ព័ត៌មានជាតិ
នាំខ្លួនឧកញ៉ា សង ថង ពីពន្ធនាគារមកសាកសួរបន្ថែម
ភ្នំពេញ ៖ ឧកញ៉ា សង ថន ត្រូវបានសមត្ថកិច្ចនាំខ្លួនចេញពីពន្ធនាគារ មកកាន់តុលាការ នៅថ្ងៃទី០៥មករា ឆ្នាំ២០២១នេះ ដើម្បីសាកសួរបន្ថែមលើសំណុំរឿងដែលអយ្យការបានចោទប្រកាន់កន្លងទៅ។
លោក អ៊ឹម វណ្ណៈ ចៅក្រមស៊ើបសួរសាលាដំបូងរាជធានីភ្នំពេញ បានសាកសួរជនជាប់ចោទដល់ល្ងាចព្រលប់ទើបចប់ ហើយអនុរក្សពន្ធនាគារបានបញ្ជូនទៅឃុំខ្លួនវិញ។
ជនជាប់ចោទ ឧកញ៉ា សង ថន ដែលមានអាយុ៧០ឆ្នាំរូបនេះ ត្រូវបានចៅក្រមសាលាដំបូងរាជធានីភ្នំពេញ សម្រេចចោទចំនួន ៤បទល្មើស រួមមានគឺទី១. បទប្រើប្រាស់ឯកសារសាធារណៈក្លែង ទី២.បទផ្តើមគំនិតក្នុងបទបំផ្លិចបំផ្លាញដោយចេតនា ទី៣. បទគៃបំបាត់ដោយទុច្ចរិត និងទី៤. បទសូកប៉ាន់តាមក្រមព្រហ្មទណ្ឌ នៃព្រះរាជាណាចក្រកម្ពុជា។
សូមជម្រាបថា ឧកញ៉ា សង ថង ត្រូវបានចៅក្រមស៊ើបសួរ សម្រេចចេញដីកាឃុំខ្លួនបណ្ដោះអាសន្ន កាលពីថ្ងៃទី៧ ខែកក្កដា ឆ្នាំ២០២០ រួមជាមួយជនជាប់ចោទម្នាក់ទៀត ឈ្មោះ ស៊ូ អារ៉ាហ្វាត់ ជាអតីតអភិបាលរងខេត្តបាត់ដំបង ដោយជាប់ចោទពីបទបំផ្លាញដោយចេតនា និងគៃបំបាត់ដោយទុច្ចរិត និងបទស៊ីសំណូក។
បើតាមអង្គភាពប្រឆាំងអំពើពុករលួយ (ACU) បានលើកឡើងថា ការឃាត់ខ្លួនជនទាំងពីរនាក់នេះ ធ្វើឡើងបន្ទាប់ពីមានពាក្យបណ្តឹង របស់ប្រជាពលរដ្ឋ។ ឧកញ៉ារូបនោះ មានដីប្រមាណ៥ពាន់ហិកតា ដែលស្មើនឹង១ភាគ៤ នៃផ្ទៃដីស្រុកគាស់ក្រឡ ខេត្តបាត់ដំបង៕
ដោយ ៖ មករា
សូមចុចអាន ៖ កូវីដ-១៩ ប្រែក្លាយភោជនីយដ្ឋានមួយកន្លែងនៅច្បារអំពៅ ទៅជាយានដ្ឋានជួសជុលរថយន្ត
សូមចុចអាន ៖ កម្ពុជានឹងចុះត្រជាក់ខ្លាំងរយៈពេលជាង១សប្តាហ៍ជាប់ៗគ្នាក្នុងខែមករានេះ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត