ព័ត៌មានជាតិ
ធនាគារ ហត្ថា សហការជាមួយក្រុមហ៊ុន ស៊ី អេស អេហ្រ្គីខលឆឺរ័ល ឌីវេឡុបមិុន ជំរុញការអភិវឌ្ឍវិស័យកសិកម្មនៅកម្ពុជា
ធនាគារ ហត្ថា ជាធនាគារមួយក្នុងចំណោមធនាគារឈានមុខផ្សេងទៀតនៅកម្ពុជា បានចុះហត្ថាលេខាលើអនុស្សរណៈជាមួយក្រុមហ៊ុន ស៊ី អេស អេហ្រ្គីខលឆឺរ័ល ឌីវេឡុបម៉ិន ក្នុងគោលបំណងផ្តល់សេវាឥណទានកសិកម្មដើម្បីគាំទ្រប្រជាកសិករ និងចូលរួមអភិវឌ្ឍវិស័យកសិកម្មកម្ពុជាឲ្យកាន់តែប្រសើរឡើង។
ពិធីចុះហត្ថលេខានេះ ត្រូវបានប្រារព្ធឡើងនៅការិយាល័យរបស់ ធនាគារ ហត្ថា នាព្រឹកថ្ងៃទី០៥ ខែមករា ឆ្នាំ២០២១ ក្រោមអតិបតីភាព លោកឧញ៉ា ហួត អៀងតុង ប្រធានអគ្គនាយក ធនាគារ ហត្ថា និងលោក ហួរ ស្រេង នាយកគ្រប់គ្រងនៃក្រុមហ៊ុន ស៊ី អេស អេហ្រ្គីខលឆឺរ័ល ឌីវេឡុបម៉ិន ព្រមទាំងគណៈគ្រប់គ្រងជាន់ខ្ពស់នៃស្ថាប័នទាំងពីរ។
លោកឧញ៉ា ហួត អៀងតុង មានប្រសាសន៍ឲ្យដឹងថា “ក្នុងនាមជាធនាគារដែលតែងតែផ្តល់ជូននូវដំណោះស្រាយហិរញ្ញវត្ថុដ៏ល្អប្រសើរ កិច្ចសហការនេះគឺជាសក្ខីភាពថ្មីមួយបន្ថែមទៀតដើម្បីបង្ហាញពីការរួមចំណែកអភិវឌ្ឍវិស័យកសិកម្ម និងដើម្បីជំរុញប្រជាកសិករកម្ពុជាបង្កើនលទ្ធភាព សមត្ថភាព បច្ចេកទេស ចំណេះដឹង និងការប្រើប្រាស់ប្រព័ន្ធបច្ចេកវិទ្យាទំនើបក្នុងការដាំដុះ និងប្រមូលកសិផលសម្រាប់ប្រើប្រាស់ក្នុងស្រុក និងនាំចេញទៅក្រៅប្រទេស ជាពិសេសជំរុញឲ្យមានការទទួលស្គាល់គុណភាពផលិតផលរបស់ប្រជាកសិករយើងលើឆាកអន្តរជាតិផងដែរ”។
លោកបានបន្ថែមទៀតថា “ការបង្កើនការនាំចេញទៅក្រៅប្រទេសមិនត្រឹមតែបង្កើនចំណូលតែមួយមុខនោះទេ តែក៏អាចបង្កើនការងារ កាត់បន្ថយការចំណាកស្រុក និងផ្តល់ចំណូលទៀងទាត់ជូនបងប្អូនប្រជាកសិករដើម្បីលើកកម្ពស់កម្រិតជីវភាពផងដែរ កត្តាទាំងនេះហើយដែរធ្វើឲ្យប្រទេសជាតិរបស់យើងឆ្ពោះទៅរកភាពរុងរឿងឥតឈប់ឈរ”។
ដោយឡែក លោក ហួរ ស្រេង លើកឡើងថា “ខ្ញុំជឿជាក់យ៉ាងមុតមាំថា ការចាប់ដៃគ្នាក្នុងកិច្ចសហការគ្នានេះ នឹងរួមចំណែកយ៉ាងច្រើនសម្រាប់ជំរុញដល់វិស័យកសិកម្មនៅកម្ពុជា ហើយប្រជាកសិករកម្ពុជានឹងទទួលបាននូវថវិកា ក៏ដូចជាដើមទុនគ្រប់គ្រាន់ក្នុងការពង្រីកការដាំដុះ ជាមួយបច្ចេកទេសដាំបន្លែបង្ការ ឬចិញ្ចឹមសត្វស្របតាមស្តង់ដារ និងមានគុណភាពខ្ពស់ដែលជួយដល់ជីវភាពរស់នៅរបស់ពួកគាត់ឲ្យកាន់តែធូរធារ”។
លោកបានបន្ថែមថា ទាំង ធនាគារ ហត្ថា និងក្រុមហ៊ុន ស៊ី អេស អេហ្រ្គីខលឆឺរ័ល ឌីវេឡុបម៉ិន សុទ្ធតែចាប់ផ្តើមដំបូងជាអង្គការក្រៅរដ្ឋាភិបាល និងបើទោះបីជាឥឡូវយើងបានប្រែក្លាយជាស្ថាប័នឯកជន ប៉ុន្តែស្មារតីលើកស្ទួយជីវភាពប្រជាជន ក៏ដូចជាវឌ្ឍនភាពសង្គមជាតិយើងនៅតែប្រកាន់ខ្ជាប់សម្រាប់ស្ថាប័នយើងជាដរាបតទៅ៕
អត្ថបទ ផ្សាយពាណិជ្ជកម្ម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ