ព័ត៌មានជាតិ
ត្រឹម១ខែខេត្តបន្ទាយមានជ័យ ទទួលពលករខ្មែរមកពីថៃជិត១ម៉ឺននាក់ និងឆ្លងកូវីដ៤៨នាក់
ក្នុងរយៈពេល១ខែនេះ ខេត្តបន្ទាយមានជ័យ ទទួលបានពលករខ្មែរឆ្លងដែនមកពីប្រទេសថៃប្រមាណជិត១ម៉ឺននាក់ ក្នុងនោះមានពលករឆ្លងជំងឺកូវីដ១៩ចំនួនជិត៥០នាក់។
លោក វេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យបានឲ្យដឹងនៅព្រឹកថ្ងៃទី២១មករានេះថា ចាប់តាំងពីថ្ងៃទី២០ ខែធ្នូ ឆ្នាំ២០២០ រហូតមកដល់ថ្ងៃទី២០ ខែមករា ឆ្នាំ២០២១នេះ ខេត្តបន្ទាយមានជ័យ ទទួលបានពលករខ្មែរមកពីថៃចំនួន៨៧៣៥នាក់ ស្រី៣៨១៧នាក់ កំពុងធ្វើចត្តាឡីស័កចំនួន៣៧៧៣នាក់ ស្រី១៧៦៤នាក់ ក្នុងនោះមានអ្នកវិជ្ជមានកូវីដ១៩ចំនួនសរុប៤៨នាក់ ស្រី៣៦នាក់ និងអ្នកជាសះស្បើយចំនួន១២នាក់ ស្រី១០នាក់ និងកំពុងព្យាបាល នៅមន្ទីរពេទ្យខេត្តចំនួន៣៦នាក់ ស្រី២៦នាក់។ លោកវេជ្ជបណ្ឌិតបានបន្តថា ជាមួយគ្នានេះដែរ យើងបានបញ្ជូនចេញឲ្យវិលត្រឡប់ទៅស្រុកកំណើតវិញចំនួន១០២៣នាក់ ស្រី៤០៩នាក់ និងអ្នកបានបញ្ចប់ចត្តាឡីស័ករយៈពេល១៤ថ្ងៃចំនួន៣៥១៨នាក់ ស្រី១៤៧៨នាក់។
លោក លី សារី អភិបាលរងនិងជាអ្នកនាំពាក្យសាលាខេត្តបន្ទាយមានជ័យ បានមានប្រសាសន៍ថា ពលករដែលត្រូវបញ្ជូនត្រឡប់ទៅស្រុកកំណើតវិញនោះ បន្ទាប់ពីពួកគេបានធ្វើចត្តាឡីស័កគ្រប់ចំនួន១៤ថ្ងៃ និងបានធ្វើតេស្តលើកទី១និងទី២ ដោយលទ្ធផលតេស្តអវិជ្ជមានវីរុសកូវីដ១៩រួចមក។ លោកបានបន្តថា រដ្ឋបានខេត្តបានចេញលិខិតបញ្ជាក់សុខភាពថា មិនមានជំងឺកូវីដ១៩ដល់ពលករ ដែលបានបញ្ជូនចេញឲ្យវិលត្រឡប់ទៅស្រុកកំណើតវិញ ផងដែរ ដើម្បីឲ្យអាជ្ញាធរខេត្ត ដែលទទួលពលករបន្តងាយស្រួល ក្នុងការចាត់ចែងនិងគ្រប់គ្រងឲ្យបានល្អសំដៅចូលរួមទប់ស្កាត់ការឆ្លងរីករាលដាលចូលទៅក្នុងសហគមន៍។
គួរបញ្ជាក់ថា គិតត្រឹមម៉ោង៧ព្រឹកថ្ងៃទី២១ ខែមករា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៤៥៣នាក់ ក្នុងនោះពលករខ្មែរមកពីថៃចំនួន៨១និងមានអ្នកជាសះស្បើយចំនួន ៣៩៦នាក់ និងអ្នកជំងឺកំពុងសម្រាកព្យាបាល នៅមន្ទីរពេទ្យចំនួន ៥៧នាក់ ក្នុងនោះពលករខ្មែរចំនួន៤៩នាក់៕
អត្ថបទ៖ សំអឿន
សូមចុចអាន៖ ពលករ ០៤ នាក់និងអ្នកដំណើរពីក្រៅ ០១ នាក់ ឆ្លងកូវីដ ១៩
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»