ព័ត៌មានជាតិ
សូមមើលឲ្យច្បាស់ លក្ខខណ្ឌប្រឡងចូលពេទ្យ នៅសាកលវិទ្យាល័យសុខាភិបាល
សាកលវិទ្យាល័យវិទ្យាសាស្រ្តសុខាភិបាល បានប្រកាសលក់ពាក្យសុំប្រឡងថ្នាក់ជាតិ សម្រាប់សិស្សបញ្ចប់ថ្នាក់ទី ១២។
នាថ្ងៃទីមួយម្សិលមិញនេះ ពាក្យសុំប្រឡងថ្នាក់ជាតិចំនួន៣,៣៧៧ ត្រូវបានអនាគតនិស្សិតជាវរួចជាស្រេចពីសាកលវិទ្យាល័យវិទ្យាសាស្រ្តសុខាភិបាល។
តាមសេចក្តីជូនដំណឹងគណៈកម្មាធិការប្រឡងថ្នាក់ជាតិ សម្រាប់សិស្សជាប់សញ្ញាបត្រទុតិយភូមិឆ្នាំសិក្សា ២០១៩-២០២០ ដែលមិនទាន់ទទួលបានសញ្ញាបត្រ ហើយមានបំណងដាក់ពាក្យចូលរួមប្រឡងថ្នាក់ជាតិក្នុងវិស័យសុខាភិបាល ត្រូវអនុវត្តតាមលក្ខខណ្ឌដូចខាងក្រោម៖
-បេក្ខជន បេក្ខនារី អាចប្រើអត្តសញ្ញាណប័ណ្ណសិស្សថ្នាក់ទី ១២ (ថតចម្លងមានបញ្ជាក់ពីរដ្ឋបាលរាជធានីខេត្ត) ជំនួសសញ្ញាបត្រមធ្យមសិក្សាទុតិយភូមិ ឬព្រឹត្តិប័ត្រពិន្ទុនៃការប្រឡងសញ្ញាបត្រទុតិយភូមិជាបណ្តោះអាសន្ន សម្រាប់ការដាក់ពាក្យចូលរួមប្រឡង ភ្ជាប់មកជាមួយពាក្យសុំប្រឡង បង្កាន់ដៃទទួលពាក្យ និងប្រវត្តិរូបសង្ខេបដែលមានគំរូស្រាប់។
-បេក្ខជន បេក្ខនារី ត្រូវយកសញ្ញាបត្រមធ្យមសិក្សាទុតិយភូមិដែលមានបញ្ជាក់ពីរដ្ឋបាលរាជធានីខេត្ត មកប្រគល់ជូនគណៈកម្មាធិការប្រឡងថ្នាក់ជាតិ តាមរយៈគ្រឹះស្ថានបណ្តុះបណ្តាលដែលខ្លួនប្រឡងជាប់យ៉ាងយូររយៈពេល ០១ ខែ ក្រោយពេលប្រកាសលទ្ធផល។ ករណីបេក្ខជន បេក្ខនារី មិនបានយកសញ្ញាបត្រមធ្យមសិក្សាទុតិយភូមិដែលមានបញ្ជាក់ពីរដ្ឋបាលរាជធានីខេត្ត មកប្រគល់ជូនគណៈកម្មាធិការប្រឡងថ្នាក់ជាតិ តាមកាលកំណត់ បេក្ខជន បេក្ខនារី នឹងត្រូវលុបឈ្មោះពីបញ្ជីលទ្ធផលដែលបានប្រឡងជាប់ចូលរៀន នៅតាមគ្រឹះស្ថានបណ្តុះបណ្តាលក្នុងវិស័យសុខាភិបាលដោយស្វ័យប្រវត្តិ។
បញ្ជាក់៖ ចំពោះបេក្ខជន បេក្ខនារី ដែលមានសញ្ញាបត្រទុតិយភូមិមុនឆ្នាំសិក្សា ២០១៩-២០២០ ត្រូវអនុវត្តតាមសេចក្តីជូនដំណឹងលេខ ០០៤/២១ គ.ប.ជ ចុះថ្ងៃសុក្រ ០៩ កើត ខែមាឃ ឆ្នាំជូត ទោស័ក ២៥៦៤ ត្រូវថ្ងៃ ២២ មករា ឆ្នាំ២០២១ ស្តីពីការប្រឡងថ្នាក់ជាតិជ្រើសរើសឆ្នាំសិក្សាមូលដ្ឋានសម្រាប់ថ្នាក់បរិញ្ញាបត្រ និងថ្នាក់ឆ្នាំទី ១ កម្រិតបរិញ្ញាបត្ររង នៅតាមគ្រឹះស្ថានបណ្តុះបណ្តាលវិស័យសុខាភិបាល សម្រាប់ឆ្នាំសិក្សា ២០២០-២០២១ របស់គណៈកម្មករប្រឡងថ្នាក់ជាតិ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ