រកឃើញបុរសដែលរត់គេចពីកន្លែងចត្តាឡីស័ក

ពេលនេះសមត្ថកិច្ធបានរកឃើញបុរសជនជាតិខ្មែរ សញ្ជាតិអាមេរិកម្នាក់ ដែលបានរត់គេចខ្លួនពីកន្លែងធ្វើចត្តាឡីសក្តិនាសណ្ឋាគារមួយកន្លែងក្នុងខណ្ឌចំការមន ហើយកាលពីល្ងាចថ្ងៃទី ១៧ ខែមករានេះ។

ស្នងការរដ្ឋាននគរបាលរាជធានីភ្នំពេញ ដឹកនាំដោយលោក ឧត្តមសេនីយ៍ទោ ប៊ុន សុសិក្ខា ស្នងការរងទទួល​ផែនសន្តិសុខ សហការជាមួយនគរបាលខណ្ឌដូនពេញ បានឃាត់បុរសខាងលើនៅចំនុចសណ្ឋាគារ Silver Mount ស្ថិតតាមបណ្តោយផ្លូវលេខ១៧២ ក្នុងសង្កាត់ជ័យជំនះ ខណ្ឌដូនពេញ។

បុរសជនជាតិខ្មែរ សញ្ជាតិអាមេរិក មានឈ្មោះ យឹម សេរីវុទ្ធី (Yem Seryvuti) កើតឆ្នាំ ១៩៨៤ បានរត់គេចចេញ​ពីកន្លែងធ្វើចត្តាឡីស័ក នៅក្នុងសណ្ឋាគារឡុងលីវ ស្ថិតតាមបណ្តោយផ្លូវលេខ៣១២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីវេលារសៀលថ្ងៃទី១៦ ខែមករា ឆ្នាំ២០២១ ម្សិលមិញ។

ពេលនេះបុរសរូបនេះ ត្រូវបានបញ្ចូនទៅធ្វើចត្តាឡីស័កបន្តនៅមណ្ឌលចត្តាឡីស័ក្ករាជធានីភ្នំពេញថ្មី សង្កាត់ ព្រែកព្នៅ ខណ្ឌព្រែកភ្នៅ រាជធានីភ្នំពេញ៕