ព័ត៌មានជាតិ
អភិបាលខេត្តកំពត ចុះដោះស្រាយបញ្ហាដីធ្លីរវាងពលរដ្ឋជាមួយក្រុមហ៊ុន សូងួន
អាជ្ញាធរខេត្តកំពត បានដោះស្រាយសំណូមពរ ទុក្ខកង្វល់ និងតម្រូវការជាក់ស្ដែងរបស់ប្រជាពលរដ្ឋ ដើម្បីឆ្លើយតបជាមួយប្រមុខរាជរដ្ឋាភិបាល ដែលតែងណែនាំដល់រដ្ឋបាលថ្នាក់ក្រោមជាតិ ត្រូវតែខិតខំយកចិត្តទុក ដាក់ដោះស្រាយជូនប្រជាពលរដ្ឋ។
មានប្រសាសន៍ក្នុងដំណើរចុះជួបជាមួយតំណាងប្រជាពលរដ្ឋ ដែលមានការពាក់ព័ន្ធបញ្ហាដីធ្លីជា មួយក្រុមហ៊ុនដីសម្បទានសេដ្ឋកិច្ច នៅក្នុងឃុំមួយចំនួន ក្នុងស្រុកឈូក ខេត្តកំពត នៅសាលាឃុំត្រពាំងភ្លាំង កាលពីថ្ងៃទី១៣ ខែមករាឆ្នាំ២០២១ លោក ជាវ តាយ អភិបាលខេត្តកំពត បានលើកឡើងថា រាល់ដំណោះស្រាយ ដែលប្រជាពលរដ្ឋ ជួបបញ្ហាប្រឈម សំណូមពរ ទុក្ខលំបាកនិងតម្រូវការពិតប្រាកដ គឺអាជ្ញាធរខេត្ត ក្នុងនាមជាសេនាធិការឲ្យរាជរដ្ឋាភិបាល ត្រូវតែមានកិច្ចអន្តរាគមន៍ ជួយសម្របសម្រួលដោះស្រាយទៅតាមអ្វីជាក់ស្ដែងដោយអនុវត្ត តាមគោលការណ៍ឈ្នះឈ្នះ របស់សម្ដេចតេជោ ហ៊ុន សែន។
ជាក់ស្ដែងពាក់ព័ន្ធដីធ្លីដែលប្រជាពលរដ្ឋ មានបញ្ហាប្រឈម ជាមួយដីសម្បទានសេដ្ឋកិច្ចរបស់ក្រុមហ៊ុន ដែលតែងមានការតវ៉ាកន្លងមក ក្នុងនាមរដ្ឋបាលខេត្ត តែងតែធ្វើការដោះស្រាយជូន ប៉ុន្តែក៏ត្រូវការធ្វើអង្កេតវាយតម្លៃស្ថិតិឲ្យបានពិតប្រាកដ ផ្អែកតាមលក្ខណៈច្បាប់ ដើម្បីធ្វើសំណើដាក់ជូនរាជរដ្ឋាភិបាលសម្រេចផ្ដល់ជូន។
ដើម្បីឱ្យការដោះស្រាយនេះ មានភាពច្បាស់លាស់ និងមានប្រសិទ្ធភាព ក្រុមការងាររដ្ឋបាលខេត្កំពត បានចុះដល់ទីតាំង និងជួបប្រជាពលរដ្ឋផ្ទាល់នាពេលនេះ គឺទី១ក្នុងគោលបំណងដើម្បីពិនិត្យអំពីស្ថានភាពភូមិសាស្ត្រជាក់ស្ដែង និងទី២ ចង់បាននូវសំណូមពរផ្ទាល់របស់ប្រជាពលរដ្ឋ ដែលមានបញ្ហាប្រឈម កន្លងមក តើនៅមានចំណុចណាខ្លះដែលត្រូវយកទៅដាក់ក្នុងកិច្ចប្រជុំដោះស្រាយបន្ត។
ទោះបីយ៉ាងណា ក្នុងឱកាសនោះឯកឧត្តមអភិបាលខេត្ត ក៏បានស្នើ ឱ្យក្រុមហ៊ុន សូ ងួន ចូលរួមជាមួយក្រុមការងាររដ្ឋបាលខេត្ត បន្តធ្វើអង្កេតស្ថិតិនូវបញ្ហាប្រឈម សំណូមពរតម្រូវការរបស់ប្រជាពល រដ្ឋឲ្យបានជាក់លាក់ពិតប្រាកដដើម្បីបានជាមូលដ្ឋានដាក់ក្នុងកិច្ចប្រជុំដោះស្រាយបន្តទៀត។
សូមបញ្ជាក់ថា ជាលទ្ធផលតាមការធ្វើអង្កេតអត្តសញ្ញាណ ដោយរដ្ឋបាលស្រុកឈូក ទៅលើប្រជាពលរដ្ឋចូលកាន់កាប់នៅលើដីសម្បទានសេដ្ឋកិច្ចរបស់ក្រុមហ៊ុន សូ ងួន មានចំនួន៩០ គ្រួសារ ក្នុងនោះក្រុមហ៊ុនបានទទួលស្គាល់ និងត្រៀមបម្រុងដី ចំនួន៨០ហិកតា កាត់ឈ្វៀលជូនគ្រួសារប្រជាពលរដ្ឋនៅសល់ពីការវាស់វែងជំនាន់បទបញ្ជា០១របស់យុវជនស្ម័គ្រចិត្តសម្ដេចតេជោ ឆ្នាំ២០១២ ស្មើនឹងចំនួន៤០គ្រួសារ ចំណែកនៅសល់ជាង៥០គ្រួសារទៀត អភិបាលខេត្ត បានឲ្យក្រុមហ៊ុនរក្សាពួកគាត់នៅលើដីនោះដដែលសិន។
ចំណែកបញ្ហាប្រឈមដីធ្លីនៅតំបន់ដទៃទៀត អភិបាលខេត្ត សម្រេចឲ្យក្រុមការងារបន្តចុះអង្កេត វាយតម្លៃជាក់ស្ដែងឲ្យបានជាក់លាក់ផងដែរ ដើម្បីរដ្ឋបាលខេត្តបានជាមូលដ្ឋានដាក់ក្នុងកិច្ចប្រជុំដោះស្រាយបន្តជូនប្រជាពលរដ្ឋផងដែរ៕
អត្ថបទ ៖ សេង ណារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង