមិទ្ធផល និងជោគជ័យគួរឱ្យកត់សម្គាល់ក្នុងរយៈពេលពេញមួយឆ្នាំ២០២០។
លោក ហ៊ុន ម៉ាណែត បានកត់សម្គាល់ប្រកបដោយមោទនភាពផងដែរថា ខណៈពេលដែលរាជរដ្ឋាភិបាល នៃព្រះរាជាណាចក្រកម្ពុជា កំពុងយកចិត្តទុកដាក់ក្នុងការដោះស្រាយបញ្ហាប្រឈម និងផលប៉ះពាល់នានាដែលបង្កឡើងដោយជំងឺកូវី៨-១៩ គ្រោះមហន្តរាយ និងគ្រោះធម្មជាតិ ក្នុងរយៈពេលកន្លងទៅនេះ ឯកឧត្តម លោកជំទាវ លោក លោកស្រី និងបងប្អូនសមាជិកទាំងអស់បានលះបង់កម្លាំងកាយ កម្លាំងចិត្ត ពេលវេលា ប្រាជ្ញាស្មារតី ធនធាន សម្ភារៈ និងថវិកាផ្ទាល់ខ្លួន ចូលរួមចំណែកជាមួយរាជរដ្ឋាភិបាលជួយដល់បងប្អូនប្រជាពលរដ្ឋខ្មែរនៅកម្ពុជា ក្នុងស្មារតីសាមគ្គីភាពខ្មែរតែមួយ ក្រោមម្លប់សន្តិភាព និងការអភិវឌ្ឍន៍ ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។
លោកសង្ឃឹមថា ក្នុងឆ្នាំថ្មីនេះ បងប្អូន លោកពូ អ្នកមីង លោកយាយ លោកតាប្តេជ្ញាចិត្ត នឹងបន្តខិតខំបំពេញភារកិច្ចបន្តទៅទៀត ដើម្បីនាំមកនូវជោគជ័យថ្មីៗថែមទៀតជូនជាតិមាតុភូមិ ប្រជាជន និងគណបក្សប្រជាជនកម្ពុជា៕
ដោយ ៖ កោះកែវ
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»