មន្ត្រី​ចុះ​ពិនិត្យ​ទីតាំង​ដុត​ធ្យូង ដែល​បញ្ចេញ​ផ្សែង​​​លើ​ប្រជាពលរដ្ឋ​
Connect with us
Helistar Cambodia - Helicopter Charter Services

ព័ត៌មានជាតិ

មន្ត្រី​ចុះ​ពិនិត្យ​ទីតាំង​ដុត​ធ្យូង ដែល​បញ្ចេញ​ផ្សែង​​​លើ​ប្រជាពលរដ្ឋ​

Published

on

​នៅថ្ងៃទី២៩ ខែ​តុលា ឆ្នាំ២០២០នេះ លោក យ៉ៃ ឆ្លឿន អនុ​ប្រធាន​មន្ទីរ​បរិស្ថាន ខេត្ត​ឧត្តរមានជ័យ បាន​ដឹក​នាំ​មន្ត្រី និង​មាន​ការ​ចូលរួម​ពី​អាជ្ញាធរ​មូលដ្ឋាន បាន​ចុះ​ត្រួតពិនិត្យ​ទីតាំង​ជាក់​ស្ដែង​នៃ​ការ​ដុត​ធ្យូង​​ដែល​បញ្ចេញ​ផ្សែង​ហុយ​បង្ក​ឲ្យ​មាន​ផល​ប៉ះពាល់​ដល់​ប្រជាពលរដ្ឋ​ រស់នៅ​ភូមិ​ទួល​ប្រាសាទ និង​ភូមិ​អូរ​អង្រែ ឃុំ​ត្រពាំង​តាវ ។
 
​ជា​លទ្ធផល​ឃើញ​ថា ពិតជាមានដំណើរការដុតធ្យូង ក្នុងទីតាំងភូមិទាំងពីរមែន ខណៈរបាយការណ៍ពី​អាជ្ញាធរ បានឲ្យដឹងថា មានចំនួនគ្រួសារជាអ្នកដុតធ្យូង ក្នុងភូមិអូរអង្រែ ចំនួន១៦​គ្រួសារ​(២៥ឡ)​​និង​ភូមិទួលប្រាសាទ មាន០៦ គ្រួសារ(០៦ឡ) ។ 

ព័ត៌មាន​ពី​គ្រួសារ ដែល​កំពុង​ដំណើរការ​ឡ​ដុត​ធ្យូង រួមមាន៖
-ប្រមូល​ឈើ​ពី​ដី​ចម្ការ ដី​ស្រែ​ដោយ​សុំ​ពីម្ចាស់ដី ឬឈើគេអារចោល ដូចជាឈើចំបក់ ត្រាច….ទាំងឈើរស់នឹងឈើងាប់។
-ក្នុងមួយខែ រៀបចំឡដុត០១ បានចំនួន០១ ទៅ០២ដង ដោយផលទទួលបានធ្យូង ចម្លោះពី២០ ទៅ៣០​ការ៉ុង សម្រាប់ឡតូច និងឡធំពី៥០ ទៅ៨០ការ៉ុង និងធ្យូង០១ការ៉ុង លក់ពីចាប់ពីតម្លៃពី៨០០០ ដល់១០០០០រៀល ដោយមាន ឈ្មួញមកទិញទៅលក់បន្តនៅក្នុងស្រុក និងលក់ទៅថៃ 
-មានផ្សែងហុយ និងធុំក្លិនពីដំណើរការដុតធ្យូង 
-ការប្រកប​អាជីវកម្ម​មិនមាន​លិខិត​អនុញ្ញាត
-អ្នកប្រកប​មុខរបរ​ដុតធ្យូងភាគច្រើនជាអ្នក​មកពីខេត្តផ្សេងៗ 
-អ្នកខ្លះបានឈប់ដោយសាររកកំណាត់ឈើដុតធ្យូងមិនបាន។ ក្នុងពេលនោះដែរ លោកប្រធាន​ក្រុម និង​ក្រុមការងារបានធ្វើការណែនាំ និង​ផ្សព្វផ្សាយ​បទដ្ឋាន​គតិយុត្តិ​ផ្សេងៗ​ពាក់ព័ន្ធ​វិស័យ​បរិស្ថាន និង​មតិ​រួម​របស់ប្រធានក្រុមការងារបាន៖
សុំឲ្យគ្រួសារអ្នក​ដុតធ្យូងទាំង​អស់​បញ្ឈប់​ការ​ដុត​ធ្យូង ដោយ​ប្រកប​មុខរបរ​ថ្មី ២ក្នុង​ករណី​បន្ត​របរ​ដុត​ធ្យូង​ដដែល សុំ​ឲ្យ​គ្រួសារ​ទាំងអស់​ប្ដូរ​ទីតាំង​ថ្មី ដើម្បី​បញ្ចៀស​ពី​ផល​ប៉ះពាល់​ដល់​អ្នករស់នៅ​ក្នុង​តំបន់ និង​សុំច្បាប់​អនុញ្ញាត​ឲ្យ​បាន​ត្រឹមត្រូវ​ពី​អាជ្ញាធរ​មូលដ្ឋាន ជូន​មន្ទីរ​ជំនាញ​ពាក់ព័ន្ធ ហើយ​ជូន​មក​មន្ទីរ​បរិស្ថាន​ពិនិត្យ និង​ផ្ដល់​យោបល់ មាន​វិធានការ​កាត់​បន្ថយ​​ផល​ប៉ះពាល់​ដល់​សុខភាព​សាធារណ:​៕

អត្ថបទ ​៖ ចាន់ ធី


 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ24 mins ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

ព័ត៌មានជាតិ44 mins ago

អាជ្ញាធរស្រុកកៀនស្វាយទុកពេលឲ្យពលរដ្ឋ៤ថ្ងៃរុះរើសំណង់រំលោភផ្លូវសាធារណៈ

ព័ត៌មានជាតិ48 mins ago

រក​ឃើញ​​​អ្នក​ឆ្លង​កូវីដ១៩ ចំនួន​២​នាក់​ ទៀត​នៅ​ប៉េង​ ហួត ៦០​ម៉ែត្រ​​

ព័ត៌មានជាតិ58 mins ago

គិតមក​ដល់​ល្ងាចនេះ ទីតាំង​ពាក់ព័ន្ធ​ព្រឹ​ត្តិ​ការណ៍​សហគមន៍​២០​កុម្ភៈ ចំនួន​៧៥​ទីតាំង ​ត្រូវ​បាន​អាជ្ញាធរបិទ

ព័ត៌មានជាតិ1 hour ago

ហ្វីលីពីន​អរគុណ​កម្ពុជា​ដែល​បាន​ផ្តល់​ការ​ការពារ​និង​គាំពារ​បាន​យ៉ាង​យ៉ាង​ល្អ​ដល់​ពលរដ្ឋ​ហ្វី​លីន​ធ្វើការ​និង​ស្នាក់នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services