ព័ត៌មានជាតិ
តើលោកស្រី ជា គឹមថា ដែលជាឯកអគ្គរាជទូតស្ត្រីដំបូងគេប្រចាំវៀតណាម ជានរណា?
ក្រោយការតែងតាំងជាឯកអគ្គរាជទូតកម្ពុជាប្រចាំនៅប្រទេសវៀតណាម លោកស្រី ជា គឹមថា បានអញ្ជើញប្រគល់សារតាំងជាផ្លូវការជូនលោកស្រីប្រធានរដ្ឋស្តីទីនៃប្រទេសវៀតណាម កាលពីថ្ងៃទី២២ ខែកុម្ភៈ ឆ្នាំ២០២៣។ បើតាមស្ថានទូតកម្ពុជាប្រចាំនៅវៀតណាម បានបញ្ជាក់ថា ចាប់តាំងពីថ្ងៃបង្កើតទំនាក់ទំនងការទូតកម្ពុជា និងវៀតណាម នៅឆ្នាំ ១៩៦៧ លោកស្រី ជា គឹមថា បានក្លាយជាឯកអគ្គរាជទូតស្ត្រីដំបូងគេរបស់កម្ពុជាប្រចាំនៅប្រទេសវៀតណាម។
មុនកាន់តួនាទីជាឯកអគ្គរាជទូតនាពេលនេះ លោកស្រី ជា គឹមថា ធ្លាប់កាន់តួនាទីជាអគ្គនាយកនៃអគ្គនាយកដ្ឋានអាស៊ីប៉ាស៊ីហ្វិក ចាប់តាំងពីឆ្នាំ២០១៨ ហើយក្រោយមក ឆ្នាំ២០២០ លោកស្រី មានមុខតំណែងជាអនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ។ ជាមួយគ្នានេះ លោកស្រី ជា គឹមថា ក៏ធ្លាប់បំពេញតួនាទីជាឯកអគ្គរាជទូតកម្ពុជាម្ដងរួចមកហើយប្រចាំនៅប្រទេសជប៉ុន នៅចន្លោះឆ្នាំ២០១៥ ដល់ឆ្នាំ២០១៨ ខណៈនៅចន្លោះឆ្នាំ២០០៥ ដល់ឆ្នាំ ២០១០ លោកស្រីធ្វើជាទីប្រឹក្សាអគ្គកុងស៊ុលកម្ពុជាប្រចាំនៅទីក្រុងតូក្យូ។
ក្នុងនាមជាមន្ត្រីនៃក្រសួងការបរទេស លោកស្រី ជា គឹមថា ក៏ធ្លាប់បំពេញតួនាទីជាប្រធាននាយកដ្ឋានសហប្រតិបត្តិការអន្តរជាតិ បន្ទាប់មកនៅចុងឆ្នាំ២០១១ លោកស្រី បានផ្លាស់មកាន់ជាប្រធាននាយកដ្ឋានអាមេរិក នៃអគ្គនាយកដ្ឋានអឺរ៉ុប អាមេរិក និងអាហ្វ្រិក-មជ្ឈិមបូព៌ា និងនៅចន្លោះឆ្នាំ២០១២ ដល់ឆ្នាំ២០១៥ លោកស្រី មានតួនាទីជាប្រធាននាយកដ្ឋាន សហប្រតិបត្តិការមេគង្គ។
ដោយឡែក កម្រិតវប្បធម៌ គឺលោកស្រី ជា គឹមថា មានសញ្ញាបត្រភាសាអង់គ្លេសនៅសាកលវិទ្យាល័យភ្នំពេញ និងបានបញ្ចប់ការសិក្សាសញ្ញាបត្រថ្នាក់បរិញ្ញាបត្រជាន់ខ្ពស់ផ្នែកសង្គមវិទ្យា មកពីសាកលវិទ្យាល័យ Karl Marx នៃប្រទេស អាល្លឺម៉ង់។ ចំពោះជំនាញភាសាបរទេស លោកស្រី ជា គឹមថា ចេះភាសាអង់គ្លេស និងអាល្លឺម៉ង់៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង