ព័ត៌មានជាតិ

ស្នងការខេត្តបន្ទាយមានជ័យ បើកកិច្ចប្រជុំដាស់តឿនក្មេងៗឲ្យប្រឹងរៀនសូត្រ កុំបង្កអសន្តិសុខដល់សង្គមនាំវិនាសដល់ខ្លួន

បានផុស

១២ ខែ មុន

នៅ

ថ្ងៃអង្គារ ២១ មីនា ២០២៣

ដោយ

បន្ទាយមានជ័យ ៖ ដោយសារតែប៉ុន្មានថ្ងៃមានមានក្រុមក្មេងទំនើងដេញកាប់គ្នាផ្អើលពេញក្រុងសិរីសោភ័ណស្នងការខេត្តបានបើកកិច្ចប្រជុំដាស់តឿនដល់ក្មេងៗឲ្យប្រឹងរៀនសូត្រកុំបង្ករឿងអសន្តិសុខដល់សង្គមនាំឲ្យវិនាសខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះ ធ្វើឡើងក្នុងសាលប្រជុំស្នងការការនគរបាលខេត្តបន្ទាយមានជ័យ ដោយមានការចូលរួម លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ មន្ត្រីនគរបាលក្រោមឱវាទជាច្រើនរយនាក់ នៅព្រឹក ថ្ងៃទី ២១ ខែមីនា ឆ្នាំ ២០២៣។

លោកឧត្តមសេនីយ៍ទោ សិទ្ធិ ឡោះ បានមានប្រសាសន៍ក្នុងកិច្ចប្រជុំនោះថា ដោយសារតែប៉ុន្មានថ្ងៃមានក្រុមក្មេងទំនើងដេញកាប់គ្នាផ្អើលពេញក្រុងសិរីសោភ័ណ ក្មេងខ្លះធ្វើដាវច្នៃ កាំបិតតាំងតោ ក្រោយពីធ្វើសកម្មភាពហើយត្រូវបាន ស្នងការដ្ឋាននគរបាលខេត្តបន្ទាយមានជ័យបញ្ជាឲ្យសមត្ថកិច្ចជំនាញចុះឃាត់ខ្លួនបញ្ជូនទៅតុលាការ។

លោកឧត្តមសេនីយ៍ទោ សិទ្ធិ ឡោះ បានប្រសាសន៍ក្នុងកិច្ចប្រជុំនោះបន្តថា លោកមិន យោគយល់ ឬលើកលែងជាដាច់ខាត ចំពោះក្មេង និងយុវជនណា បង្កើតក្រុមបក្ខពួក អុកឡុកវាយកាប់ចាក់លួច ឆក់ ប្លន់ ពេញសហគមន៍ បង្កភាពអសន្តិសុខ គ្រប់ទម្រង់ គ្រប់រូបភាព ក្នុងភូមិសាស្ត្រខេត្ត ត្រូវបង្ក្រាប និង ឃាត់ខ្លួនកសាងសំណុំរឿងបញ្ជូនទៅតុលាការដើម្បីផ្តន្ទាទោសទៅតាមច្បាប់ជាធរមាន។

លោកឧត្តមសេនីយ៍ទោ សិទ្ធិ ឡោះ បានមានប្រសាសន៍ក្នុងកិច្ចប្រជុំនោះបន្តថា មាតា បិតា ឬអាណាព្យាបាលក្មេង និងយុវជនទាំងអស់ ត្រូវយកចិត្តទុកដាក់ អប់រំណែនាំកូនចៅឲ្យដើរតាមគន្លងល្អ ជាពលរដ្ឋល្អ កុំយកតម្រាប់តាមក្មេង និងយុវជនដើរបង្កអសន្តិសុខនាំឲ្យបាត់បង់ នូវកិតិ្តយស សេចក្តីថ្លៃថ្នូរ បង្កអសន្តិសុខដល់សង្គមជាតិ និង មានទោសព្រហ្មទណ្ឌទៀតផង។

លោកបានគាំទ្រ និង លើកទឹកចិត្ត ដល់យុវជនគ្រប់រូបដែលប្រឹងប្រែងរៀនសូត្រ ពង្រឹងសមត្ថភាព អភិវឌ្ឍ ចំណេះ ជំនាញ វិជ្ជាជីវៈ ហើយយកចំណេះដឹងទៅប្រើក្នុងផ្លូវត្រូវ ដើម្បីរួមចំណែកក្នុងការអភិវឌ្ឍន៍សង្គមជាតិ ឲ្យកាន់តែរីកចម្រើន ស្របតាមយុគសម័យឌីជីថល និង រួមគ្នាការពារសន្តិភាព ក្រោមការដឹកនាំដ៏ឈ្លាសវៃរបស់ប្រមុខរាជរដ្ឋាភិបាលផងដែរ៕

ដោយ ៖ វ៉ាន់ ណាង