ផ្លូវ៦០ម៉ែត្រ គ្មាន​គម្រោង​ ដាក់​ពុះ​ចែក​ទ្រូងផ្លូវ ជា​ផ្លូវ​អាច​យន្តហោះ​ចុះបាន
Connect with us
Helistar Cambodia - Helicopter Charter Services

ព័ត៌មានជាតិ

ផ្លូវ៦០ម៉ែត្រ គ្មាន​គម្រោង​ ដាក់​ពុះ​ចែក​ទ្រូងផ្លូវ ជា​ផ្លូវ​អាច​យន្តហោះ​ចុះបាន

Published

on

ភ្នំពេញ៖ មហាវិថីសម្ដេចតេជោហ៊ុនសែន(ផ្លូវ៦០ម៉ែត្រ) ស្ថិតនៅក្នុងខណ្ឌមានជ័យរាជធានីភ្នំពេញជាផ្លូវមួយមានលក្ខណៈធំទូលាយ ក្រាល​ដោយ​កៅស៊ូស្អាតល្អ ធ្វើចរាចរណ៍ទៅមកបានឆាប់រហ័ស។ តែផ្លូវនេះក៏តែងបង្កឱ្យមានការគ្រោះថ្នាក់ចរាចរណ៍ជាញឹកញាប់ផងដែរ។

ជុំវិញបញ្ហានេះ រដ្ឋបាលរាជធានីភ្នំពេញបានដាក់ស្លាកសញ្ញាកំណត់ល្បឿនផងដែរ ដើម្បីកាត់បន្ថយនូវគ្រោះថ្នាក់ចរាចរណ៍។ ប៉ុន្តែទោះបីយ៉ាងណាក្តីមហាវិថីសម្តេចតេជោនេះ មិនមានគម្រោងនៃការពុះចែកទ្រូងផ្លូវឬ ក៏ធ្វើសួនច្បារ ដើម្បីបែងចែកទ្រូងផ្លូវនោះទេ។

លោកសាំ ពិសិដ្ឋប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបញ្ជាក់ឲ្យដឹង នៅព្រឹកថ្ងៃទី ០២ខែកុម្ភៈនេះថា កំណត់មហាវិថីសម្ដេចតេជោហ៊ុន សែនឬផ្លូវ៦០ម៉ែត្រ គឺជាផ្លូវស្អាតទូលាយងាយស្រួលក្នុងការធ្វើចរាចរទៅមករបស់បងប្អូនប្រជាពលរដ្ឋ ។ ផ្លូវនេះរដ្ឋបាលរាជធានីភ្នំពេញមិនមានគម្រោងនៃការពុះចែកទ្រូងផ្លូវឬសួនច្បារចែកទ្រូងផ្លូវនោះទេ ដោយរក្សាស្ថានភាពផ្លូវទាំងមូល ព្រោះមហាវិថីនេះ ត្រូវទុកអោយបន្សុីគ្នានៃការរៀបចំជាទីតាំងសម្រាប់ ចុះយន្តហោះ។

លោកបានបន្តទៀតថា ពាក់ព័ន្ធនឹងការធ្វើចរាចរណ៍របស់បងប្អូនប្រជាពលរដ្ឋលើដងផ្លូវនេះ មានល្បឿន លឿនដែលតែងបង្កឱ្យមានគ្រោះថ្នាក់ចរាចរណ៍ជារឿយៗ ទើបរដ្ឋបាលរាជធានីភ្នំពេញនិងមន្ទីរសាធារណការនិងដឹកជញ្ជូនរាជធានីភ្នំពេញបានដាក់ស្លាកសញ្ញា កំណត់ល្បឿន៤០គីឡូម៉ែត្រក្នុងមួយម៉ោង ដើម្បីកាត់បន្ថយឲ្យបាននូវគ្រោះថ្នាក់ចរាចរណ៍ ដែលតែងតែកើតឡើង បណ្តាលមកពីការបើកបរហួសល្បឿនកំណត់នេះ។

មហាវិថីសម្តេចតេជោហ៊ុនសែន ឬហៅថាផ្លូវ៦០ម៉ែត្រ ត្រូវបានសម្ពោធដាក់ឲ្យប្រើប្រាស់ជាផ្លូវការនៅកាលពីថ្ងៃទី០៣ ខែមេសា ឆ្នាំ២០១៧ ក្រោមអធិបតិដ៏ខ្ពង់ខ្ពស់របស់ សម្តេចតេជោ ហ៊ុន សែន។

មហាវិថីសមេ្តចតេជោហ៊ុនសែន ឬផ្លូវ៦០ម៉ែត្រនេះ បានចាប់ផ្តើមការសាងសង់កាលពីខែ មិនា ឆ្នាំ ២០១១ ដោយក្រុមហ៊ុន ING Co., Ltd ដោយតភ្ជាប់ពីផ្លូវលេខ២៧១ត្រង់ចំណុចច្រមុះជ្រូកក្បាលថ្នល់ ឆ្លងកាត់បឹងជើងឯក និងបឹងទំពុនហើយភ្ជាប់ជាមួួយផ្លូវជាតិលេខ២ក្រុងតាខ្មៅ ខេត្តកណ្តាល។ មហាវិថីនេះត្រូវបានចាត់ទុកជាផ្លូវសាធារណៈធំជាងគេនៅក្នុងទីក្រុងភ្នំពេញដែលមានប្រវែងផ្លូវសរុប៩,១៦០ម៉ែត្រ ដែលបានដើរតួនាទីធ្វើឲ្យចរាចរកាន់តែប្រសើរឡើង ពិសេសការធ្វើដំណើរពីខណ្ឌ ដង្កោនិងក្រុង តាខ្មៅមកកាន់រាជធានីភ្នំពេញកាន់ តែ ជិតជាងមុន។


សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលសម្ដេចអញ្ជើញជាអធិបតី សម្ពោធដាក់ឲ្យប្រើប្រាស់ជាផ្លូវការនូវកំណាត់ផ្លូវបានមានប្រសាសន៍បញ្ជាក់ហើយថា កំណាព្យផ្លូវមួយនេះ ជាផ្លូវដែលធំជាងគេ អាចចុះយន្តហោះបាន ពេលមានអាសន្នអ្វីមួយកើតឡើង៕

អត្ថបទ៖ ស្រីរ័ត្ន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 hours ago

សម្តេចតេជោ ចេញវិធានការ២បន្ទាន់ចំពោះខេត្តព្រះសីហនុដែលកំពុងកើនឡើងអ្នកវិជ្ជមានកូវីដ-១៩

ព័ត៌មានជាតិ5 hours ago

អ្នកវិជ្ជមាន​កូវីដ១៩មួយគ្រួសារ ក្នុង​បុរី​ ប៉េង ហួត ភូមិ​ក្តី​តាកុយ សង្កាត់វាលស្បូវ ត្រូវ​ក្រុម​គ្រូពេទ្យ​ចុះ​យក​ទៅព្យាបាល

ព័ត៌មានជាតិ5 hours ago

Update !!! ទីតាំង​ប្រឈម​នឹង​កូវីដ១៩ នៅក្នុង​បុរីប៉េងហួត កើន​ដល់​៦ទីតាំង​ហើយ

ព័ត៌មានជាតិ5 hours ago

រកឃើញ​អ្នក​រត់​កង់​បី​ ៣​នាក់ ​ដឹក​ស្ត្រី​ជនជាតិ​វៀតណាម​មាន​វិជ្ជមាន​កូ​វីដ​១៩​នៅ​ស្វាយរៀង​ហើយ

ព័ត៌មានជាតិ6 hours ago

​Breaking News រដ្ឋបាល​ខេត្ត​ព្រះ​សីហនុ​ ប្រកាសរក​អ្នក​បើក​រថយន្ត​ដឹក​ភ្ញៀវ​ សណ្ឋាគារ​ហ័ង​ហ្គ័នជាយី​ ទៅ​ធ្វើ​តេស្ត​កូវីដ១៩ ក្រោយ​រក​ឃើញ​ស្ត្រីជន​ជាតិចិន​មាន​វិជ្ជមាន​កូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services