ព័ត៌មានជាតិ

Update៖នគរបាលជំនាញសន្និដ្ឋានលើករណីអគ្គីភ័យឆេះរោងចក្រផលិតចានស្នោ

បានផុស

៥ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ករណីអគ្គីភ័យឆាបឆេះរោងចក្រផលិតចាន និងប្រអប់បាយស្នោ យ៉ាងសន្ធោសន្ធៅ នៅភូមិព្រៃល្ង សង្កាត់ចោមចៅទី២ ខណ្ឌពោធិ៍សែនជ័យ កាលពីវេលាម៉ោង៥ និង៣០នាទីល្ងាច ថ្ងៃទី៦ ខែមករា ឆ្នាំ២០២១ បានបង្កឱ្យមានការខូចខាតសម្ភារមួយចំនួនធំ តែមិនបណ្ដាលឲ្យមានការរាលដាល និងរងបួសដល់អ្នកណាម្នាក់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ករណីអគ្គីភ័យនេះ បានបំផ្លាញសម្ភារមួយចំនួនធំក្នុងរោងចក្រ តែមិនបណ្ដាលឲ្យរាលដាល ឬរងរបួសដល់មនុស្សនោះទេ ។លោកថា សមត្ថកិច្ចបានប្រើប្រាស់រថយន្ដពន្លត់អគ្គីភ័យ១០គ្រឿង ទើបគ្រប់គ្រងអណ្ដាតភ្លើងបាន។

ក្រោយបាញ់ពន្លត់រលត់ជាស្ថាពរ នគរបាលជំនាញបានសន្និដ្ឋានថា មូលហេតុដែលនាំឲ្យមានករណីអគ្គីភ័យកើតឡើង អាចបណ្ដាលមកពីឆ្លងចរន្តអគ្គីសនី៕

អត្ថបទ ៖សុខុម 