ព័ត៌មានជាតិ
លោកជំទាវម៉ែន សំអន ៖ ពលរដ្ឋត្រូវបង្កើនការយកចិត្តទុក្ខដាក់ខ្ពស់ចំពោះការឆ្លងជំងឺផ្តាសាយបក្សី បន្ថែម១ទៀតក្នុងអំឡុងពិធីសែនដូនតានិងពិធីផ្សេងៗ
ស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន សមាជិកាគណៈអចិន្ត្រៃយ៍ គណៈកម្មាធិការកណ្ដាល ប្រធានក្រុមការងារគណបក្សចុះជួយមូលដ្ឋានខេត្តស្វាយរៀងបានផ្តាំផ្ញើឲ្យបងប្អូនប្រជាពលរដ្ឋត្រូវបង្កើនការយកចិត្តទុក្ខដាក់ខ្ពស់ចំពោះការឆ្លងជំងឺផ្តាសាយបក្សី បន្ថែម១ទៀតបន្ទាប់ពីកូវីដ១៩ក្នុងអំឡុងពិធីសែនដូនតានិងពិធីផ្សេងៗខាងមុខនេះ។
លោកជំទាវកិត្តិសង្គហបណ្ឌិត ម៉ែន សំអន ផ្តាំផ្ញើបែបនេះខណៈពេលអញ្ជើញជាអធិបតី ក្នុងឱកាសបិទកិច្ចប្រជុំបូកសរុបលទ្ធផលការងារគណបក្ស ចុះជួយខេត្តស្វាយរៀងប្រចាំឆ្នាំ ២០២០ និងទិសដៅអនុវត្តឆ្នាំ២០២១ នាព្រឹកថ្ងៃសៅរ៍ ២រោច ខែមាឃ ឆ្នាំ ជូត ទោស័ក ព.ស ២៥៦៤ ស្វាយរៀង ថ្ងៃទី ៣០ ខែ មករា ឆ្នាំ ២០២១ ។
លោកជំទាវក៏បានពាំនាំនូវការផ្តាំសួរសុខទុកពីសំណាក់ សម្តេចតេជោ នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់អង្គពិធីទាំងមូលនូវក្តីនឹករលឹក និងបានគិតគូរអំពីសុខទុកប្រជាពលរដ្ឋគ្រប់ទីកន្លែងនៅទូទាំងប្រទេស។
លោកជំទាវក៏បានស្នើរឲ្យអាជ្ញាធរគ្រប់លំដាប់ថ្នាក់ត្រូវបន្តរឹតបន្តឹងវិធានការដើម្បីប្រយុទ្ធទប់ស្កាត់ជំងឺកូវីដ១៩ និងបន្តរស់នៅ និងធ្វើការតាម គន្លងថ្មីក្រោមទស្សនទានថ្មី និងសូមបន្ត ការងារតាមទិសដៅដែលបានកំណត់។
ទី ១. ពង្រឹងធ្លុងសាមគ្គី ឯកភាពជាតិ ការពារដាច់ខាត ឯករាជ្យ អធិបតេយ្យ និងបូរណភាពទឹកដី ថែរក្សាសន្តិភាព ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច និងហិរញ្ញវត្ថុ បន្តជំរុញចលនាជាតិប្រយុទ្ធនឹងជំងឺកូវីដ ១៩ ដើម្បីធានាសុខុមាលភាព ជីវភាពរស់នៅរបស់ប្រជាជន និងការអភិវឌ្ឍសេដ្ឋកិច្ច សង្គម ។ ទី២. ពង្រឹងលទ្ធិប្រជាធិបតេយ្យសេរី ពហុបក្ស និងនីតិរដ្ឋ ស្របតាមរដ្ឋធម្មនុញ្ញ និងច្បាប់ជាធរមាន បង្កបរិយាកាសល្អប្រសើរសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រនីតិកាលទី៧ ២០២៣។ ទី៣.ពង្រឹងសន្តិសុខ សណ្តាប់ធ្នាប់ សុវត្ថិភាពសង្គមឲ្យកាន់តែរឹងមាំ និងរាំងស្កាត់សកម្មភាពទុច្ចរិតទាំងឡាយដែលបង្កដោយពួកប្រឆាំង ជ្រុលនិយម មានគោលបំណងញុះញង់ បំផុសបំផុល បង្កអស្ថិរភាព ប៉ុនប៉ងផ្តួលរំលំរដ្ឋាភិបាលស្របច្បាប់ដែលកើតចេញពីការបោះឆ្នោតលើមូលដ្ឋានអនុវត្តច្បាប់ម៉ឹងម៉ាត់។ បន្តជំរុញការផ្សព្វផ្សាយ និងអនុវត្តគោលនយោបាយភូមិ-ឃុំ សុវត្ថិភាព ។ ទី៤. បង្កើនការទ្រទ្រង់ និងជំរុញការអភិវឌ្ឃវិស័យសុខាភិបាល អប់រំ វប្បធម៌ សង្គមកិច្ច ការងារ និងវិស័យផ្សេងៗទៀតតាមគន្លងប្រក្រតីកម្មថ្មី។
ទី៥.ជំរុញការអនុវត្តក្របខណ្ឌគោលនយោបាយជាតិគាំពារសង្គមប្រកបដោយនិរន្តរភាព និងប្រសិទ្ធភាព ។
ជាពិសេស សូមបងប្អូនទាំងអស់គ្នា ត្រូវប្រុងប្រយ័ត្នខ្ពស់ និងអនុវត្តឲ្យបាន តាមការណែនាំ លេខ ០២០ សខល របស់ក្រសួងសុខាភិបាល ចុះថ្ងៃទី២៩ ខែមករា ឆ្នាំ២០២១ ស្តីពីការការពារការឆ្លងជំងឺផ្តាសាយបក្សី ក្នុងអំឡុងពិធីសែនដូនតានិងពិធីផ្សេងៗ នាពេលខាងមុខនេះ៕
ដោយ ៖ វិមាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត