ព័ត៌មានជាតិ
មាន់ថៃខូចគុណភាព ចំនួន ៥ការ៉ុង ត្រូវបានដុតបំផ្លាញចោល ក្រោយពីលបឆ្លងដែនតាមច្រករបៀង
បាត់ដំបង ៖ មាន់ថៃខូចគុណភាព ដែលក្នុងនោះមាន សាច់មាន់ ឆ្អឹងមាន់ និង គ្រឿងក្នុងមាន់ ចំនួន ៥ ការ៉ុងស្មើនឹង ២៥០ គីឡូក្រាម ត្រូវបានកម្លាំងចម្រុះធ្វើការដុតបំផ្លាញចោល បន្ទាប់ពីសមត្ថកិច្ចបានស្ទាក់ចាប់បាន ខណៈដែលទំនិញទាំងនេះ កំពុងលបឆ្លងដែនតាមច្រករបៀង ចេញពីប្រទេសថៃ ចូលមកកាន់ទឹកដីកម្ពុជាក្នុងស្រុកកំរៀង រួចមក។
កិច្ចប្រតិបត្តិការនេះបានធ្វើឡើង កាលពីថ្ងៃទី៣០ ខែមករា ឆ្នាំ២០២១ វេលាម៉ោង៩និង១០នាទី ព្រឹក បន្ទាប់ពី ទទួលបានបទបញ្ជាពី លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងមានការដឹកនាំដោយ លោកវរសេនីយ៍ឯក ពេជ្រ សារ៉ែន អធិការនគរបាលស្រុក សំពៅលូន និង លោកវរសេនីយ៍ទោ ទឹម វិ ឆៃ អធិការរង នគរបាលស្រុកសំពៅលូន។
ការស្ទាក់ចាប់ សាច់មាន់ ឆ្អឹងមាន់ និង គ្រឿងក្នុងមាន់ខូចគុណភាព នេះគឺមានអាជីវករម្នាក់ បានលួចនាំចូលពីប្រទេសថៃមកកម្ពុជា តាមច្រករបៀងក្នុងទឹកដីស្រុកសំពៅលូន ដោយខុសច្បាប់ សរុបចំនួន០៥ការ៉ុង ស្មើនឹង២៥០ គីឡូក្រាម របស់ឈ្មោះផេន សម្បត្តិ ភេទប្រុស អាយុ៣៥ឆ្នាំ មានទីលំនៅភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង។
លុះនៅវេលាម៉ោង ១០ និង ២០ នាទី ព្រឹកថ្ងៃដដែល កម្លាំងចម្រុះដែលបានចូលរួមក្នុងកាត ដុតបំផ្លាញចោលនូវមាន់ខូចគុណភាពនេះ រួមមាន លោក យន់ សង្ហា អភិបាលរងស្រុកសំពៅលូន លោក ណុប សំអុល អនុប្រធានការិយាល័យកសិកម្ម ធនធានធម្មជាតិស្រុក លោកអនុសេនីយ៍ឯក កែវ ដារា មន្ត្រីនគរបាលសេដ្ឋកិច្ច នៃស្នងការដ្ឋាននគរបាលខេត្ត លោក ឪ វុធ សមាជិកក្រុមប្រឹក្សាឃុំសន្តិភាព ព្រមទាំងសមត្ថកិច្ចមូលដ្ឋាន ជាច្រើនរូបទៀត។
លោកវរសេនីយ៍ឯក ពេជ្រ សារ៉ែន បានអះអាងថា អាជីវករឈ្មោះ ផេន សម្បត្តិ ត្រូវបានយកមកអប់រំ ណែនាំនិង ធ្វើកិច្ចសន្យា នៅអធិការដ្ឋានគរបាលស្រុកសំពៅលូន ដើម្បីបញ្ឈប់មិនឲ្យមានការនាំចូល សាច់មាន់ ស្លាបមាន់ គ្រឿងក្នុងមាន់ ដែលខូចគុណភាព ពីប្រទេសថៃ មកកម្ពុជា ទៀតជាដាច់ខាត ព្រោះវាអាចប៉ះពាល់ដល់សុខភាពអ្នកបរិភោគ ហើយត្រូវបានក្រុមគ្រួសារមកធានាធ្វើកិច្ចសន្យាសន្យាបើមានថ្ងៃក្រោយជនអាជីវករ ឈ្មោះ ផេនសម្បត្តិ ត្រូវទោះខុសត្រូវចំពោះមុខច្បាប់ ហើយសមត្ថកិច្ចក៏បានឲ្យវិលត្រឡប់ទៅផ្ទះវិញ៕
ដោយ ៖ សោ និយមរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ