ព័ត៌មានជាតិ
អ្នកនាំពាក្យ៖ ឆ្នាំ២០២៣ភ្លៀងមិនសូវសម្បូរច្រើនដូចឆ្នាំ២០២២
លោក អ៊ុំ រីណា ប្រធាននាយកដ្ឋានឧត្តុនិយម និងជាអ្នកនាំពាក្យក្រសួងធនធានទឹកនិងឧត្តុនិយម បានមានប្រសាសន៍ នៅព្រឹកថ្ងៃទី១០មករានេះថា ឆ្នាំ២០២៣នេះ តាមការព្យាករណ៍នៅរដូវប្រាំងបរិមាណទឹកភ្លៀងអាចនឹងស្មើ នឹងកម្រិតមធ្យមភាគច្រើនឆ្នាំ ប៉ុន្តែតិចជាងឆ្នាំ២០២២កន្លងទៅ។ ចំណែកដើមរដូវវស្សាវិញ អាចនឹងចាប់ផ្ដើមនៅពាក់កណ្ដាលខែឧសភា យឺតជាងឆ្នាំ២០២២មួយសប្តាហ៍។
លោកបន្តថា នៅដើមរដូវប្រាំងឆ្នាំនេះ ចាប់ពីខែមករា រហូតដល់ខែមេសា មានភ្លៀងកក់ខែច្រើនគួរសម តែមិនសូវច្រើនដូចឆ្នាំ២០២២កន្លងទៅនេះទេ ហើយស៊ីតុណ្ហភាពក៏មិនសូវជាក្តៅណាស់ណាដែរ តែអ្វីដែលប្រឈម គឺពេលមានភ្លៀងម្តងៗតែងតែមានផ្គររន្ទះខ្យល់កន្ត្រាក់។
លោក អ៊ុំ រីណា ថា ក្នុងនោះនៅក្នុងខែមីនា និងខែមេសា អាចមានភ្លៀងធ្លាក់កក់ខែក្នុងកម្រិតពីតិចទៅបង្គួរ ទន្ទឹមនោះក៏មានកើតឡើងនូវបាតុភូតផ្គររន្ទះ និងខ្យល់កន្ត្រាក់ច្រើនផងដែរ។ ចំណែកដើមរដូវប្រាំងឆ្នាំ២០២២វិញ មានភ្ញៀងកក់ខែលឿន ហើយច្រើនជាហូហែរ ហើយរដូវវស្សាក៏ចូលមកលឿនដែរ គឺនៅសប្តាហ៍ទី១ នៃខែឧសភា ខណៈដើមរដូវវស្សាឆ្នាំ២០២៣នេះ អាចនឹងចាប់ផ្ដើមនៅពាក់កណ្ដាលខែឧសភា ពោលគឺនៅសប្តាហ៍ទី២ យឺត១សប្តាហ៍។ លោកបានបន្តទៀតថា ដោយឡែកតំបន់វាលទំនាបនិងតំបន់មាត់សមុទ្រអាចចាប់ផ្ដើមនៅសប្តាហ៍ទី១ នៃខែឧសភា ភ្លៀងនឹងអាចធ្លាក់រាយប៉ាយបានល្អជាបង្គួរជាមួយនឹងបរិមាណទឹកភ្លៀងក្នុងកម្រិតពីតិចទៅបង្គួរលាយឡំជាមួយនឹងបាតុភូតផ្គររន្ទះនិងខ្យល់កន្ត្រាក់។
លោកបានបន្ថែមថា «ជារួមសម្រាប់រដូវវស្សាឆ្នាំនេះភ្លៀងមិនសូវសម្បូរច្រើនដូចនៅឆ្នាំ២០២២ទេ តែវានៅមានស្ថានភាពល្អដែរដោយមានភ្លៀងធ្លាក់រាយប៉ាយទូទាំងប្រទេស»។
ទោះបីជាក្នុងរដូវប្រាំង និងដើមរដូវវស្សាអាចមានភ្លៀងធ្លាក់កក់ខែច្រើន តែបរិមាណទឹកភ្លៀងដែលធ្លាក់មកមិនទាន់សមល្មមក្នុងការប្រើប្រាស់ឆ្លើយតបតាមតម្រូវការផ្សេងទៀតនោះទេ។ ហេតុដូចនេះសូមបន្តរក្សា និងប្រើប្រាស់ទឹកដោយសន្សំសំចៃជាពិសេសបណ្ដាតំបន់ជនបទដាច់ស្រយាលដែលរស់នៅឆ្ងាយពីប្រភពទឹក។
យ៉ាងណាក៏ដោយអ្នកនាំពាក្យក្រសួងធនធានទឹកបានឱ្យដឹងទៀតថា ក្រសួងនឹងធ្វើការព្យាករណ៍ជាលើកទី២នៅខែមេសាក្រោយពិធីបុណ្យចូលឆ្នាំខ្មែររួចដើម្បីឱ្យដឹងច្បាស់លាស់ពីបរិមាណទឹកភ្លៀងពេញមួយដូវវស្សាឆ្នាំ២០២៣ខណៈការព្យាករណ៍លើកទី១បានធ្វើកាលពីថ្ងៃទី២២ខែធ្នូឆ្នាំ២០២២កន្លងទៅ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)