ព័ត៌មានជាតិ
អ្នកនាំពាក្យគ្រោះមហន្តរាយ៖ ខេត្តចំនួន៣បានរងគ្រោះដោយសារជំនន់ទឹកភ្លៀង
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី១៣មករានេះថា ភ្លៀងធ្លាក់រយៈពេលប៉ុន្មានថ្ងៃនេះបានបណ្តាលឱ្យជន់លិចភូមិ សាលារៀន និងបាក់ច្រាំងទន្លេនៅតាមបណ្តាស្រុកមួយចំនួនក្នុងខេត្តចំនួន៣រួមមានខេត្តកពង់ស្ពឺ ខេត្តពោធិ៍សាត់ និងខេត្តកំពង់ឆ្នាំង។
លោកបានបន្តថា ក្នុងនោះខេត្តកំពង់ស្ពឺប៉ះពាល់នៅស្រុកឱរ៉ាល់ ស្រុកថ្ពង និងស្រុកភ្នំស្រួច បណ្តាលឱ្យលិចទំនប់បង្ហៀរអូរអញ្ចារ ក្នុងភូមិអូរចា ឃុំតាសាល ស្រុកឱរ៉ាល់ លិចសាលារៀននៅឃុំអមលាំងស្រុកថ្ពង។ លោកបានបន្តថា ក្នុងការឆ្លើយតបអាជ្ញាធរខេត្ត បានរៀបចំអូរប័រមួយគ្រឿង ដោយមានបញ្ជាការពារនៅចាំជួយចម្លងប្រជាពលរដ្ឋដែលត្រូវធ្វើដំណើរឆ្លងកាត់ និងពុំមានគ្រោះថ្នាក់ដល់ប្រជាជនទេ និងមកទល់ពេលនេះទឹកចាប់ផ្តើមស្រកវិញហើយ។
ដោយឡែកនៅថ្ងៃទី១៣មករានេះ អាជ្ញាធរខេត្តកំពង់ស្ពឺ បានណែនាំឱ្យបងប្អូនប្រជាពលរដ្ឋរស់នៅតាមបណ្ដោយស្ទឹងព្រែកត្នោត សូមបង្កើនការប្រុងប្រយ័ត្នឲ្យបានខ្ពស់ និងត្រៀមរកទីទួលសុវត្ថិភាព ខណៈពេលនេះអាជ្ញាធរបានសម្រេចបើកទ្វារទឹកចំនួន៥ នៃទ្វារទឹករលាំងជ្រៃ ស្រុកសំរោងទង ខេត្តកំពង់ស្ពឺ ដើម្បីរំដោះទឹកពីផ្នែកខាងលើ
ដែលកំពុងកើនឡើងខ្លាំង ដោយសារភ្លៀងធ្លាក់ច្រើន។
លោក សុទ្ធ គឹមកុលមុនី បានបន្តទៀតថា ចំពោះខេត្តពោធិ៍សាត់វិញជំនន់ទឹកភ្លៀងបានធ្វើឱ្យបាក់ច្រាំងទន្លេនៅឃុំស្វាយលួង ស្រុកកណ្តៀង និងប៉ះពាល់ផ្លូវបេតុងផ្លូវគ្រោះក្រហម និងផ្លូវជាតិមួយចំនួន។ រីឯខេត្តកពង់ឆ្នាំងដោយសារស្ថានភាពភ្លៀងធ្លាក់ខ្លាំងកាលពីយប់ថ្ងៃទី១១ ខែមករា ឆ្នាំ២០២៣ បានធ្វើឲ្យកម្ពស់ទឹកទំនប់អន្លង់ជ្រៃឡើងហួសប្រកាសអាសន្នក្នុងស្រុកសាមគ្គីមានជ័យ។ នៅម៉ោង២០:៣០នាទីយប់ថ្ងៃទី១២ ខែមករា ឆ្នាំ២០២៣នេះ ស្ថានភាពជំនន់ទឹកភ្លៀង(ហូរពីអាងទឹកទំនប់អន្លង់ជ្រៃ)បានហូរលិចលើកំណាត់ផ្លូវជាតិលេខ៥ ត្រង់ចន្លោះគ.ម ៣៩-៤០(ចំណុចស្ពានក្រាំងពន្លៃ ជាប់ព្រំប្រទល់ស្រុកឧត្ដុង្គ) ប្រវែងលិចប្រមាណ ២០០មជម្រៅ០,៤ម។ អាជ្ញាធរកងកម្លាំងសមត្ថកិច្ច និងក្រុមការងារមន្ទីរសាធារណការខេត្តកំពុងបន្តចុះអន្តរាគមន៍សម្រួលចរាចរណ៍បង្ការកុំឲ្យមានគ្រោះថ្នាក់ជាយថាហេតុដល់អ្នកធ្វើដំណើរ។
បន្ទាប់មកនៅវេលាម៉ោង៤ទាបភ្លឺ ថ្ងៃទី១២ ខែមករា ឆ្នាំ២០២៣មានភ្លៀងធ្លាក់ខ្លាំងធ្វើឱ្យជំនន់ឡើងខ្ពស់ បណ្តាលឱ្យបាក់ទំនប់ចាក់ទឹមដែលជាផ្លូវចូលទៅកាន់រមណីយដ្ឋានធម្មជាតិទឹកធ្លាក់ថ្មក្រាល និងបណ្តាលឱ្យដាច់ស្ពានអូរឃ្លៃទាំងស្រុង ស្ថិតក្នុងឃុំជៀប ស្រុកទឹកផុសតែពុំបណ្តាលឱ្យប៉ះពាល់ប្រជាជនទេ។ ការឆ្លើយតបអាជ្ញាធរ និងមន្ទីរជំនាញបានបើកទ្វារទឹកចំនួន ៥ទ្វារ។ ប្រជាពលរដ្ឋរស់នៅក្រោមទំនប់ចំនួន១២គ្រួសារ នៅភូមិអន្លង់ព្រីង ឃុំឈានឡើង ស្រុកសាមគ្គីមានជ័យត្រូវបានអាជ្ញាធរជម្លៀសមកទីសុវត្ថិភាព។អាជ្ញាធរស្រុកទឹកផុសបានជូនដំណឹងអំពីការផ្អាកបណ្តោះអាសន្នដំណើរកំសាន្តតំបន់រមណីយដ្ឋានធម្មជាតិទឹកធ្លាក់ថ្មក្រាលបណ្តោះអាសន្ន។
លោកបានបញ្ជាក់ថា ជំនន់ទឹកភ្លៀងបានធ្វើឱ្យលិចនិងប៉ះពាល់ផ្ទះប្រជាពលរដ្ឋសរុបចំនួន ៦៧គ្រួសារ នៅឃុំឈានឡើង និងឃុំស្វាយជុក ស្រុកសាមគ្គីមានជ័យក្នុងនោះនៅភូមិអន្លង់ព្រីង ៥៨គ្រួសារ ភូមិត្រែង ៤គ្រួសារ ឃុំឈានឡើង និងភូមិត្រពាំងទន្លាប់ ឃុំស្វាយជុក៥គ្រួសារហើយអាជ្ញាធរបានចែកអំណោយរបស់សាខាកាកបាទក្រហមខេត្តជូនប្រជាពលរដ្ឋរងគ្រោះរួចរាល់ហើយដែរដោយក្នុងមួយគ្រួសារទទួលបាន អង្ករ ៣០ គ.ក្រមី១កេះ ត្រីខ ១យួរ មុង១ ភួយ១ ក្រមា១ សារុង១ ថវិកា២ម៉ឺនរៀល៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?