ព័ត៌មានជាតិ
ឆ្នាំសិក្សាថ្មីនេះ ក្រសួងអប់រំណែនាំឲ្យសាលាឋមសិក្សារដ្ឋត្រូវអនុវត្តកម្មវិធីការសិក្សាតាមបែបបង្រួញ
ភ្នំពេញ ៖ ក្រសួងអប់រំយុវជននិងកីឡាបានណែនាំដល់គ្រឹះស្ថានបឋមសិក្សាសាធារណៈទាំងអស់ត្រូវអនុវត្តកម្មវិធីការសិក្សាតាមបែបបង្រួញនៅក្នុងឆ្នាំសិក្សាថ្មី២០២ ២០២១នេះ។
យោងតាមសេចក្តីណែនាំរបស់ក្រសួងអប់រំយុវជននិងកីឡាបានឲ្យដឹងថា ក្នុងឆ្នាំសិក្សា២០២០ ២០២១គ្រឹះស្ថានបឋមសិក្សាសាធារណៈទាំងអស់ត្រូវអនុវត្តកម្មវិធីសិក្សារបង្រួញដែលក្នុងនោះរួមមានមុខវិជ្ជាកាតព្វកិច្ចនិងមុខវិជ្ជាជម្រើសនៅក្នុងមុខវិជ្ជាកាតព្វកិច្ចមានមុខវិជ្ជាចំនួនពីរគឺភាសាខ្មែរនិងគណិតវិទ្យាដែលមុខវិជ្ជាទាំងពីរនេះត្រូវអនុវត្តទាំងស្រុងតាមកម្មវិធីសិក្សា។
ក្រសួងបានបន្តថា ចំណែកមុខវិជ្ជាជម្រើសនឹងត្រូវអនុវត្តតាម ការបង្រៀនបត់បែនទៅតាមម៉ោងសិក្សាដែលនៅសល់ពីការបង្រៀនមុខវិជ្ជាកាតព្វកិច្ច។ ការជ្រើសរើសមុខវិជ្ជានិងមេរៀនជាអាទិភាពមកបង្រៀននិងត្រូវអនុវត្តវិធីសាស្ត្របង្រៀនតាមបែបចម្រុះដូចជាការបង្រៀនក្នុងថ្នាក់ការបង្រៀនដោយប្រើវិធីប្រើប្រាស់វីដេអូការប្រើប្រាស់កម្រងកិច្ចការផ្ទះដែលក្រសួងបានរៀបចំ និង ការធ្វើស្វ័យសិក្សា។
ចំពោះការរៀបចំសិស្សក្នុងថ្នាក់ថ្នាក់ទី១ដល់ថ្នាក់ទី៣ក្នុងករណីសិស្សតិចជាង ឬ ស្មើ៣៥ត្រូវរៀបចំតែមួយថ្នាក់ដោយរៀនថ្ងៃច័ន្ទអង្គារពុធសុក្រនិងសៅរ៍។ នៅថៃ្ងព្រហស្បតិ៍គ្រូបង្រៀនត្រូវអញ្ជើញមកសាលារៀនដើម្បីរៀបចំសម្ភារឧបទេសនិងកែកិច្ចការសិស្សជាដើម។ក្នុងករណីសិស្សលើសពី៣៥នាក់ត្រូវរៀបចំជាពីរក្រុមក្នុងមួយថ្នាក់ក្នុងនោះក្រុមទីត្រូវរៀននៅថ្ងៃចន្ទពុធ សុក្រនិងក្រុមទី២ត្រូវរៀននៅថ្ងៃអង្គារព្រហស្បតិ៍សៅរ៍។
សិស្សថ្នាក់ទី៤ ដល់ថ្នាក់ទី៦ក្នុងករណីសិស្សតិចជាង ឬ ស្មើ៤០នាក់ត្រូវរៀបចំតែមួយថ្នាក់ដោយរៀនថ្ងៃច័ន្ទអង្គារពុធសុក្រនិងសៅរ៍ថ្ងៃព្រហស្បតិ៍គ្រូបង្រៀនត្រូវរៀបចំសម្ភារឧបទេសនិងកែកិច្ចការសិស្សជាដើម។ ក្នុងករណីសិស្សលើសពី៤០នាក់ត្រូវរៀបចំជាពីរក្រុមក្នុងមួយថ្នាក់ក្នុងនោះក្រុមទី១ត្រូវរៀននៅថ្ងៃចន្ទពុធសុក្រនិងក្រុមទី២ត្រូវរៀនថ្ងៃអង្គារព្រហស្បតិ៍សៅរ៍។
ក្រសួងអប់រំបានបន្ថែមថា ចំពោះការបែងចែកកម្មវិធីសិក្សានិងមេរៀនសិក្សាក្រសួងបានកំណត់ជាមុខវិជ្ជាកាតព្វកិច្ចរួមមានមុខវិជ្ជាភាសាខ្មែរនិងគណិតវិទ្យានិងមុខវិជ្ជាជម្រើសដែលរួមមានមុខវិជ្ជាវិទ្យាសាស្ត្រនិងសិក្សាសង្គមព្រមទាំងមុខវិជ្ជាផ្សេងទៀតនៅក្នុងត្រីមាសទី១ចាប់ពីថ្ងៃទី១១ខែមករាដល់ថ្ងៃទី៣១ខែមីនាឆ្នាំ២០២១។
ការបែងចែកកម្មវិធីសិក្សាត្រូវអនុវត្តចាប់ពីថ្ងៃបើកបវេសនការរហូតដល់ថ្ងៃ៣១ខែមករាគណៈគ្រប់គ្រងសាលានិងគ្រូបង្រៀនត្រូវអនុវត្តថ្នាក់រៀនមួយត្រូវដំណើរការបង្រៀននិងរៀន៥ម៉ោងសិក្សាក្នុងមួយថ្ងៃ ធ្វើតេស្តវាយតម្លៃសមត្ថភាពសិស្សលើមុខវិជ្ជាភាសាខ្មែរនិងគណិតវិទ្យារៀបចំខ្លឹមសារមេរៀនមុខវិជ្ជាភាសាខ្មែរនិងគណិតវិទ្យានៅថ្នាក់ឆ្នាំសិក្សាចាស់ដើម្បីបំពេញសមត្ថភាពសិស្សដែលបានបាត់បង់នាពេលកន្លងមកនិងបន្ស៊ីគ្នារវាងខ្លឹមសាមេរៀនមុខវិជ្ជាភាសាខ្មែរនិងគណិតវិទ្យាថ្នាក់ឆ្នាំសិក្សាចាស់នឹងចាប់ផ្ដើមខ្លឹមសារមេរៀនឆ្នាំសិក្សាថ្មី។
សម្រាប់សិស្សថ្នាក់ទី១បង្រៀនត្រូវចាប់ផ្ដើមបង្រៀនខ្លឹមសារចាប់ពីដើមឆ្នាំសិក្សាចាប់ពីថ្ងៃទី ១ ខែកុម្ភៈដល់ថ្ងៃទី៣១ ខែមីនា គណៈគ្រប់គ្រងសាលានិងគ្រូបង្រៀនត្រូវអនុវត្តដូចតទៅថ្នាក់រៀននីមួយៗត្រូវដំណើរការបង្រៀននិងរៀន៥ម៉ោងក្នុងមួយថ្ងៃថ្នាក់រៀនដែលមានតែមួយក្រុមត្រូវបង្រៀនមុខវិជ្ជាភាសាខ្មែរចំនួន១៦ម៉ោងសិក្សានិងគណិតវិទ្យាចំនួន៩ម៉ោងសិក្សា។
ចំណែកថ្នាក់រៀនដែលចែកជាពីរក្រុមក្នុងមួយក្រុមៗត្រូវបង្រៀនមុខវិជ្ជាភាសាខ្មែរចំនួន១០ម៉ោងសិក្សានិងគណិតវិទ្យាចំនួន ៥ម៉ោងសិក្សា។ ថ្នាក់រៀនដែលចែកជាពីរក្រុមក្នុងរយៈពេល៣ថ្ងៃដែលសិស្សមិនបានមកសាលារៀនគ្រូបង្រៀនត្រូវណែនាំនិងសម្របសម្រួលដោយចេះធ្វើស្វ័យសិក្សាសិក្សាពីចម្ងាយតាមប្រព័ន្ធអេឡិចត្រូនិចតាមរយៈវីដេអូនៃការបង្រៀន សៀវភៅសិក្សាគោលនិងកម្រងកិច្ចការផ្ទះដែលក្រសួងបានរៀបចំ។
គ្រូបង្រៀនត្រូវរៀបចំបំណែងចែកកម្មវិធីសិក្សាប្រចាំសប្តាហ៍និងប្រចាំខែទៅតាមម៉ោងនៅថ្នាក់ដោយគណៈគ្រប់គ្រងគ្រឹះស្ថានសិក្សានិងគ្រូបង្រៀនត្រូវរៀបចំកាលវិភាគសិក្សាផ្អែកតាមចំនួនម៉ោងសិក្សាដែលបានកំណត់ ខាងលើដោយថ្នាក់រៀនដែលមានតែមួយក្រុមម៉ោងសិក្សាសរុប២៥ម៉ោងក្នុងមួយសប្តាហ៍ក្នុងនោះមុខវិជ្ជាភាសាខ្មែរ ១៦ម៉ោងក្នុងមួយសប្តាហ៍មុខវិជ្ជាគណិតវិទ្យា ៩ម៉ោងសិក្សាក្នុងមួយសប្តាហ៍។ ថ្នាក់រៀនដែលមានពីរក្រុមម៉ោងសិក្សាសរុប១៥ម៉ោងក្នុងមួយសប្តាហ៍ក្នុងនោះមុខវិជ្ជាភាសាខ្មែរ ១០ម៉ោងសិក្សាក្នុងមួយសប្តាហ៍មុខវិជ្ជាគណិតវិទ្យា៥ម៉ោងក្នុងមួយសប្តាហ៍។
គួរបញ្ជាក់ថា ក្រសួងអប់រំយុវជននិងកីឡានឹងបើកបវេសនកាលឆ្នាំ២០២០ ២០២១នៅថ្ងៃទី១១ខែមករាឆ្នាំ២០២១ដោយអនុវត្តទៅតាមវិធានក្រសួងសុខាភិបាលនិងអង្គការសុខភាពពិភពលោកដើម្បីការទប់ស្កាត់ការឆ្លងរីករាលដាលជំងឺកូវីដ១៩៕
ដោយ ៖ សំអឿន
លោកស្រី ធី សុវណ្ណថា បធិសេធការចុះហត្ថលេខាដកតួនាទីប្រធានភូមិបាលក្រុងអរិក្សត្រ ដែលលោកស្រីអះអាងថា ជាហត្ថលេខាក្លែងក្លាយ
រដ្ឋមន្ត្រី និងអភិបាលខណ្ឌពោធិសែនជ័យ រៀបចំអាហារសាមគ្គីជាមួយប្រតិភូបុគ្គលិក ជិត ១០០ រោងចក្រ
ធនាគារបរទេស ២ ប្ដឹងជំទាស់ការលក់អគារតម្លៃរាប់លានដុល្លាររបស់អតីតសេដ្ឋិនី វៀតណាម ដែលរងទោសប្រហារជីវិត
សមាគមធនាគារនៅកម្ពុជា បដិសេធ ការចុះផ្សាយថា ការទូទាត់តាមប្រព័ន្ធឌីជីថល ធ្លាក់ចុះ
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៧ ម៉ោង agoមន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១៣ ម៉ោង agoកម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ