ព័ត៌មានជាតិ
ឆ្នាំ២០២០មានរោងចក្រកាត់ដេរ១២៩បានបិទទ្វារ និងប៉ះពាល់ដល់កម្មករជាង៧ម៉ឺននាក់ ដោយកូវីដ១៩
លោក ហេង សួរ រដ្ឋលេខាធិការ និងអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានឲ្យដឹងថា ឆ្នាំ២០២០មានរោងចក្រសហគ្រាស ក្នុងវិស័យកាត់ដេរចំនួន ១២៩ រោងចក្រ បានបិទទ្វារលែងដំណើរការ ដោយធ្វើឲ្យប៉ះពាល់ដល់កម្មករនិយោជិតចំនួន ៧១,២០២ នាក់ ក្នុងនោះស្រី ៥៧,៧៩៤ នាក់ ដោយសារវិបត្តិនៃការរីករាលដាលជំងឺកូវីដ១៩ ។
លោក ហេង សួរ បានបន្តថា យ៉ាងណាក៏ដោយឆ្នាំ២០២០ មានរោងចក្របានបើកថ្មីឡើងវិញផងដែរ ដោយបានបង្កើតការងារដល់កម្មករនិយោជិតចំនួន ២៣,២០៨ នាក់ ក្នុងនោះស្រី ១៧,៦៣៨ នាក់។ លោក បានបន្តទៀតថា សម្រាប់ឆ្នាំ២០២១នេះ ចំនួនរោងចក្រ ដែលបង្កើតថ្មីៗនឹងមានចំនួនប្រហាក់ប្រហែលនឹងឆ្នាំ២០២០កន្លងទៅ ខណៈនៅចុងឆ្នាំ២០២០ក្រុមប្រឹក្សាអភិវឌ្ឍន៍កម្ពុជា ក៏បានអនុម័តគម្រោងវិនិយោគរោងចក្រជាបន្តបន្ទាប់ ដែលនឹងដំណើរការសាងសង់នៅឆ្នាំ២០២១នេះ។ លោក បានបញ្ជាក់ថា គិតរហូតមកដល់ដើមឆ្នាំ២០២១នេះ ស្ថានភាពទូទៅនៃវិស័យការងារ គឺបានត្រឡប់មករកភាពប្រសើរឡើងវិញបន្តិចម្ដងៗ ពោលគឺល្អជាងដើមឆ្នាំ២០២០ ដោយសារបញ្ហាវត្ថុធាតុដើម សម្រាប់ដំណើរការផលិត ក្នុងវិស័យកាត់ដេរមិនមានការខ្វះខាតនោះឡើយ។
លោក ហេង សួរ រំពឹងថា វិស័យកាត់ដេរទាំងមូលនៅកម្ពុជា អាចនឹងវិលមកប្រក្រតីភាពវិញ ក្រោយពេលវិបត្តិជំងឺកូវីដ១៩ត្រូវបានបញ្ចប់។ វិបត្តិនៃជំងឺកូវីដ-១៩ បានបង្កផលប៉ះពាល់ធ្ងន់ធ្ងរដល់ប្រទេសកម្ពុជាពិសេសវិស័យការងារ និងវិស័យទេសចរណ៍ ដែលរងផលប៉ះពាល់ធ្ងន់ជាងគេ។ រាជរដ្ឋាភិបាល សម្រេចបញ្ចេញកញ្ចប់ថវិកា ដើម្បីជួយទ្រទ្រង់ដល់វិស័យទាំងពីរនេះ ដោយជួយដល់វិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង ផលិតផលធ្វើដំណើរ កាបូប និងវិស័យទេសចរណ៍ រយៈពេលបីខែបន្ថែមទៀតរហូតដល់ខែមីនា ឆ្នាំ២០២១។
បើតាមលោក ហេង សួរ ចាប់តាំងពីខែឧសភា ឆ្នាំ២០២០រហូតមកដល់ថ្ងៃទី០៥ ខែមករា ឆ្នាំ២០២១នេះ រដ្ឋាភិបាលបានបើកផ្ដល់ប្រាក់ឧបត្ថម្ភជូនកម្មករនិយោជិតក្នុងវិស័យកាត់ដេរ និងវិស័យទេសចរណ៍ ដែលរងផលប៉ះពាល់ដោយជំងឺកូវីដ១៩ជាង៣៤ម៉ឺននាក់ ហើយដែលសរុបទឹកប្រាក់ជាង២៣លានដុល្លារអាមេរិក។ លោកបានបន្តថា ការបើកផ្ដល់ប្រាក់ឧបត្ថម្ភជូនកម្មករនិយោជិតក្នុងវិស័យកាត់ដេរ និងវិស័យទេសចរណ៍នេះ បានចាប់ផ្ដើមអនុវត្តចាប់ពីខែឧសភា ឆ្នាំ២០២០ហើយបើគិតមកដល់ថ្ងៃទី០៥ ខែមករា ឆ្នាំ២០២១នេះ មានចំនួន ៤៥ លើកហើយ៕
អត្ថបទ៖ សំអឿន
សូមចុចអាន៖ ឱកាសការងារប្រមាណ២ម៉ឺនកន្លែង ត្រៀមសម្រាប់ពលករខ្មែរ ដែលត្រឡប់មកពីប្រទេសថៃ
តួប្រុសរឿង “Hormones” ប្រារព្ធខួបកំណើត ៣១ ឆ្នាំ ខណៈដែលអ្នកគាំទ្រសឹងមិនជឿ ព្រោះមុខក្មេង
យន្តហោះកងទ័ពចិន ៣៦គ្រឿង ព័ទ្ធជុំវិញកោះ តៃវ៉ាន់
បណ្ដាប្រទេសនៅអាមេរិកខាងត្បូងរងផលប៉ះពាល់យ៉ាងចាស់ដៃពីការប្រែប្រួលអាកាសធាតុ
តួសាន់ឆាយ ទម្លាយការពិតថា អតីតស្វាមីធ្លាប់គប់សៀវភៅធ្ងន់ ចំកណ្ដាលមុខនាងក្នុងអំឡុងមានផ្ទៃពោះ
Breaking News: ក្រសួងការងារ នឹងបើកប្រាក់ឈ្នួលឱ្យកម្មករ Y & W ចាប់ពីម៉ោង១រសៀលនេះតទៅ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?