លោក ស ថេត គំរាម​ចាត់​វិធាន​ការ​ចំពោះ​អ្នកសារព័ត៌មាន​ណា​ ដែល​មិន​ស្តាប់​ការ​ណែនាំ​របស់​សមត្ថកិច្ច
Connect with us
Helistar Cambodia - Helicopter Charter Services

ព័ត៌មានជាតិ

លោក ស ថេត គំរាម​ចាត់​វិធាន​ការ​ចំពោះ​អ្នកសារព័ត៌មាន​ណា​ ដែល​មិន​ស្តាប់​ការ​ណែនាំ​របស់​សមត្ថកិច្ច

Published

on

ភ្នំពេញ ៖ លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង និង​ជា​ស្នងការ​នគរបាល​រាជធានី​ភ្នំពេញ បាន​គំរាម​ចាត់​វិធាន​ការ ចំពោះ​អ្នកសារព័ត៌មាន​មួយចំនួន​ចូល​ថត ឬ​ឡាយ សកម្មភាព​ទាំងឡាយ​ណា​ដែល​សមត្ថកិច្ច​កំពុងតែ​អនុវត្ត​ការងារ ឬ​ កំពុងតែ​ធ្វើ​ការ​តាមដាន ស្រាវជ្រាវ​កំណត់​មុខសញ្ញា។

លោក​ឧត្តមសេនីយ៍​ឯក​ បាន​ថ្លែង​នា​ព្រឹក​ថ្ងៃទី​២១ ខែមករា ឆ្នាំ​២០២១ ខណៈ​អ​ញ្ជើ​ញ​ដឹកនាំ​កិច្ចប្រជុំ ស្តី​ពី​ការ​កែសម្រួល ក្រុម​ប្រតិបត្តិការ បង្ក្រាប​បទ​ល្មើស​ពាក់ព័ន្ធ​ការងារ សន្តិសុខ ព្រហ្មទណ្ឌ គ្រឿងញៀន ការ​ជួញដូរ​មនុស្ស អន្តោ​ប្រវេសន៍ និង​ល្បែង​ស៊ី​សង​ខុសច្បាប់​ក្នុង​រាជធានី​ភ្នំពេញ។

សមាសភាព​ចូលរួម​ក្នុង​កិច្ចប្រជុំ​នេះ​រួមមាន លោក ប្រធាន និង​អនុប្រធាន ក្រុមការងារ ដើម្បី​ទទួល​មតិ​ណែនាំ​ល្អៗ ​របស់​ឯកឧត្តម ស្នងការ អំពី​របៀប​ចំ​ផែនការ​នៃ​ការ​តាមដាន ស្រាវជ្រាវ រហូត​ឈានដល់​ការ​បង្ក្រាប ទីតាំង​ប្រកបដោយ​ប្រសិទ្ធភាព។

ជា​កិច្ចបញ្ចប់​ឯកឧត្តម​ស្នងការ​បាន​ធ្វើ​ការណែនាំ​ដល់​មន្ត្រី​អនុវត្ត​ច្បាប់​ទាំងអស់ ត្រូវ​ធ្វើការងារ​ឲ្យ​បានច្បាស់លាស់ ហាម​មិន​ឲ្យ អ្នកសារព័ត៌មាន​មួយចំនួន​ចូល​ថត ឬ​ឡាយ សកម្មភាព​ទាំងឡាយ​ណា​ដែល​សមត្ថកិច្ច​កំពុងតែ​អនុវត្ត​ការងារ ឬ​ កំពុងតែ​ធ្វើ​ការ​តាមដាន ស្រាវជ្រាវ​កំណត់​មុខសញ្ញា​ល្មើស បង្ក្រាប​បទ​ល្មើ​ស ក៏ដូចជា​កំពុង​ធ្វើការជំនាញ​សំខាន់​ផ្សេងៗ​ទៀត។ ចំពោះ​អ្នក​ដែល​បំពាន មិន​ស្តាប់​តាម​ការណែនាំ​របស់​សម​ត្ថ​កិច្ច នោះ​សមត្ថកិច្ច​នឹង​ចាត់ការ​តាម​វិធានការ​ច្បាប់ ក៏ដូចជា​ច្បាប់​សារព័ត៌មាន៕

កែសម្រួល​ដោយ ៖ នាគព័ន្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services