Connect with us

ព័ត៌មានជាតិ

ឯកឧត្ដមបណ្ឌិត ហ៊ុន ម៉ាណែត ៖ អាជីព​ជា​គ្រូពេទ្យ ជា​អាជីព​ប្រៀប​ដូច​ទៅនឹង​ទេវតា ដែល​ជួយ​មនុស្ស​ឱ្យបាន​ជាសះស្បើយ និង​រួច​ផុតពី​ការស្លាប់​បាត់បង់​ជីវិត

បានផុស

នៅ

ថ្លែង​ក្នុង​ពិធី​ប្រគល់​សញ្ញាប័ត្រ​ជូន​និស្សិត​ជ័យលាភី​នៃ​សាកលវិទ្យាល័យ​កំពង់ចាម នា​ថ្ងៃទី២០ ខែមីនា ​ឆ្នាំ២០២៣នេះ ឯកឧត្តម បណ្ឌិត ហ៊ុន ម៉ា​ណែ​ត ប្រធាន​គណៈកម្មាធិការ​អាហារូបករណ៍​សិស្ស​-​និស្សិត​ក្រីក្រ​របស់​សម្តេច​អគ្គមហាសេនាបតី​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន បាន​មានប្រសាសន៍ថា អាជីព​ជា​គ្រូពេទ្យ ជា​អាជីព​ប្រៀប​ដូច​ទៅនឹង​ទេវតា ដែល​ជួយ​មនុស្ស​ឱ្យបាន​ជាសះស្បើយ និង​រួច​ផុតពី​ការស្លាប់​បាត់បង់​ជីវិត ដូច្នេះ​គឺ​ទាមទារ​ជា​ចាំបាច់​ណាស់​នូវ​ការយកចិត្តទុកដាក់​ខ្ពស់​ក្នុង​ការបន្ត​ខិតខំ​ស្រាវជ្រាវ​សិក្សា​រៀនសូត្រ និង​ធ្វើ​ទំនើបកម្ម​ជាប់​ជាប្រចាំ​ទាំង​លើ​ចំណេះដឹង​, បច្ចេកទេស និង​សម្ភារ​បរិក្ខារ សំដៅ​ធ្វើយ៉ាងណា​ឱ្យ​ដើរ​ទាន់​រាល់​ការវិវឌ្ឍ​ឥតឈប់ឈរ​នៃ​វិទ្យាសាស្ត្រ និង​បច្ចេកវិទ្យា ដែល​ជួយ​ដល់​ការធានាបាន​នូវ​ប្រសិទ្ធភាព និង​ស័ក្តិសិទ្ធិ​ក្នុងការ​ពិនិត្យ និង​ព្យាបាល​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​នោះ​ឯកឧត្ដម​បាន​ចូលរួម​អបអរសាទរ​ជូន​ចំពោះ​និស្សិត​ជ័យលាភី​ទាំង ៨៥៦ រូប ដែល​បានបញ្ចប់​ការសិក្សា​ផ្នែក​វិទ្យាសាស្ត្រ​សុខាភិបាល​ដោយ​ជោគជ័យ ហើយ​សមិទ្ធផល​ទាំងអស់នេះ​បានកើត​ចេញពី​ការខិតខំ​ប្រឹងប្រែង​រប​ស់​និស្សិត​ផ្ទាល់​, ការគាំទ្រ​ពី​សំណាក់​ក្រុមគ្រួសារ​អាណាព្យាបាល ដែល​តែង​បាន​លះបង់​គ្រប់បែបយ៉ាង និង​លើកទឹកចិត្ត​ជាប់​ជាប្រចាំ ព្រមទាំង​ការចំណាយ​ពេលវេលា​កម្លាំង​កាយ​ចិត្ត​ក្នុងការ​បង្ហាត់បង្រៀន​ចែករំលែក​ចំណេះដឹង បទពិសោធន៍ និង​ដំបូន្មាន​ល្អៗ​ពី​សំណាក់​សាស្ត្រាចារ្យ លោកគ្រូ អ្នកគ្រូ។

ឯកឧត្ដម​បាន​មាន​ប្រសាសន៍​ថា អាជីព​ជា​គ្រូពេទ្យ ជា​អាជីព​បៀ​ប​ដូច​ទៅនឹង​ទេវតា ដែល​ជួយ​មនុស្ស​ឱ្យបាន​ជាសះស្បើយ និង​រួច​ផុតពី​ការស្លាប់​បាត់បង់​ជីវិត ដូច្នេះ​គឺ​ទាមទារ​ជា​ចាំបាច់​ណាស់​នូវ​ការយកចិត្តទុកដាក់​ខ្ពស់​ក្នុង​ការបន្ត​ខិតខំ​ស្រាវជ្រាវ​សិក្សា​រៀនសូត្រ និង​ធ្វើ​ទំនើបកម្ម​ជាប់​ជាប្រចាំ​ទាំង​លើ​ចំណេះដឹង​, បច្ចេកទេស និង​សម្ភារ​បរិក្ខារ សំដៅ​ធ្វើយ៉ាងណា​ឱ្យ​ដើរ​ទាន់​រាល់​ការវិវឌ្ឍ​ឥតឈប់ឈរ​នៃ​វិទ្យាសាស្ត្រ និង​បច្ចេកវិទ្យា ដែល​ជួយ​ដល់​ការធានាបាន​នូវ​ប្រសិទ្ធភាព និង​ស័ក្តិសិទ្ធិ​ក្នុងការ​ពិនិត្យ និង​ព្យាបាល​។

ឯកឧត្ដម​មាន​ប្រសាសន៍​បន្ត​ថា ខ្ញុំ​សូម​ថ្លែងអំណរគុណ​ដល់​គណៈ​គ្រប់គ្រង​, វេជ្ជបណ្ឌិត​, សាស្ត្រាចារ្យ​, លោកគ្រូ​, អ្នកគ្រូ និង បុគ្គលិក​ទាំង​អស់នៃ​សាកលវិទ្យាល័យ​កំពង់ចាម ដែល​បាន​ចូលរួមចំណែក​ជាមួយ​រាជរដ្ឋាភិបាល​ក្នុងការ​អប់រំ​បណ្តុះបណ្តាល​ធនធានមនុស្ស​លើ​ជំនាញ​សុខាភិបាល ដែល​កំពុងមាន​តម្រូវការ​ខ្ពស់​បម្រើឱ្យ​ការថែទាំង​សុខភាព និង​សុខុមាលភាព​របស់​ប្រជាពលរដ្ឋ​។ កិច្ចខិតខំ​ប្រឹងប្រែង​រួមគ្នា​នេះ នឹង​ញ៉ាំងឱ្យ​វិស័យ​សុខាភិបាល​របស់​យើង អាច​បន្ត​បោះជំហាន​រីកចម្រើន​ទៅមុខ​ប្រកបដោយ​គុណភាព​បន្ថែមទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម