ព័ត៌មានជាតិ
កុំឲ្យកកស្ទះ ប្រើបច្ចេកវិទ្យាស្កេនស្លាកលេខរថយន្ត ផ្លូវល្បឿនលឿនទៅខេត្តព្រះសីហនុ
រដ្ឋមន្រ្តីក្រសួងសាធារណការនិងដឹកជញ្ជូនបានឲ្យដឹងថា ក្រសួងកំពុងសិក្សាក្នុងការប្រើប្រាស់បច្ចេកវិទ្យាដែលអាចស្កេនលើស្លាកលេខរថយន្ត ពេលធ្វើដំណើរលើផ្លូវល្បឿនលឿនទៅខេត្តព្រះសីហនុ ដោយមិនបាច់ឈប់បង់លុយនាំឲ្យកកស្ទះខាតពេលដូចមុនទៀតទេ។
លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបង្ហើបការប្រឹងប្រែងរបស់ក្រសួង ដើម្បីសម្រួលនីតិវិធីកាន់តែងាយស្រួល ដោយសារកន្លងទៅកើតមានការកកស្ទះនៅពេលរថយន្តច្រើនធ្វើដំណើរព្រមគ្នានៅបញ្ជរបង់លុយ។
“ពេលរថយន្តឆ្លងកាត់ កាមេរ៉ានឹងចាប់ស្កេនលេខរថយន្តហើយឆែកដឹងមានលុយឬអត់លុយចឹងទេមិនបាច់ឈប់ចាំបង់លុយទៀតទេ”។
លោកថា តាមរយៈបច្ចេកវិទ្យានេះ រាល់រថយន្តដែលធ្វើដំណើរឆ្លងកាត់កន្លែងបង់លុយអាចស្កេនលើស្លាករថយន្ត ដោយនឹងកាត់យកទឹកប្រាក់ដោយស្វ័យប្រវត្តិ។
ការប្រើប្រាស់ផ្លូវល្បឿនលឿនទៅខេត្តព្រះសីហនុ បច្ចុប្បន្នអ្នកប្រើប្រាស់អាចទិញកាតអេឡិចត្រូនិក ETC ដោយមិនចាំបាច់ឈប់ពេលដល់កន្លែងបញ្ជរបង់ប្រាក់។ ពេលចាកចេញនៅកន្លែងប្ដូរទិស ម៉ាស៊ីននៅតាមបញ្ជរបង់ប្រាក់នឹងគិតតម្លៃធ្វើដំណើរដោយស្វ័យប្រវត្តិ។
ក្នុងករណីគ្មានកាតអេឡិចត្រូនិក ETC បុគ្គលិកនៅតាមច្រកចូលនឹងផ្តល់កាត ១ ឱ្យម្ចាស់យានយន្ត។ ពេលធ្វើដំណើរចាកចេញច្រកណាមួយ បុគ្គលិកនៅតាមបញ្ជរនឹងយកកាតនោះទៅឆូតតាមកុំព្យូទ័រ និងបង្ហាញពីតម្លៃត្រូវទូទាត់។
អ្នកធ្វើដំណើរអាចទិញកាតអេឡិចត្រូនិក ETC នៅតាមធនាគារដៃគូរបស់ក្រុមហ៊ុនសាងសង់៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង