ព័ត៌មានជាតិ
អាជ្ញាធរខេត្តបាត់ដំបង ចុះកំណត់តំបន់ជំងឺផ្តាសាយបក្សី
ស្របពេលដែលក្រសួងកសិកម្មរុក្ខាប្រមាញ់ និងនេសាទ ចេញសេចក្តីប្រកាសកំណត់តំបន់ជំងឺផ្តាសាយបក្សី H5N1 លោក សឿម ប៊ុនរឹទ្ធ អភិបាលរងខេត្តបាត់ដំបង បានចុះប្រកាសកំណត់តំបន់ជំងឺផ្តាសាយ នៅរសៀលថ្ងៃទី១២ខែមករា ឆ្នាំ២០២១ម្សិលមិញ ដើម្បីទប់ស្កាត់ការរីរាលដាលបន្តទៀត។
មន្ត្រីជំនាញផ្នែកបសុព្យាបាល នៃមន្ទីរកសិកម្មរុក្ខាប្រមាញ់ និងនេសាទ ខេត្តបាត់ដំបង បានសម្រេចកប់ចោលនូវសត្វទាកាប៉ា ដែលនៅរស់ចំនួន១៧៨ក្បាល និងសត្វក្ងាន ចំនួន១២ក្បាល បន្ថែមទៀត ដើម្បីការពារការរីករាលដាលជំងឺខាងលើនេះ ទៅដល់បណ្តាកន្លែងចិញ្ចឹម ឬកសិដ្ឋាន ដែលនៅតំបន់ក្បែរគ្នាផ្សេងទៀត ក្រោយមានការផ្ទុះឡើងបណ្តាលឲ្យសត្វមាន់ ចំនួន១៣០០ក្បាល បានងាប់កាលពីសប្ដាហ៍មុន។
ពាក់ព័ន្ធជាមួយការផ្ទុះឡើងនូវជំងឺផ្តាសាយបក្សី H5N1 នេះដែរ លោកឈឹម វជិរ៉ា ប្រធានមន្ទីរកសិកម្មរុក្ខាប្រមាញ់និងនេសាទខេត្ត បានលើកឡើងដែរថា អនុវត្តតាមវិធានការទប់ស្កាត់ចំពោះមុខនេះ ក្រសួងក៏ដូចជាមន្ទីរកសិកម្ម បានសម្រេចកំណត់តំបន់ជំងឺផ្តាសាយបក្សី ចំនួន១កន្លែង គ្រប់គ្រងដោយលោក ហូ ណាម ស្ថិតក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។
យោងតាមខ្លឹមសារ នៃសេចក្តីប្រកាសខាងលើ បានតម្រូវឲ្យអគ្គនាយកដ្ឋានសុខភាពសត្វ ផលិតកម្មសត្វ ចាត់វិធានការបសុព្យាបាលនៅតំបន់ផ្ទុះជំងឺផ្តាសាយបក្សី បំផ្លាញចោលចំពោះបក្សីគ្រប់ប្រភេទ នៅក្នុងតំបន់ផ្ទុះជំងឺតាមវិធានបច្ចេកទេសបសុពេទ្យ និងផ្អាកជាបណ្តោះអាសន្ន លើការទិញការលក់ ឬការដឹកជញ្ជូនបក្សីគ្រប់ប្រភេទចេញចូល ឬឆ្លងកាត់ពីរង្វង់៣គីឡូម៉ែត្រ ជុំវិញកន្លែងផ្ទុះជំងឺខាងលើ។
លោក ឈឹម វជិរ៉ា បន្តថា ការបើកទិញលក់ ឬការដឹកជញ្ជូនបក្សីគ្រប់ប្រភេទចេញចូលនេះ ឡើងវិញបាន ដរាបណាមានការប្រកាសរំសាយតំបន់ជំងឺជាថ្មី ក្រោយពេលស្ងប់ស្ងាត់លែងកើតមាននូវករណីជំងឺផ្តាសាយបក្សី H5N1ក្នុងតំបន់ដែលបានកំណត់ខាងលើ៕
អត្ថបទ ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ