កីឡា
Ronaldo និងតារា១០រូបទៀត ជាប់ឈ្មោះជាកីឡាករលេងអន់បំផុត ក្នុងវគ្គចែកពូល World Cup 2022 (មានវីដេអូ)
កំពូលខ្សែប្រយុទ្ធ Cristiano Ronaldo បានជាប់ឈ្មោះក្នុងជម្រើសកីឡាករ១១នាក់ ដែលលេងអន់បំផុតក្នុងវគ្គចែកពូល នៃព្រឹត្តិការណ៍បាល់ទាត់ពិភពលោកឆ្នាំ២០២២ នៅប្រទេសកាតា។
កីឡាករវ័យ៣៧ឆ្នាំរូបនេះ មិនបានបង្ហាញឥទ្ធិពលអ្វីឡើយក្នុងការប្រកួត៣លើកដំបូង ថ្វីបើរកបានមួយគ្រាប់ ដោយការស៊ុតប៉េណាល់ទី ក្នុងជំនួបបើកឆាកពូល H ជាមួយ ហ្គាណា និងជួយព័រទុយហ្គាល់ ឲ្យឡើងទៅវគ្គ១៦ក្រុមចុងក្រោយក៏ដោយ។
គេហទំព័រ Sofascore ដែលជ្រើសរើសកីឡាករលេងអន់បំផុត ក្នុងវគ្គចែកពូលនៃពានរង្វាន់ World Cup បានដាក់ Ronaldo មានពិន្ទុជាមធ្យម ៦.៣៧ ក្នុងការប្រកួតទាំងបីរបស់គាត់។
ទម្រង់លេងរបស់ Ronaldo ត្រូវបានគេមើលឃើញថា កាន់តែធ្លាក់ចុះ ជាពិសេសក្នុងការប្រកួតលើកចុងក្រោយនៃពូល H របស់ព័រទុយហ្គាល់ ទល់នឹងកូរ៉េខាងត្បូង នៅពេលបាល់មកទើសខ្នងរបស់ Ronaldo ហើយផ្លាតទៅ Kim Young-Gwon ស៊ុតបញ្ចូលទី។
ក្រៅពី Ronaldo, កីឡាករ១០នាក់ទៀត ក៏ជាប់ឈ្មោះជាកីឡាករលេងអន់បំផុតផងដែរ ក្នុងវគ្គចែលពូល World Cup 2022 នេះ ដោយភាគច្រើនជាកីឡាករអាស៊ី។
ខាងក្រោមនេះគឺជាកីឡាករជម្រើស១១នាក់ដែលលេងអន់បំផុត ក្នុងវគ្គចែកពូល World Cup៖
- អ្នកចាំទី៖ Meshaal Barsham (កាតា)
- ខ្សែការពារ៖ Francisco Calvo (កូស្តារីកា), Oscar Duarte (កាតា), Homam Ahmed (កាតា) និង Alistair Johnston (កាណាដា)
- ខ្សែបម្រើ៖ Abdulelah Al-Malki (អារ៉ាប៊ីសាអូឌីត), Karim Boudiaf (កាតា), Tajon Buchanan (កាណាដា) និង Mathew Leckie (អូស្ត្រាលី)
- ខ្សែប្រយុទ្ធ Almoez Ali (កាត) និង Cristiano Ronaldo (ព័រទុយហ្គាល់)
ចុះលោកអ្នកគិតថា កីឡាករណាខ្លះដែលលេងអន់បំផុតក្នុងវគ្គចែកពូល?
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ មាន៤ពិន្ទុដូចគ្នា គ្រាប់បាល់កាត់កងក៏ស្មើគ្នា ចុះហេតុអ្វី កូរ៉េខាងត្បូងឡើង អ៊ុយរូហ្គាយធ្លាក់?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង