Connect with us

សន្តិសុខសង្គម

ស្នងការខេត្តមណ្ឌលគិរី នឹងបញ្ជូនសំណុំរឿងលោកចៅសង្កាត់រងរមនា ទៅតុលាការនៅល្ងាចនេះ

បានផុស

នៅ

លោក សូ សុវណ្ណ ស្នងការរង នៃស្នងការដ្ឋាននគរបាលខេត្តមណ្ឌលគិរី បានប្រាប់កម្ពុជាថ្មី តាមទូរស័ព្ទនៅរសៀលថ្ងៃទី១៧ ខែឧសភានេះ ថា ខាងសាលាក្រុងមិនឃាត់ខ្លួនជនសង្ស័យនោះទេ ដោយសារខាងដើមបណ្តឹង(ជនរងគ្រោះ)សុំសំណូមពរមិនឲ្យឃាត់ខ្លួនជនសង្ស័យ ដោយជនសង្ស័យបានធានានឹងព្យាបាលរបួសឲ្យ។ ហើយរឿងនេះលោកបានធ្វើរបាយការណ៍បញ្ជូនទៅព្រះរាជអាជ្ញាល្ងាចនេះដើម្បីអនុវត្តនីតិវិធីបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា មុនពេលកើតហេតុជនរងគ្រោះបានប្រើពាក្យសម្តីធ្ងន់ៗមកលើជនសង្ស័យថា ឯងដើរតែលេង ហើយមានស្រីថែមទៀត ពេលនោះជនសង្ស័យឮក៏ខឹងយ៉ាងខ្លាំងទ្រាំមិនបានក៏ទាញកែវស្រាកំពុងផឹកមកគប់ជនរងគ្រោះត្រូវចំមុខបណ្តាលឲ្យរងរបួសធ្ងន់។ លោកថា ប៉ុន្តែជនរងគ្រោះមិនបានប្ដឹងផ្ដល់នោះទេ ឲ្យតែជនសង្ស័យព្យាបាលរបួសបានហើយ បើទោះបីយ៉ាងណាក៏ដោយ រឿងនេះមិនឲ្យចប់ទេនេះ ជារឿងបវេណីនៅតែអនុវត្តបន្ត សុំគោលការណ៍ពីតុលាការ ត្រូវចាប់ឬឃាត់ខ្លួន យើងមិនបញ្ចប់រឿងនេះនៅនគរបាលយុត្តិធម៌នោះទេ។

បន្ទាប់ពីកើតមានករណីហិង្សាដ៏កក្រើកនៅភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី កាលពីយប់ថ្ងៃទី​១៣ ខែឧសភា ឆ្នាំ២០២៣ ដោយជនសង្ស័យឈ្មោះ ហួរ ណារិន ភេទប្រុស អាយុ៤៣ឆ្នាំ ជនជាតិព្នង មុខរបរ ចៅសង្កាត់រង នៃសង្កាត់រមនា មានទីលំនៅភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី(ក្រៅឃុំ)។ រីឯជនរងគ្រោះឈ្មោះ ជ្រាង ណើប ភេទប្រុស អាយុ៦៣ឆ្នាំ ជនជាតិព្នង មន្ត្រីចូលនិវត្តន៍ នៅភូមិស្វាយចេក សង្កាត់សុខដុម ក្រុងសែនមនោរម្យ ខេត្តមណ្ឌលគិរី(របួសធ្ងន់)។

ក្នុងនោះ ក៏មានវត្តមានជនសង្ស័យ និងជនរងគ្រោះ ចូលរួមផឹកស៊ីផងដែរ។ លុះស្រវឹងរៀងខ្លួន ក៏កើតជាទំនាស់ពាក្យសម្ដី​ខ្លាំងក្លារវាងជនសង្ស័យ ដែលជាចៅសង្កាត់រងរមនា និងជនរងគ្រោះ។​ ភ្លាមនោះស្រាប់តែលោក ហួរ ណារិន ចៅសង្កាត់រង នៃសង្កាត់រមនា បានទាញកែវស្រាគប់ទៅលើឈ្មោះ ជ្រាង ណើប ទាំងកម្រោល បណ្ដាលឲ្យរងរបួសក្បាលហូរឈាមស្រោចពេញមុខរបួសធ្ងន់។

ក្រោយកើតហេតុ ជនសង្ស័យមិនត្រូវបានឃាត់ខ្លួននោះឡើយ ខណៈសមត្ថកិច្ចនគរបាលក្រុងសែនមនោរម្យ បានត្រឹមកសាងសំណុំរឿងចាត់ការតាមនីតិវិធី។ យ៉ាងណាក៏ដោយ មហាជនទូទៅកំពុងរង់ចាំតាមដានមើល ចំណាត់ការរបស់តុលាការខេត្តមណ្ឌលគិរី ក្នុងការអនុវត្តច្បាប់ទៅលើលោក ហួរ ណារិន ចៅសង្កាត់រង នៃសង្កាត់រមនា។ ខណៈរូបលោក ជាមន្ត្រីអាជ្ញាធរ ដែលជាគំរូល្អសម្រាប់ពលរដ្ឋ បែរជាផឹកស៊ីស្រវឹង ប្រើអំពើហិង្សាដ៏សាហាវព្រៃផ្សៃ៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម