ព័ត៌មានជាតិ
លោក ស សុខា ចូលរួមចែកវិញ្ញាបនបត្រ ភាពអ្នកដឹកនាំនិងគ្រប់គ្រងដល់និស្សិតចំនួន២៦៩នាក់
និស្សិតចំនួន២៦៩នាក់ ក្នុងនោះមានស្រីចំនួន១៦៣នាក់ បានទទួលវិញ្ញាបនបត្រភាពអ្នកដឹកនាំនិងគ្រប់គ្រង ពីលោក ស សុខា រដ្ឋលេខាធិការក្រសួងអប់រំយុវជននិងកីឡាជាប្រធានក្រុមប្រឹក្សាភិបាលសាកលវិទ្យាល័យជាតិមានជ័យ ដែលមានការសិក្សាមានរយៈខ្លី នៅសាលប្រជុំសាកលវិទ្យាល័យជាតិមានជ័យ ស្ថិតក្នុងភូមិបាណយ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ នៅព្រឹក ថ្ងៃទី២៣ ខែមករា ឆ្នាំ២០២១នេះ ដែលមានអ្នកចូលរួម លោក ខេង ស៊ុំ ប្រធានក្រុមប្រឹក្សាខេត្ត លោក អ៊ុំ រាត្រី អភិបាលខេត្ត លោក ជ័យ សារិន ប្រធានគណៈកម្មាធិការគ្រប់គ្រងសាកលវិទ្យាល័យជាតិមានជ័យ លោក ឈូ ប៊ុនរឿង ប្រធានមន្ទីរអប់រំយុវជនកីឡាខេត្ត លោកឧត្តមសេនីយ៍ ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមន្ត្រីអ្នកមុខអ្នកការជាច្រើនអ្នកទៀត។
លោក ជ័យ សារិន បានមានប្រសាន៍ថា និស្សិតចូលរៀនសិក្សាក្នុងសាលាសាកលវិទ្យាល័យជាតិមានជ័យនេះមាន៣កម្រិតក្នុងនោះមានបរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង។បរិញ្ញា បត្រជាន់ខ្ពស់សិក្សាមាន៥ជំនាញ បរិញ្ញាបត្រមានចំនួន១៦ជំនាញ បរិញ្ញាបត្ររងមានចំនួន៤ជំនាញ បរិញ្ញាបត្រជាន់ខ្ពស់សិក្សាមានរយះពេល៦ឆ្នាំ បរិញ្ញាបត្រសិក្សាមានរយះពេល៤ឆ្នាំ បរិញ្ញា បត្ររងសិក្សាមានរយះពេល៤ឆ្នាំ។
ក្នុងនោះលោក ស សុខា បានមានប្រសាសន៍ថា ឆ្នាំ២០២០កន្លងមកនេះ ប្រទេសកម្ពុជា ក៏ដូចពិភពលោកកំពុងប្រយុទ្ធប្រឆាំងនិងជំងឺកូវីដ.១៩ ខ្លាំងយ៉ាងណាក៏ដោយ ក៏រដ្ឋាភិបាលកម្ពុជា ដឹកនាំដោយសម្តេច តេជោហ៊ុន សែន បានឲ្យបើកបវេសនកាលឆ្នាំសិក្សា២០២០.២០២១ ដ៏មានសារៈសំខាន់នេះឡើងវិញដែរ ដើម្បីផ្តល់ឪកាសដល់សិស្សានុសិស្ស និសិត្ស ឲ្យបានចូលរៀនឡើងវិញ។ លោក សសុខា បានមានប្រសាសន៍បញ្ជាក់ឲ្យដឹងបន្តទៀតថា និស្សិតទាំងអស់ត្រូវហានលះបង់នូវពាក្យចំនួន ៥យ៉ាង ដែលមិនគួរនិយាយ១ពាក្យថា ពិបាក ក្រោយពេលដែលយើងនិយាយពាក្យថា ពិបាកនោះវានឹងរារាំងដល់សមត្ថភាពរបស់យើងប្រសិនបើយើងប្រកាន់យកពាក្យនេះយើងមិនអាចជម្នះនូវឧបសគ្គទាំងឡាយណាបានឡើយក្នុងមួយជីវិតយើងនេះបានឡើយ ២ពាក្យថា ធ្វើមិនបាន ព្រោះពាក្យនេះវានឹងក្លាយទៅជាភាពទន់ជ្រាយដែលឲ្យយើងត្រូវបោះបង់នូវអ្វីដែលកំពុងធ្វើឬក៏បិទបាំងនូវចំណេះដឹងថ្មីៗដែលយើងមិនធ្លាប់ជួប យើងត្រូវគិតថាគ្មានអ្វីមួយដែលធ្វើមិនបាននោះទេ គ្រាន់តែពេលខ្លះវាត្រូវការពេលវេលាតែប៉ុណ្ណោះ ការព្យាយាមនឹងបានសម្រេច ៣កុំអស់សង្ឃឹម ព្រោះពាក្យនេះនិយាយចេញមកពេលណា កម្លាំងទាំងអស់ ទាំងកម្លាំងកាយនិងកម្លាំងចិត្តនឹងត្រូវបាត់ជ្រុះចុះត្រូវចេះលើកទឹកចិត្តខ្លួនឯង និងមានក្តីសង្ឃឹមជានិច្ច ៤ពាក្យថាខ្ជិល មិនគួរនិយាយសូម្បីតែនិយាយលេងក៏ដោយ ព្រោះវានឹងបង្កើតការដែលមិនមានទំនួលខុសត្រូវប្រសិនបើយើងប្រកាន់យកពាក្យនេះទុកក្នុងចិត្ត វាស្មើនឹងពាក្យទទួលយកនូវការបរាជ័យក្នុងជីវិតបាត់ទៅហើយ ៥ពាក្យថាហក់នៅពេលដែលយើងនិយាយពាក្យទាំងនេះចេញមករាងកាយទាំងមូលនឹងតបស្នងមកវិញនូវភាពហត់ទន់ខ្សោយមួយរំពេចធ្វើអ្វីក៏ដោយយើងត្រូវតែចេះប្រមាណកម្លាំងឬស្ទាបស្ទង់កម្លាំងពេលខ្លះបើហត់ត្រូវសម្រាកបន្តិចឲ្យមានកំលាំងរួចធ្វើដំណើរទៅមុខបន្តទៀតនោះទើបយើងបានសម្រេចលទ្ធផល។
លោកបានបញ្ជាក់ឲ្យដឹងទៀតថា ក្រោមការដឹកនាំដ៏ប៉ិនប្រសប់របស់ សម្តេចតេជោហ៊ុនសែនបានដាក់ចេញនូវផែនការយុទ្ធសាស្ត្រចតុកោណ បានអនុញ្ញាតឲ្យគ្រឹះស្ថានឧត្តមសិក្សាសាធារណះចូលរួមចំណែកក្នុងការបណ្តុះបណ្តាលធនធានមនុស្សក្រោយការត្រួតពិនិត្យដោយផ្ទាល់របស់ក្រសួងអប់រំយុវជន និងកីឡា ដើម្បីលើកកំពស់គុណភាព ប្រសិទ្ធភាព និងសីលធម៍នៃការអប់រំថ្នាក់ឧត្តមសិក្សា និងថ្នាក់ក្រោមឧត្តមសិក្សានេះ។លោកបានបញ្ជាក់ទៀតថានៅក្នុងនៅសាកលវិទ្យាល័យជាតិមានជ័យ នេះបាននិងកំពុងធ្វើការបណ្តុះបណ្តាលធនធានមនុស្សដោយឈរលើគោលការណ៍គុណភាពជាចម្បងហើយនិងបានខិតខំអប់រំនិស្សិតដោយយកចិត្តទុកដាក់ខ្ពស់បំផុតដើម្បីឆ្លើយតបទៅនិងការអភិវឌ្ឍន៍ដើម្បីប្រគួតប្រជែងនៅក្នុងតំបន់អាស៊ាននិងពិភពលោកផងដែរ។
ក្នុងនោះលោក ស សុខា បានធ្វើការកោតសរសើរនិស្សិតទាំងដែលបានខិតខំប្រឹងប្រែងរៀនសូត្រយកអស់កំលាំងកាយចិត្តដើម្បីប្រែក្លាយជាធនធានមនុស្សដោយឈរលើគោលការណ៍គុណភាពជាចម្បងដែលប្រទេសជាតិត្រូវការចាំចាច់មិនអាចអត់បានឡើយ៕
អត្ថបទ ៖ វ៉ាន់ ណាង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ