ព័ត៌មានជាតិ
សម្តេចតេជោ អញ្ជើញមន្រ្តីជាន់ខ្ពស់ពីរនាក់ទៀត ទៅចាក់វាក់សាំងកូវីដ នៅមន្ទីរពេទ្យកាល់ម៉ែត្រ
ក្រៅពីប្រកាសស្ម័គ្រចិត្តចាក់វាក់សាំងកូវីដមុនគេ សម្តេចតេជោហ៊ុន សែន បានអញ្ជើញមន្រ្តីជាន់ខ្ពស់ពីររូបទៀតមានឯកឧត្តមឧបនាយករដ្ឋមន្រ្តី ជា សុផារ៉ា និងឯកឧត្តមទៀ បាញ់ រដ្ឋមន្រ្តីក្រសួងការពារជាតិ ដើម្បីចាក់វ៉ាក់សាំងជាមួយគ្នា។ សម្តេចតេជោបញ្ជាក់ថា វ៉ាក់សាំងកូវីដរបស់ចិននឹងមកដល់នៅអំឡុងខែកុម្ភៈនេះ ហើយសម្តេចនឹងស្ម័គ្រចិត្តក្នុងការចាក់មុនគេនិងដំបូងគេ។
ជាមួយគ្នានេះ ប្រមុខរដ្ឋាភិបាលក៏ណែនាំឲ្យក្រសួងសុខាភិបាលស្រង់ឈ្មោះអ្នកចូលរួមស្ម័គ្រចិត្ត ក្នុងការចាក់វ៉ាក់សាំងរបស់ចិនដោយឥតគិតថ្លៃ។ សម្តេចបង្ហាញពីទីតាំងសម្រាប់ការចាក់វ៉ាក់សាំងកូវីដ គឺនៅក្នុងមន្ទីរពេទ្យកាល់ម៉ែត្រ។ ក្រោយចាក់វ៉ាក់សាំងរួច សម្តេចនឹងធ្វើសន្និសីទដល់អ្នកសារព័ត៌មាន។
រដ្ឋាភិបាលចិនបានសម្រេចផ្តល់វ៉ាក់សាំង ១ លានដូសដល់កម្ពុជា ហើយក្នុងដំណាក់កាលដំបូង ចំនួន៣០ម៉ឺនដូស។ ក្រោយពេលចិនប្រកាសផ្តល់ជំនួយវ៉ាក់សាំង ប្រមុខរដ្ឋាភិបាលបានសរសេរលិខិតជូនទៅនាយករដ្ឋមន្ត្រីឥណ្ឌា និងកំពុងពិចារណាដាក់សំណើទៅប្រធានាធិបតីកូរ៉េខាងត្បូង ដើម្បីពិនិត្យលទ្ធភាពក្នុងការផ្គត់ផ្គង់ វ៉ាក់សាំងជូនដល់កម្ពុជា។
តាមប្រសាសន៍សម្តេចតេជោ ហ៊ុន សែន បានលើកពីច្រកទ្វារ ៣ ដែលកម្ពុជាអាចរកវ៉ាក់សាំងកូវីដ១៩ គឺច្រកទី១ តាមរយៈគម្រោង COVAX ជាគម្រោងរបស់អង្គការសុខភាពពិភពលោក ដែលមានសមាជិក១៩០ប្រទេស និងច្រកទី២ គឺការចរចាជាមួយដៃគូប្រទេស និងប្រទេស ដូចជាកម្ពុជាជាមួយចិន កម្ពុជាជាមួយឥណ្ឌា និងកម្ពុជាជាមួយកូរ៉េខាងត្បូង។ ចំណែកឯច្រកទី៣ រដ្ឋាភិបាលនឹងចរចាផ្ទាល់ជាមួយក្រុមហ៊ុន ដូចជាក្រុមហ៊ុនវ៉ាក់សាំងរបស់អង់គ្លេសជាដើម៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ