ក្រសួង​រ៉ែ​ ប្រកាស​ដាក់​ឲ្យ​ដេញថ្លៃ​តំបន់​ធ្វើ​អាជីវកម្ម​ដីល្បាយខ្សាច់​ ទំហំ​ជាង​២​ពាន់​ហិកតា​ជា​សាធារណៈ
Connect with us
Helistar Cambodia - Helicopter Charter Services

ព័ត៌មានជាតិ

ក្រសួង​រ៉ែ​ ប្រកាស​ដាក់​ឲ្យ​ដេញថ្លៃ​តំបន់​ធ្វើ​អាជីវកម្ម​ដីល្បាយខ្សាច់​ ទំហំ​ជាង​២​ពាន់​ហិកតា​ជា​សាធារណៈ

Published

on

​តំបន់​ធ្វើ​អាជីវកម្ម​ដីល្បាយខ្សាច់​ចំនួន​៧ទីតាំង​ ដែល​មាន​ទំហំ​ប្រមាណ​ជាង​២​ពាន់​ហិកតា​ នៅ​ខេត្តកោះកុង និង​ខេត្ត​ព្រះសីហនុ​ ត្រូវ​បាន​ក្រសួង​រ៉ែ និង​ថាមពល ​ប្រកាស​ដាក់ឲ្យ​ក្រុមហ៊ុន​នានា​ដាក់ពាក្យ​ប្រកួតប្រជែង​សាធារណៈ ដើម្បី​ទទួល​បាន​សិទ្ធិ​ធ្វើ​អាជីវកម្ម​។

​យោង​តាម​សេចក្តី​ប្រកាស​ព័ត៌មាន​របស់​ក្រសួង​រ៉ែ និង​ថាមពល ដែល​ទើប​ចេញផ្សាយ​នៅថ្ងៃនេះ​បានឲ្យ​ដឹងថា តំបន់​ដែល​ដាក់​ឲ្យ​ដេញថ្លៃ​នេះ​ មាន​ភូមិសាស្ត្រ​ចំនួន​៣​ទីតាំង ​ដែល​មាន​ទំហំ​១៤៥៥​ហិកតា នៅ​ក្នុង​ស្រុក​បុ​ទម​សាគរ និង​ស្រែអំបិល​ខេត្តកោះកុង និង​៤​ទីតាំង​ទៀត​ ដែល​មាន​ទំហំ​៦៨៨​ហិកតា​ នៅ​ក្នុង​ស្រុក​ស្ទឹងហាវ និង​ស្រុក​ព្រៃនប់​ខេត្ត​ព្រះសីហនុ​។

​លោក ជួន សុខ​ជា អនុប្រធាន​នាយកដ្ឋាន​អាជីវកម្ម​រ៉ែ​ខ្សាច់​សំណង់ បាន​ឲ្យ​ដឹង​បន្ថែម​ថា​ ក្រសួង​ចង់​ដាក់​ដេញថ្លៃ​ជា​សាធារណៈ នេះ​ដោយ​មិន​ចង់​ផ្តល់​ឲ្យ​តែ​ក្រុមហ៊ុន​ ដែល​ដាក់​ស្នើសុំ​ធ្វើ​អាជីវកម្ម​នោះ​ទេ ដើម្បី​ផ្តល់​តម្លាភាព​។ លោក​បាន​បន្តថា​ មុន​ឈាន​ទៅ​ដល់​ការ​ដាក់​ដេញថ្លៃ​ឲ្យ​ធ្វើ​អាជីវកម្ម​នៅ​តំបន់​ទាំង​៧​នេះ បន្ទាប់ពី​អ្នក​ជំនាញ​របស់​ក្រសួង​បាន​ចុះ​សិក្សា​និង​វាយតម្លៃ ដោយ​សង្កេតឃើញថា តំបន់​ទាំងនេះ អាច​យក​ផលប្រយោជន៍​ជួយ​សេដ្ឋកិច្ចជាតិ​បាន ខណៈ​កន្លងមក​តំបន់​ទាំងនេះ​ មិន​ធ្លាប់​មានការ​បូម​យក​ខ្សាច់​ពី​មុនមក​នោះ​ទេ​។

​តាម​សេចក្តីប្រកាស​ព័ត៌មាន​របស់​ក្រសួង​រ៉ែ និង​ថាមពល​បញ្ជាក់​ថា ក្រុមហ៊ុន​ដែល​មាន​បំណង​ចង់​ចូលរួម​ប្រកួតប្រជែង​ធ្វើ​អាជីវកម្ម​នៅ​ទីតាំង​ខាងលើ អាច​ចាត់​តំណាង​ស្របច្បាប់​ឬ​ប្រធាន​ក្រុមហ៊ុន​មក​ទទួល​ពាក្យ និង​ចុះឈ្មោះ​ចូលរួម​ប្រកួតប្រជែង​នៅ​នាយកដ្ឋាន​អាជីវកម្ម​រ៉ែ​ខ្សាច់​សំណង់ អគ្គនាយកដ្ឋាន​ធនធាន​រ៉ែ នៃ​ក្រសួង​រ៉ែ និង​ថាមពល រហូតដល់​ថ្ងៃទី​១៩ ខែ​មករា ឆ្នាំ​២០២១។ ក្រសួង​បាន​បញ្ជាក់​ថា ក្រុមហ៊ុន​មួយ​អាច​ទទួល​ពាក្យស្នើសុំ​ច្រើន​ទីតាំង​បាន ប៉ុន្តែ​ក្រុមហ៊ុន ​ដែល​មាន​សម្ព័ន្ធ​ភាព​ជាមួយ​គ្នា ឬ​មាន​ប្រភព​តែមួយ​មាន​សិទ្ធិ​ទទួល​ឯកសារ​ប្រកួតប្រជែង​សម្រាប់​តែមួយ​ទីតាំង​ប៉ុណ្ណោះ​៕​

អត្ថបទ៖ សំអឿន

សូមចុចអាន៖ ​សម្រេច​ជា​ផ្លូវការ ផ្លាស់ប្តូ​រអគារ​ក្រសួង​​ចំនួន​ ៣ ដើម្បី​បង្កើនប្រសិទ្ធភាព​ការងារ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services