ព័ត៌មានជាតិ
ទាហានមួកខៀវកម្ពុជាម្នាក់ វិជ្ជមានកូវីដ-១៩ ក្រោយត្រឡប់មកពីបំពេញបេសកកម្មនៅប្រទេសស៊ូដង់ខាងត្បូង
ក្រសួងសុខាភិបាល បានប្រកាសនៅព្រឹកថ្ងៃទី៣០តុលានេះថា ទាហានមួកខៀវកម្ពុជាយើងម្នាក់ ធ្វើតេស្តវិជ្ជមានកូវីដ-១៩ ក្រោយពីត្រឡប់មកពីបំពេញបេសកកម្ម ក្រោមឆត្រអង្គការសហប្រជាជាតិវិញ។
ក្រសួង បញ្ជាក់ថា បុរសជនជាតិខ្មែរអាយុ៥១ឆ្នាំម្នាក់ មានអាសយដ្ឋានស្នាក់នៅខណ្ឌទួលគោក រាជ ធានីភ្នំពេញ ជាមន្ត្រីផ្នែកប្រតិបត្តិការរបស់អង្គការសហប្រជាជាតិប្រចាំបេសកកម្មនៅ South Sudan (UNMISS) បានធ្វើដំណើរមកពីប្រទេសស៊ូដង់ខាងត្បូង បន្តជើងហោះហើរនៅប្រទេសគុយបា មកបន្តជើងហោះហើរនៅប្រទេសអេត្បូពី (Ethiopia) រួចបានបន្តជើងហោះហើរនៅប្រទេសកូរ៉េខាងត្បូង មកដល់កម្ពុជា កាលពីថ្ងៃទី២៨ ខែតុលា ឆ្នាំ២០២០។ លទ្ធផលធ្វើតេស្តវត្ថុសំណាករបស់បុគ្គលនេះ គឺវិជ្ជមានវីរុសកូវីដ-១៩ ដែលផ្តល់ដោយវិទ្យាស្ថានប៉ាស្ទ័រកម្ពុជា រាជធានីភ្នំពេញ ហើយបច្ចុប្បន្ន អ្នកជំងឺត្រូវបានដាក់ឲ្យសម្រាកព្យាបាលនៅមន្ទីរពេទ្យ មិត្តភាពខ្មែរ-សូវៀត។
ក្រសួងសុខាភិបាល អះអាងថា អ្នកដំណើរតាមយន្តហោះជាមួយអ្នកជំងឺខាងលើ សរុបមានចំនួន៨៧នាក់ (ស្រី២៥នាក់ កុមារ០៤នាក់ ទារក០១នាក់ និងបុរស៥៧ នាក់) ដែលក្នុងចំនួននេះ មានអ្នកជំងឺខាងលើនេះផងដែរ។
រីឯអ្នកដំណើរចំនួន៨៦នាក់ទៀត ដែលមានលទ្ធផលតេស្ត អវិជ្ជមានវីរុសកូវីដ-១៩ នោះ ត្រូវបានដាក់ឲ្យធ្វើចត្តាឡីស័កចំនួន១៤ថ្ងៃ នៅវិទ្យាល័យពោចិនតុងចំនួន២៤នាក់ សណ្ឋាគារមួយ ក្នុងរាជធានីភ្នំពេញចំនួន១៤នាក់ , សណ្ឋាគារមួយទៀតក្នុងរាជធានីភ្នំពេញចំនួន០៣នាក់, សណ្ឋាគារមួយទៀត ក្នុងរាជធានីភ្នំពេញចំនួន៤៣នាក់ និងសណ្ឋាគារមួយផ្សេងទៀតក្នុងរាជធានីភ្នំពេញចំនួន០២នាក់។
សូមបញ្ជាក់ថា គិតមកដល់ម៉ោង៧ព្រឹក ថ្ងៃទី៣០ ខែតុលា ឆ្នាំ២០២០ នៅទូទាំងប្រទេសកម្ពុជា រកឃើញអ្នកឆ្លងជំងឺកូវីដ-១៩ សរុបចំនួន២៩១នាក់។ ក្នុងនោះ២៨៣នាក់ ត្រូវបានព្យាបាលជាសះស្បើយ និង៨នាក់ កំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ក្នុងរាជធានីភ្នំពេញ ( បុរសជនជាតិខ្មែរ៤នាក់ ស្ត្រីជនជាតិខ្មែរម្នាក់ បុរសជនជាតិប៉ូឡូញម្នាក់ បុរសជនជាតិបារាំង ម្នាក់ និងស្ត្រីជនជាតិបារាំងម្នាក់ )៕
អត្ថបទ ៖ កោះកែវ
-
ចរាចរណ៍៦ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៦ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៧ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៥ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២២ ម៉ោង ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
សេចក្ដីជូនដំណឹង២ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ព័ត៌មានជាតិ១ ថ្ងៃ ago
តុលាការ បញ្ជារឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ