ទប់ស្កាត់ភ្លើងឆេះព្រៃនៅរដូវប្រាំងនេះបាន ពលរដ្ឋត្រូវគោរពគោលការណ៍ ៧ ចំណុច
Connect with us
Helistar Cambodia - Helicopter Charter Services

ព័ត៌មានជាតិ

ទប់ស្កាត់ភ្លើងឆេះព្រៃនៅរដូវប្រាំងនេះបាន ពលរដ្ឋត្រូវគោរពគោលការណ៍ ៧ ចំណុច

Published

on


ភ្នំពេញ៖ ក្រសួងកសិកម្មរុក្ខប្រមាញ់និងនេសាទបានដាក់ចេញវិធានការចំនួន ៧ ចំណុចដើម្បីទប់ស្កាត់ភ្លើងឆេះព្រៃនៅក្នុងរដូវប្រាំងដែលនឹងឈានចូលមកដល់នាពេលខាងមុខនេះ។

ការដាក់ចេញវិធានការទាំងនេះធ្វើឡើងបន្ទាប់ពីកន្លងមក កត្តាចម្បងដែលបង្កឱ្យមានភ្លើងឆេះព្រៃញឹកញាប់បំផុតនារដូវប្រាំង តាមរយៈសកម្មភាពមានជាអាទិ៍ ការកាប់ ឆ្ការដុតរានព្រៃដើម្បីដាំដំណាំកសិកម្មផ្សេងៗ ការធ្វើកសិកម្មពនេចរ ការតាំងទីលំនៅដ្ឋានថ្មី ការដុតព្រៃដើម្បីចាប់សត្វការបន្សល់ដើមភ្លើងនៅក្នុងព្រៃតាមរយៈការធ្វេសប្រហែសរបស់មនុស្ស។ល។


ជាងនេះទៀតការបង្ករឲ្យមានភ្លើងឆេះព្រៃដែលតែងកើតមានជារៀងរាល់ឆ្នាំបានបង្កឱ្យមានបញ្ហាធ្ងន់ធ្ងរដល់ការបាត់បង់ធនធានព្រៃឈើ ព្រៃលិចទឹកនិងរាលដាលរហូតដល់ឆេះស្រូវ និងភូមិរបស់ប្រជាពលរដ្ឋ ហើយបានបង្កវិនាសកម្មនិងការខាតបង់យ៉ាងធ្ងន់ធ្ងរដល់សង្គម សេដ្ឋកិច្ចជនបទ សេដ្ឋកិច្ចជាតិ ធនធានធម្មជាតិនិងបរិស្ថាន។

លោក វេង សាខុន រដ្ឋមន្ត្រីក្រសួងកសិកម្មរុក្ខប្រមាញ់និងនេសាទបានឲ្យដឹងនៅក្នុងសេចក្តីជូនដំណឹងមួយបានឲ្យដឹងនូវវិធានការទាំង៧ចំណុចនោះរួមមាន៖

១-ទប់ស្កាត់ការប្រើប្រាស់ភ្លើងជាមធ្យោបាយដើម្បីយកឃ្មុំការដុតស្ទាក់ចាប់សត្វនិងការដុតវាលស្មៅដើម្បីយកល្បាស់ធ្វើចំណីសត្វពាហនៈ។

២-ទប់ស្កាត់ការកាប់ឆ្ការ គាស់រានឈូសឆាយ ដុតព្រៃឈើ និងព្រៃលិចទឹក ដើម្បីពង្រីកផ្ទៃដីដំណាំកសិកម្ម
ឬក្នុងគោលបំណងផ្សេងៗទៀតដែលជាសកម្មភាពល្មើសច្បាប់និងនាំមកនូវភ្លើងឆេះព្រៃឈើ ព្រៃលិចទឹក និងរាលដាល
រហូតដល់ឆេះស្រូវនិងភូមិរបស់ប្រជាពលរដ្ឋ។

៣-ក្នុងករណី ដុតកាកសំណល់ឈើព្រៃ ដើម្បី ដាំដំណាំកសិកម្មនិងសកម្មភាពស្របច្បាប់ផ្សេងទៀត ត្រូវជូនដំណឹងដល់មន្ទីរកសិកម្ម រុក្ខាប្រមាញ់និងនេសាទ ។

៤-ការរុករកផល អនុផលព្រៃឈើជាប្រពៃណីនិងសកម្មភាពផ្សេងទៀតដែលចាំបាច់ត្រូវប្រើភ្លើងជាមធ្យោបាយ(ដុតរណ្តៅជ័រ)ត្រូវពន្លត់ភ្លើងឱ្យអស់ជាចាំបាច់មុនពេលចាកចេញពី តាំងដែលប្រើភ្លើងនោះ។

៥-ក្នុងករណីកើតមានភ្លើងឆេះព្រៃត្រូវប្រញាប់ចាត់វិធានការទប់ស្កាត់ជាបន្ទាន់តាមរយៈការប្រកាសអាសន្ន ។

៦-ត្រូវចាត់វិធានការតាមផ្លូវច្បាប់ចំពោះជនណាដែលបានកាប់រុករាន ដុតព្រៃនិងកាន់កាប់ដីព្រៃឈើដែលឆេះ ហើយដោយអនាធិបតេយ្យដែលផ្ទុយនឹងច្បាប់និងបទបញ្ជានានារបស់រាជរដ្ឋាភិបាលនិង

៧-ត្រូវហាមឃាត់ការចូលប្រើប្រាស់ដីព្រៃឈើ និងព្រៃលិចទឹកដែលឆេះរួចដើម្បីទុកលទ្ធភាពឱ្យរុក្ខជាតិដុះឡើងវិញតាមលក្ខណៈធម្មជាតិ។

អនុលោមតាមច្បាប់ស្ដីពីព្រៃឈើនិងច្បាប់ស្ដីពីជលផលប្រជាពលរដ្ឋកងកម្លាំងប្រដាប់អាវុធនិងអាជ្ញាធរដែនដីគ្រប់ថ្នាក់ត្រូវមានករណីយកិច្ចទទួលខុសត្រូវថែរក្សាការពារព្រៃឈើបង្ការនិងប្រយុទ្ធនឹងភ្លើងឆេះព្រៃចូលរួមថែរក្សាជម្រកមច្ឆាជាតិការពារបង្ការនិងប្រយុទ្ធនឹងភ្លើងឆេះព្រៃលិចទឹកនៅតាមមូលដ្ឋានរៀងរៀងខ្លួន។ ជនណាដែលបានប្រព្រឹត្ត ឬបង្កឱ្យមានភ្លើងឆេះព្រៃ ឬភ្លើងឆេះព្រៃលិចទឹកដោយចេតនាត្រូវផ្តន្ទាទោសក្រោមបទល្មើសព្រៃឈើថ្នាក់ទី១ ឬ បទល្មើសជលផលថ្នាក់ ទី១ដែលត្រូវជាប់ពន្ធនាគារពី៣ឆ្នាំទៅ៥ឆ្នាំ ឬពី៥ឆ្នាំទៅ១០ឆ្នាំ៕

អត្ថបទ៖ សំអឿន

ចុចអាន៖ ឃ្មុំ​ធម្មជាតិ​ដែល​ពលរដ្ឋ​ស្វែងរក​នៅ​បឹង​ទន្លេសាប​ បាន​ដាក់​លក់​នៅ​ផ្សារ​បន្លែ​ច្បារអំពៅ​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 mins ago

ផាកពិន័យ​បុរស​ខ្មែរ​ម្នាក់ ​២​លាន​រៀល លួច​ដើរហើរ ​មិន​អនុវត្ត​ច​ត្តា​ឡី​ស័កបានត្រឹមត្រូវ

ព័ត៌មានជាតិ5 mins ago

ក្ដៅ! រដ្ឋសភាបានអនុម័តសេចក្តីព្រាងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវផ្សេងទៀត

ព័ត៌មានជាតិ16 mins ago

វត្តមង្គលវ័នចម្រើនពរម្ចាស់ចេតិយផ្លាស់ប្ដូរអដ្ឋិធាតុយកទៅតម្កល់នៅកន្លែងថ្មី

ព័ត៌មានជាតិ23 mins ago

ស្វែង​យល់​ពី​អាពាហ៍ពិពាហ៍ ៧ យប់ ៧ ថ្ងៃ ដូន​តា​ខ្មែរ​តាំង​ពី​ជំនាន់​ព្រះថោង នាងនាគ

ព័ត៌មានជាតិ24 mins ago

ក្រសួងសុខាភិបាល ប្រកាសកម្មវិធីចាក់វ៉ាក់សាំងកូវីដ១៩ ពិសេសចំពោះប្រជាពលរដ្ឋអាយុ៦០ឆ្នាំឡើង និងជនបរទេស

Sokha Hotels

ព័ត៌មានពេញនិយម

Helistar Cambodia - Helicopter Charter Services