ព័ត៌មានជាតិ

ឯកឧត្តម ឌី វិជ្ជា និងលោកជំទាវ នាំយកទេយ្យវត្ថុ និងអំណោយសម្ដេចតេជោប្រគេនដល់ព្រះសង្ឃ នៅពុទ្ធមណ្ឌលវិបស្សនាធុរៈ

បានផុស

១២ ខែ មុន

នៅ

ថ្ងៃអាទិត្យ ៩ មេសា ២០២៣

ដោយ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ព្រមទាំងកូនៗទាំងអស់នៅរសៀលថ្ងៃទី ៨ ខែមេសា ឆ្នាំ ២០២៣បានបាននាំយកទេយ្យវត្ថុ និងអំណោយរបស់សម្ដេចតេជោ និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដល់ជូន និងប្រគេនដល់ព្រះសង្ឃចំនួនព្រះសង្ឃ ១២៣ អង្គ យាយជី ១៦៤ នាក់ តាអាចារ្យ ចំនួន ៣៦នាក់ និងប្រជាជន ២០០ នាក់ នៅមណ្ឌលវិបស្សនាធុរៈ ស្ថិតនៅស្រុកពញាឮ ខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនោះ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានមានប្រសាសន៍ផ្តាំផ្ញើសួរសុខទុក្ខពីសំណាក់សម្ដេចតេជោ និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដែលជានិច្ចកាលសម្តេចទាំងទ្វេរតែងតែគិតគូរពីសុខទុក្ខ របស់ព្រះសង្ឃនិងប្រជាពលរដ្ឋគ្រប់ទីកន្លែង។ ត្បិតលោកទាំង២មិនបានអញ្ជើញមកផ្ទាល់ តែលោកតែងតែឲ្យកូនៗ និងចៅៗចុះធ្វើសកម្មភាពមនុស្សធម៌គ្រប់ទីកន្លែង។

ទេយ្យវត្ថុដែលផ្ដល់ជូនយាយជីតាជី សរុប២០០នាក់ ក្នុងម្នាក់ៗរួមមាន៖ ក្រណាត់ស១ដុំ, ច្រាស និងថ្នាំដុសធ្មេញ១ឈុត, ត្រីខ២យួរ, ទឹកដោះគោខាប់៤កំប៉ុង, មីម៉ាម៉ា២កេសតូច, មុង១, ភួយ១, ក្រមា១, ប្រេងកូឡា១, ប្រេងខ្យល់១, សាប៊ូដុំ១, ស្បែកជើងផ្ទាត់១គូ, តែ១ Kg, ស្ករស១Kg, កាហ្វេ១កញ្ចប់ធំ និងថវិកា៥ម៉ឺនរៀល។

សម្រាប់អំណោយផ្តល់ជូនប្រជាពលរដ្ឋចំនួន២០០គ្រួសារ ក្នុង១គ្រួសារទទួលបាន៖ អង្ករ២៥Kg, ច្រាស និងថ្នាំដុសធ្មេញ១ឈុត, ត្រីខ២យួរទឹកដោះគោ៤កំប៉ុង, មីម៉ាម៉ា២កេសតូច, មុង១, ភួយ១, ក្រមា១ប្រេងកូឡា១, ប្រេងខ្យល់១, សាប៊ូដុំ១ដុំ, ស្បែកជើងផ្ទាត់១គូ។ ព្រមទាំងបានចែកជូននូវកាតាបដែលមានសម្ភារៈសិក្សាជូនដល់សិស្សានុសិស្សជាច្រើនអ្នកផងដែរ។