ព័ត៌មានជាតិ

ក្លិប Rotary និង Makro Groupរួមគ្នាសហការរៀបចំព្រឹត្តិការណ៍សប្បុរសធម៌បរិច្ចាគឆ្នាំងស៊ុបថ្មីដល់អ្នកលក់គុយទាវ៤០នាក់

បានផុស

១០ ខែ មុន

នៅ

ថ្ងៃចន្ទ ២៥ មករា ២០២១

ដោយ

ដោយមានការចាត់ចែងរៀបចំពីសំណាក់ ក្លិបរ៉ូតថារី ខេបភីថល និងផ្សារទំនើបម៉ាក្រូសហ ការរៀបចំដោយក្លិបរ៉ូតថារី សេនត្រល និងក្លិបរ៉ូតថារី ចតុមុខ ព្រឹត្តិការណ៍ដ៏ពិសេសនៅទីតាំងផ្សារទំនើបម៉ាក្រូ សាខាសែនសុខនៅថ្ងៃទី២៤ ខែមករាឆ្នាំ ២០២១ ដើម្បីផ្តល់ឆ្នាំងស៊ុបថ្មីធ្វើពីដែកអីណុកល្អដល់អ្នកលក់ គុយទាវសរុបចំនួន ៤០រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានក្លឹប ហុង ចុងចូវ តំណាងសមាជិករ៉ូតថារី ខេបភីថល បានលើកឡើងថា ឆ្នាំងចាស់ៗឬឆ្នាំងអាលុយមីញ៉ូម ដែលត្រូវបានកម្ដៅនៅសីតុណ្ហភាពខ្ពស់នឹងបង្កជាជាតិគីមីអាលុយមីញ៉ូមអីដ្រូសែនអីដ្រូហ្សែន ដែលបង្កអន្តរាយដល់សុខភាពរាងកាយមនុស្ស និងអាចបណ្តាលឲ្យកើតជំងឺតម្រងនោមនិងជំងឺវង្វេង។ ផ្អែកលើការពិចារណាដ៏ម៉ត់ចត់ និងគិតគូរខ្វល់ខ្វាយអំពីសុវត្ថិភាពចំណីអាហាររបស់ប្រជាជនកម្ពុជា លោកបានបានផ្តួចផ្តើមសហការគ្នារវាងម៉ាក្រ ក្លឹបសេនត្រល និងក្លឹបចតុមុខ ដើម្បីប្រារព្ធកម្មវិធីប្រគល់ឆ្នាំងស៊ុបថ្មីនេះ ដោយសង្ឃឹមថា សកម្មភាពនេះនឹងទាក់ទាញចំណាប់អារម្មណ៍របស់សង្គមនិងសាធារណជនឲ្យយើងបរិភោគ ដោយសុវត្ថិភាពនិងអនាម័យ។ អ្នកស្រី ឡេង ផល្លី ប្រធានបង្កើតក្លិបរ៉ូតថារី ចតុមុខ បាននិយាយថា ប្រសិនបើអាជីវករម្នាក់ ក្នុង១ហាងលក់គុយទាវបាន១០០ចានក្នុងមួយថ្ងៃ ចុះហាងចំនួន៤០នឹងលក់គុយទាវបានចំនួន ៤០០០ ចាន ស្មើនឹងការជួយសង្គ្រោះអតិថិជន ៤.០០០ នាក់ឲ្យជៀសពីជំងឺ និងអាចបរិភោគចំណីអាហារដោយសុវត្ថិ ភាព។ យើងប្រារព្ធព្រឹត្តិការណ៍បែបនេះជារៀងរាល់ឆ្នាំ ដើម្បីធ្វើឲ្យប្រជាជយល់ដឹងអំពីសុវត្ថិភាពចំណីអាហារ កាន់តែច្រើននិងធ្វើឲ្យមនុស្សបរិភោគកាន់តែមានសុខភាពល្អនិងមានសុវត្ថិភាព។ ប្រធាន គង់ និមល តំណាង សមាជិកក្លិបរ៉ូតថារី សេនត្រល ក៏បានថ្លែង ផងដែរ ថា ក្លឹប រ៉ូតថារី នៅរាជធានីភ្នំពេញមានច្រើនកំពុងមានវត្តមាន ជំនួយផ្សេងៗបន្ថែមជាច្រើន ដោយមានការលើកស្ទួយជួយដល់ប្រជាជនក្រីក្រ ក្នុងតំបន់រងគ្រោះនិងជួបផល លំបាកក្នុងសង្គម។ រ៉ូតថាវីយើងនឹងធ្វើការជាមួយប្រជាជនកម្ពុជា ដើម្បីបង្កើតឲ្យមានសុខភាពល្អនិងជីវិតប្រសើរឡើង។

ប្រធានក្លិបរ៉ូតថារី ខេបភីថល លោក ហុង ចុងចូវ បានបន្តថ្លែងសន្ទរកថាថា ក្លឹប Rotary គឺជាសមាគម សប្បុរសធម៌ប្រចាំតំបន់នីមួយៗ ដែលត្រូវបានបង្កើតឡើងស្របតាមច្បាប់របស់ក្លិប រ៉ូតថារី អន្តរជាតិ ក្នុងគោល បំណងលើកកម្ពស់ ផ្លាស់ប្ដូរមនុស្សឲ្យមានវិជ្ជាជីវៈខ្ពស់និងផ្តល់សេវាសង្គមទៀត។ ជាគោលការណ៍ការប្រជុំ ទៀងទាត់នឹងត្រូវធ្វើឡើងម្តងក្នុងមួយសប្តាហ៍តាមពេលវេលាកំណត់និងពេលវេលា (ប៉ុន្តែយ៉ាងហោចណាស់មាន ការប្រជុំទៀងទាត់ចំនួនពីរត្រូវធ្វើឡើងរៀងរាល់ខែ) ។ ក្លិបរ៉ូណលនីមួយៗ គឺជាសង្គមដំណើរការដោយឯករាជ្យ ត្រូវបានយល់ព្រមដោយក្លឹប Rotary Club វាអាចត្រូវបានបង្កើតឡើងជាធម្មតាមានឈ្មោះទីក្រុង តំបន់ដែលមានទីតាំងនៅឈ្មោះក្រុមហ៊ុន

ក្លិបរ៉ូតថារី ដំបូងបង្អស់លើពិភពលោកត្រូវបានបង្កើតឡើងដោយ Paul Harris នៅទីក្រុងឈីកាហ្គោ រដ្ឋអ៊ុលី ណោយ សហរដ្ឋអាមេរិក នៅថ្ងៃទី២៣ ខែកុម្ភៈ ឆ្នាំ១៩០៥ ។

អ្នកគ្រប់គ្រងទូទៅផ្សារម៉ាក្រ លោក ផាត់ឆារ៉ា បានមានប្រសាសន៍ថាសកម្មភាពបរិច្ចាគឆ្នាំងស៊ុបដែកនេះ តែងតែបានប្រារព្ធនៅប្រទេសថៃ អស់រយៈពេលជាច្រើនឆ្នាំមកហើយ។ ពិតច្បាស់ហើយថាឆ្នាំងស៊ុបដែកអាលុយមីញ៉ូម បង្កគ្រោះថ្នាក់ដល់សុខភាពមនុស្ស ធាតុអាលុយមីញ៉ូមជាសារធាតុបង្កមហន្តរាយ និងមានឥទ្ធិពល បង្កជាមហារីកថែមទៀតផង។ ប្រសិនបើមនុស្សវ័យចំណាស់ទទួលទានអាលុយមីញ៉ូមច្រើនពេក ពួកគេងាយនឹងទទួលរងពីជំងឺវង្វេងស្មារតីនិងបាក់ឆ្អឹង។ លើសពីនេះទៀត អាលុយមីញ៉ូម ក៏អាចកាត់បន្ថយមុខងារប្រព័ន្ធភាពស៊ាំ របស់រាងកាយនិងនាំមកនូវគ្រោះថ្នាក់ផ្សេងៗ ដល់ជាលិកានិងសរីរាង្គដូចជាខួរក្បាល ថ្លើម តម្រងនោម បេះដូង និងប្រព័ន្ធសរសៃប្រសាទ៕

អត្ថបទពាណិជ្ជកម្ម

Related Topics:អត្ថបទពាណិជ្ជកម្ម