ព័ត៌មានជាតិ
ព្រមានដកមន្ត្រីណាដែលបណ្តោយឲ្យរថយន្តដឹកដី ដឹកខ្សាច់បង្កភាពអានាធិបតេយ្យនៅតាមដងផ្លូវ
លោក គង់ សោភ័ណ្ឌ អភិបាលខេត្តកណ្តាលបានធ្វើការព្រមានដកមន្ត្រីដែលបណ្តោយឲ្យរថយន្តដឹកដី ដឹកខ្សាច់បង្កភាពអានាធិបតេយ្យនៅតាមដងផ្លូវ ខ្សាច់ជ្រុះពេញផ្លូវ ធ្វើឱ្យហុយដី ខូចសុខភាពរបស់ប្រជាពលរដ្ឋ និងបណ្ដាលឱ្យមានគ្រោះថ្នាក់ចរាចរណ៍ជាយថាហេតុផ្សេងៗ។
ថ្លែងនៅក្នុងកិច្ចប្រជុំពិនិត្យការរៀបចំសោភ័ណភាព សណ្ដាប់ធ្នាប់ ពាក់ព័ន្ធនឹងការដឹកដី ដឹកខ្សាច់ ក្នុងក្រុងតាខ្មៅកាលពីរសៀលថ្ងៃទី១២ ខែមករាឆ្នាំ២០២១ លោកអភិបាលខេត្តកណ្ដាល បានលើកឡើងថា «បញ្ហារថយន្តដឹកដី ដឹកខ្សាច់ ធ្វើឱ្យហុយ និងស្ទះចរាចរជាញឹកញាប់នៅក្នុងក្រុងតាខ្មៅ មិនមែនជាបញ្ហាធំដុំនោះទេ ប៉ុន្តែបណ្ដាលមកពីមន្ត្រី អនុវត្តនៅស្ទើរ ដោយមើលគ្នាទៅមើលគ្នាមក និងមានការច្រណែនគ្នា ទើបបណ្ដាលឱ្យរថយន្តដឹកដី ដឹកខ្សាច់ បង្កភាពអានាធិបតេយ្យ ធ្វើឲ្យស្ទះចរាចរណ៍ នឹងបណ្ដាលឱ្យមានខ្សាច់ជ្រុះពេញផ្លូវ ធ្វើឱ្យហុយដី ខូចសុខភាពរបស់ប្រជាពលរដ្ឋ និងបណ្ដាលឱ្យមានគ្រោះថ្នាក់ចរាចរណ៍ជាយថាហេតុផ្សេងៗផងដែរ»។
លោក គង់ សោភ័ណ្ឌ បានបន្ដថា« បើមន្ត្រីទាំងអស់ អនុវត្តទៅតាមតួនាទីភារកិច្ចរបស់ខ្លួន ដោយធ្វើការចាប់រថយន្តដែលខុសលក្ខណៈបច្ចេកទេស ដឹកលើសទម្ងន់ ដឹកខុសបទដ្ឋានបច្ចេកទេស និងមិនគោរពច្បាប់ចរាចរណ៍ មកធ្វើការពិន័យ និងផ្ដន្ទាទោសទៅតាមច្បាប់ផ្លូវថ្នល់ដែលបានកំណត់ និងអនុវត្តតាមសារាចរ លេខ០៣១០ របស់ក្រសួងរ៉ែ និងថាមពល ស្ដីពីវិធានការចំពោះការដឹកជញ្ជូនរ៉ែសំណង់គ្រប់ប្រភេទ ឱ្យបានខ្ជាប់ខ្ជួន ផ្លូវរបស់យើងនៅក្នុងក្រុងតាខ្មៅ នឹងមិនបណ្ដាលឱ្យមានខ្សាច់ជ្រុះពេញផ្លូវច្រើនទេ ព្រមទាំងកាត់បន្ថយនូវការកកស្ទះចរាចរណ៍ និងគ្រោះថ្នាក់ផ្សេងៗផងដែរ»។
លោកអភិបាលខេត្តបានស្នើឱ្យបង្កើតគណៈកម្មការមួយ ដែលមានអភិបាលក្រុងជាប្រធាន និងមានមន្ទីរសាធារណការ និងដឹកជញ្ជូនខេត្តជាអនុប្រធាន ដើម្បីធ្វើការអនុវត្តនូវលើកិច្ចការងារនេះ។
លោកបានបន្ថែមថា «ក្នុងករណីដែលការអនុវត្តនេះមិនមានភាពល្អប្រសើរទេខ្ញុំសូមព្រមានថានឹងដកប្រធាននោះចេញ ដោយត្រូវប្ដូរប្រធានថ្មីដើម្បីអនុវត្តទៅលើកិច្ចការងារនេះផងដែរ»។
ក្នុងឱកាសនោះដែរលោកអភិបាលខេត្ត ក៏បានសំណូមពរដល់ម្ចាស់ដេប៉ូទាំងអស់ សូមចូលរួមគោរពច្បាប់ឱ្យបានគ្រប់គ្នាៗ បើមិនដូចនោះទេ អាជ្ញាធរខេត្ត ក៏ដូចជាអ្នកពាក់ព័ន្ធទាំងអស់ នឹងត្រូវអនុវត្តទៅតាមច្បាប់ដោយគ្មានការយោគយល់ឡើយ៕
ដោយ ៖ សំអឿន
ខេត្តកំពង់ចាម ចាប់ឆ្នោតកំណត់លេខរៀងបក្សនយោបាយសម្រាប់ការបោះឆ្នោតក្រុមប្រឹក្សារាជធានី ខេត្ត ក្រុង ស្រុក ខណ្ឌ
EU ជំរុញផែនការដកលុយបង្កក រុស្ស៊ី ទិញអាវុធឲ្យ អ៊ុយក្រែន
រាជរដ្ឋាភិបាលកម្ពុជា នឹងបន្តប្រែក្លាយផ្លូវដីក្រហមនៅទីជនបទ ឲ្យក្លាយជាផ្លូវកៅស៊ូ ឬផ្លូវបេតុងបន្ថែមទៀត
ការប្រើប្រាស់ប្រាក់រៀល តាមប្រព័ន្ធអេឡិចត្រូនិកកើនឡើងដល់ ៤៤%
រុស្ស៊ី ព្រមានម្តងទៀត! ជប៉ុន នឹងជួបផលវិបាក បើមីស៊ីល Patriot ធ្លាយដល់ដីអ៊ុយក្រែន មែន
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង