ព័ត៌មានជាតិ
អាជ្ញាធរក្រុង ទទូចស្នើសុំការចូលរួមពីអាជីវករលក់ដូរនៅបរិវេណសួនច្បារខេត្ត ចូលរួមអនុវត្តតាមការណែនាំរបស់កម្លាំងអាជ្ញាធរមានសមត្ថកិច្ច
ឧត្តរមានជ័យ ៖ យោងតាមប្រសាសន៍ដឹកនាំរបស់លោក ផុន ចាន់និល អភិបាល នៃគណៈអភិបាលក្រុងសំរោង និងជាប្រធានគណៈបញ្ជាការឯកភាពរដ្ឋបាលក្រុង ក្នុងការជំរុញការពង្រឹងការអនុវត្តន៍គោលនយោបាយភូមិឃុំមានសុវត្ថិភាព ការបង្ក្រាបបទល្មើសនានានៅក្នុងដែនសមត្ថកិច្ចរបស់ក្រុងសំរោង រួមទាំងកិច្ចការងារសន្តិសុខសណ្តាប់ធ្នាប់ទីប្រជុំជន ពិសេសនៅសួនច្បារខេត្ត នៅយប់ថ្ងៃទី១១ ខែឧសភា ឆ្នាំ២០២៣ លោក ប៊ុត វ៉ាន់ដេត អភិបាលរងក្រុងសំរោង បានដឹកនាំកងកម្លាំងមានសមត្ថកិច្ច ដោយមានកិច្ចសហការពីកងកម្លាំងអធិការដ្ឋាននគរបាលក្រុង ដើម្បីចុះយាមល្បាតនៅវេទិកាអុំទូក និងបរិវេណសួនច្បារខេត្តឧត្តរមានជ័យ ដើម្បីពង្រឹងការងារសន្តិសុខសណ្តាប់ធ្នាប់ និងវិធានការសុវត្ថិភាពជូនប្រជាពលរដ្ឋក្នុងក្រុងសំរោង។
ក្នុងនោះ ក្រុមការងារ បានជម្រាបជូនដល់អាជីវករដែលលក់ដូរនៅបរិវេណសួនច្បារ ឱ្យមកលក់ដូរប្រមូលផ្តុំខាងកើតវិមានឯករាជ្យ មិនអនុញ្ញាតឱ្យលក់ពាសវាលពាសកាលតាមចិត្តនោះទេ។ ជាមួយគ្នានេះ ក៏សូមជួយចូលរួមរៀបចំទុកដាក់សម្ភារៈរបស់ខ្លួន ដោយត្រូវប្រមូលទុក និងដឹកត្រឡប់ទៅផ្ទះរៀងៗខ្លួនក្រោយពេលលក់ដូររួច ហើយអាជ្ញាធរ មិនអនុញ្ញាតឱ្យទុកសម្ភារៈ តុ កៅអី ធុងទឹកកក ជើងឆត្រ ឆត្រ ចង្ក្រាន្ត ចង្អើរ…. នៅលើបរិវេណសួនច្បារនោះឡើយ ព្រោះថា ការទុកសម្ភារៈទាំងនោះ បានបង្កឱ្យមានខូចសោភណ្ឌភាព និងសណ្តាប់ធ្នាប់សាធារណៈនៅលើសួន។
ក្រុមការងារក្រុង នឹងប្រមូលដឹកជញ្ជូនចេញក្រោយពីម៉ោង ១២:០០នាទីយប់ថ្ងៃទី១១ ខែឧសភា ឆ្នាំ២០២៣ ក្នុងករណីដែលប្រជាពលរដ្ឋអាជីវករមិនចូលរួមសហការ៕
ដោយ ៖ ចាន់ ធី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ