ព័ត៌មានជាតិ
ធ្លាក់កំណាត់ឈើលើផ្លូវត្រូវអ្នកជិះម៉ូតូ ហើយរថយន្តមកពីក្រោយបុកស្លាប់មួយរំពេច
រថយន្ដដឹកឈើមួយគ្រឿង បានធ្វេសប្រហែសធ្វើឱ្យធ្លាក់កំណាត់ឈើលើផ្លូវ ស្របពេលបុរសម្នាក់កំពុងជិះម៉ូតូ ក៏បានបុកដួល ហើយមានរថយន្តមកពីក្រោយបុកស្លាប់ភ្លាមៗរួចបើកគេចខ្លួនបាត់អស់។
យោងតាមរបាយការណ៍របស់សមត្ថកិច្ចបានឱ្យដឹងថា ករណីនេះបានកើតឡើងនាថ្ងៃទី០៨ ខែ មករា ឆ្នាំ២០២១ វេលាម៉ោង៦ និង២០នាទីព្រឹក លើកំណាត់ផ្លូវជាតិលេខ៥ ក្នុងភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង ។
ក្នុងរបាយការណ៍បានបញ្ជាក់ថា មុនពេលកើតហេតុ មានរថយន្តមួយគ្រឿង (មិនស្គាល់ម៉ាក) ដែលមានដឹកដុំឈើជាច្រើនដុំ បើកបរក្នុងទិសដៅពីជើងទៅត្បូង ហើយបានធ្លាក់កំណាត់ឈើមួយដុំលើផ្លូវ ស្របពេលនោះដែរ ម៉ូតូជនរងគ្រោះម៉ាកឌ្រីសេ១២៥ ពណ៌ខ្មៅ សេរី២០១៥ បើកមកកិនឈើនោះ បណ្តាលឱ្យដួលនៅកណ្តាលផ្លូវ ក៏ត្រូវរថយន្តមួយគ្រឿងទៀតបើកមកពីក្រោយ កិនបន្ថែមទៅលើអ្នកបើកបរម៉ូតូ បណ្ដាលឱ្យស្លាប់តែម្តង ។
ជនរងគ្រោះមានឈ្មោះ ឆុន រីឆាត អាយុ១៥ឆ្នាំ រស់នៅភូមិនិគមក្រៅ ឃុំជ្រោយស្តៅ ស្រុកថ្មគោល។ ក្រោយពេលកើតហេតុ រថយន្តទាំង២គ្រឿង បានបើកគេចខ្លួនបាត់ស្រមោលទាំងអស់ ដោយឡែកសព ត្រូវបានសមត្ថកិច្ចប្រគល់ទៅឱ្យក្រុមគ្រួសារ យកទៅធ្វើបុណ្យតាមប្រពៃណី៕
អត្ថបទ ៖ សោ និយមរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)